اروي عطش قلبك

التوبه

سلام عليكم طيوري شخباركم ❤🌺

ــ صلوا على نبينا محمد ..
✨🌙🌙🌙🌙✨

_ هلاوو حبي مريم شلونج

_ هلاوات تمام الحمد لله.

_ دومج ان شاءالله ، وينج مختفيه

_ والله يختي مشغوله داباوع مسلسل تركي
جديد كوولش حلوو

انصحج تابعي وياي

_ لا لا يمعوده عندي دراسه ويني وين التركي
اكعد من الفجر اصلي واقرأ

_ يووو شخبصتونا بالدراسه وبالاخير نعلك شهاده بالحايط

دسكتي اسكتي وبعدين صدددك سمعتي اغنيه نور لزين الجديده تخبببل

لحظه لحظه خلي اغنيلج شوي *******
****
_ لا لا اسكتي ماريد مااسمع اغاني اكرهه
متدرين الاغاني حراام

وبعدين انتي شوكت توبين من سوالفج وتلتفتين لنفسج.

وشي ثاني . الدراسه اللي متهمج هذا علم مو اهم شي الوظيفه

يامحلا انو تكونين مثقفه وواعيه وكل شخص يسئلج تجاوبي بكل ثقافه

_ هههههههههههه ضحكتيني والله، شتوف هو اني
شايفه من حياتي

حتى اتوب واقيد نفسي بحجاب وعبايه واضل ٢٤ ساعه اقرأ كتب دينيه

وتعااي صلي وصومي وطبقي الاحكام عود
اكبر والله كريم نتوب

_ اوووو انتي شنو هذا تفكيرج صدددك تحجين
متوقعتج ابددد

يعني هيج الدين بنظرج ، حبي الدين مو بس صلاه وصوم وحجاب وادعيه

واعمال بس تفيدني متفيد غيري ٠ لا بلعكس عيشي حياتج مثل ماانتي تحبين
٠ الدين حلوو كلش وبسيط ليش تعقدوا بهل طريقه

بلعكس الدين ٠ هو القرب من رب العالمين هو الراحه النفسيه

الدين . ان تبتسمين بوجهه الناس ، ان متاذين
احد

الدين هو ان تحترمين اهلج واقربائج
صح العبايه حلووه بس ممكن ان بس تلبسين
شي عريض وغير ملفت للنظر

الدين هو اكثر شي يحترم المرأه فهممممتي
ليش هيج تعقدونه بعيونكم .

ونوب تكولين، من أكبر هو منو ضامن عمره اشو شباب بعمرج واصغر دتموت.

ويامحلى ان يمشي الدين بدمنا واحنا شباب
ونتغذى بحب الله سبحانه وتعالى.

_ اي ميخالف عود افكر باي ارووح انام.

،،،،،،،،،،،،،،،،،

ناااايمه بحفره عمييقه والظلام محاوطني من كل
الجهات

رررررعب فضضيييع واصوات مخيفه تتخلل لاسماعي

لساني ثگيل اريد انطق الشهاده اريد استعين بربي
اريد انطق بآيات الله

اريد اصلي ع النبي اريد شي ينقذني من الجحيم
اللي اني بي

مااكو بلساني بس الاغاني اللي حافظتهن وجنت ارددهن

لساني مينطق غير شي جاانت اسوء لحظات بحياتي ويمكن هاي اخر لحظات

لأن احس النفس ميدخل برييتي خنكه فضيييعه
ورعب اصعب من الموت بهووواي

او يمكن هو الموت بحد ذاته وبهاي الاثناء
فتحت عيوني

وشفت نفسي ع فراش الموت بالمسشتفى وجنت بغيبوبه دامت لاشهر.

ومن هاي اللحظه قرررت اتوب من كل ذنوبي
وابدي بدايه جديده

خاليه من الذنوب والاثام.

_______

مرات احنا نطلب التوبه والعفو من الله سبحانه وتعالى

نقدم ذنوبنا كولها ونكول ريي تبت من كل الذنوب
هاااك شوف

ونمد ايدنا ونكول العفو ياربي ، والايد الثانيه
نضم بيها

ذنب مانتخلى عنه ومانتوب منه ذنب منكدر نتركه
هاي ليس توبه حقيقيه ابد،

التوبه الحقيقيه، نتوب من كل الذنوب ومن كل الاخطاء اللي نرتكبها.

بس شي احنا جدا متناقضين، نطلب العفو والرحمه
من رب العالمين

بس احنا مانرحم ولا نعفو عن الناس واللي يخطئ
بحقنا.

وان شاء الله ربي يتقبل منا ويعفو عنا
فهو ارحم الراحمين ♡♡'

ودمتم بخيرسالمين...

نورا...♡

_________