اروي عطش قلبك

الجاثوم

__سلام عليكم طيوري🌱💜

_صلوا على النبي محمد ...☁

اليوم اختاريت موضوع وحبيت احجي بي وبحثت هواي عنه وحبيت اشاركه وياكم

لان بصراحه أني وحده من الناس اعاني منه.

...

_الجاثوم..او مايسمى شلل النوم يصاب به الشخص
في بداية نومه أو قبل ليگعد

تحسون نفسكم مقيدين ومتكدرون تتحركون بحيث فعلاً
تحسون نفسكم مشلولين وبس عيونكم تتحرك

وتجيكم نوبه اختناق وبعض الاحيان تتخيلون او تسمعون
كلام او تشوفون خيال يجي باتجاهكم
بس متكدرون تتحركون.

مدته 20 دقيقه او يمكن اقل او اكثر حسب .

اسبابه..النوم العميق واضطراب النوم يعني الناس اللي
نومهم ممنتظم

يعني ينامون ساعه 2بليل وگبل يدخل بالنوم الثگيل ههه
لهذا السبب تصير ويا هل حاله.

وسبحان الله ..الدماغ يفرز هرمونات تسبب شلل جميع عضلات الجسم فقط الحجاب الحاجز هو اللي يتحرك يعني بس نكدر نتنفس

والعيون تصير تتحرك بسرعه،

...علاجه.

_هو ان الواحد ينظم وقته ونومه يعني ينام ساعه 11
او هيج ينطي مجال لدماغه ان يتحرر شويه

يبتعد عن التلفزيون والتلفون .وينام نوم خفيف وبعدين عميق.

_الرياضه هم مفيده لأن تسبب بتحريك الدوره
الدمويه.

_الابتعاد عن التوتر وتصفي ذهنك قبل لتنام اتعوذ من الشيطان استغفر ربك
نام ع وضوء وطهاره إقرأ
ايات من كتاب الله وخاصه ( ايه الكرسي )

قصه ___________♥

اكو قصه تذكرتها عن فضل الآيه خلي اكتبها الكم.

اكو فد واحد تاجر وكولش واصل يعني ومتجبر
وهذا التاجر جان كل ميشوف

بنيه حلوه يروح يتزوجها ..وهيج إلى أن بيوم هم
شاف بنيه وعجبته

راح خطبها ..مقبلت البنيه حاول اكثر من مره
ونفس الشي

وبيوم راح لسحار وكله..اريدك تسويلها سحر حتى توافق
بيه .

گله... ماشي كم يوم وتعالي..

رجع بعد كم يوم التاجر للسحار.

گله.السحار  ..اني مااكدر لهاي البنيه لان اي سحر
ميأثر بيها..

گله ..ليش وشلون

جاوبنه.  هاي البنيه من تنام تقرا أية الكرسي ومن تكعد
هم تقراها

اني مااكدر لان حافظتها ملائكه الرحمن
...يعني تخيلوا عظمة هل إيه

بدل .ماواحد يسوي حجابات وحرز وشي فقط
يقرأ ايه تحصنه وتحمي من كل اذى.

ويارب يبعد عنكم كل سوء وأذى
وتكونون بخير..🙏❤

..........

شويه معلومات....

_____اسئله.

1...هم تصير وياكم هاي الحاله (الجاثوم )
او تصير وي احد قريب عليكم

2ّّّّ....تخافون منه او شي عادي

3..سامعين بي قبل لو من كتابي عرفتوه.

وبس اذا عجبكم البارت صوتوا 😍❤

وسووا تاگ لأصدقائكم ♥

.
.
.

،، أذا كان لديك القدره لتحب حب الله اولا.ً🌿💜"

ودمتم بخير دوماً وابداً....💕

نورا..❤