اروي عطش قلبك

الروح 🌱

_سلام عليكم طيوري.

__صلوا على خاتم الأنبياء والمرسلين❤☁

_سبحان الله
الحمد لله
لا اله الا الله
الله اكبر
لا اله الا انت سبحانك اني كنت من
الظالمين

...

(فَإِذَا سَوَّيْتُهُ وَنَفَخْتُ فِيهِ مِنْ رُوحِي فَقَعُوا لَهُ سَاجِدِينَ ﴿٢٩ الحجر﴾

الروح هي أمانة رب العالمين اللي انطاها للبشر
روحنا هي اللي نفخ بيها الله جل جلاله

يعني فد شي كولش ثمين شي عظيم بس تخيلوا
ويايه ان رب العالمين

بجلالته هو اللي بث بداخلك هل روح وأمنك عليها
شلون ح تتعامل وياها

افرض شخص غريب انطاك امانه ووصاك بيها
شلون ح تحافظ عليها وتداريها

شي اكيد ح تحافظ عليها اكثر من نفسك وكل متطلع تطئمن عليها تعاملها بكل لطافه وود

زين اذا شخص امنك ع بنته او ابنه وكلك كم يوم واخذه
اكيد بلا شك إذا انت شخص تصون الامانه

ح تحافظ عليه حتى اكثر من اطفالك وتضل تراقبه
وتابعه شنو اكل شنو شرب .

مرتاح لو لا ...!وتوصي اهلك بي وكل اللي بلبيت
وتحاول قدر الإمكان أن يكون سعيد
ومرتاح

حتى من يرجع لأهله الطفل يذكرك بالزين ويقدر فعلك الحسن اللي سويته ويا.

زين لحظه....! ليش ما نحافظ ع نفسنا مثل الامانه اللي
ينطوها النا الناس.

زين روحنا ...روحنا مو أمانه رب العالمين
ليش منحافظ عليها..؟

عمليات الانتحار ..ياكثرهن وخاصه (الحرگ )
زين ليييش ..؟

باجر روحنا من تصعد ..تشتكي لخالقها ان مصناها
ومحافظنا عليها .

شنو السبب ..؟ مشاكل ،هموم. ،حزن ،ممرتاح بحياتك
شنو السبب ؟.

ابتعادنا عن خالقنا اكيد بلا شك..لو احنا قريبين
من ربنا ونخاف منه.

مستحيييييل .نأذي نفسنا لو نضرها بعمل.
أفصل علاج...لمشاكلنا كولها هي قربنا من ربنا وخالقنا.
فقط اقترب...

وشوف شلون ح تتغير حياتك للافضل ضع أحلامك،
،امالك ،ثقتك ضعها عند الباري
عز وجل

حافظ ع امانتة حتى يكون هو راضي عنك
كولشي بالتالي ح يخلص العمر بكبره يخلص
ونصير تحت التراب

فكيف بهمومك الصغيره ومشاكلك ،انظر لهمومك من نافذه الايجابيه ،وأن كولشي ح يخلص ويصير
سوالف

المشكله اذا كبرتها ح تكبر واذا صغرتها واخذتها باصغر من حجمها هم ح تصغر

أنت بيدك اللي تهون الأمور وتكبرها ،مااكولك لا تهتم ولا تبالي

بس هم لا تنكد ع نفسك وتحيط نفسك بالهموم وتلبسها ثوب الحزن ع طول

(خليها بيد الله )

وبس

.هو القادر على كل شي.

❤🌱

_______

شويه معلومات ✨

.......

ودمتم بحفظ الرحمن 💜☁

نورا ♥