احببته ♥ رغم اجرامه🔪*کاملة*

🌺الحلقة07 *موسم الثاني*🌺

نكملوا وين حبسنا ..
كيما قتلكم عمر خرج امين كفالة من حبس لي دخلوه ليه و بما انوا عمر عندوا عرف متين هنا سو عليها ..

ركب طونوبيل راح للدار دوش لبس سورفاتمون ديراكسيون سبيطار عند نور ..
عمر : وين بيها
امين : عند نور اذا معندكش مانع
عمر : انت حاب تهبلني واش بيك تجري وراها واش بيناتكم ؟؟
امين : شوف مدخلش روحك فيا انت سباب كلش واش راهو صاري ..
عمر : راح تندم ..
امين بكل برودة : ان شاء الله بربي 😏 ..

مخلاهش يكمل هدرتوا و خرج راح ليها كيما موالف ... مي هذي مرة لقاهم ينحولها اجهزة ؟؟
امين : ياا ### واش دير تما نعل ### مش قتلك متخربش فيها هااا ..
طبيب : موسيوا امين مريضة مكانش استجابة كامل لدواء و (قاطعوا)
امين : مي انا ني نشوف عكس علاه قبلها راهو يمشي حابين تقتلوها بسيف ها .. اليوم نفهم علاه راك دير هكذا ؟؟ معندكش ضمير يا ### احكي قتلك قبل تمس شعرة منها موتك على يدي ..
خرج سلاحوا ووجهوا ليه : شكون باعتك
طبيب بتلبك : موسيوا امين راك تغلط
امين : منعاودش سؤالي قتلك شكون باعتك ربك انطق (قالها بعياط)
طبيب : عندي عائلة مزال ولادي صغار على يتم ..
امين:   ها و اذا تنحي اجهزة مش حرام عليك .. اخر مرة نقولك شكون باعتك متنطقش تموت ديراكت  مكان تاحد يسلكك من يديا راك تسمع فيا ؟؟
طبيب : باباك هو  قالي نحيلها اجهزة و انا ندي جثة و مراح يصرالك والوا عطالي مبلغ مالي و قالي نبعتك برات البلد بيلامة متهدى حالة .. هددني بعائلتي ..
امين : بابا ؟؟
طبيب : هيه و حق ربي مني نزيد عليك كلمة . ارحمني عيشك ..
امبن : روحك رجع كلشي لبلاصتوا و مزال حسابك مكمل ..

عيط امين لحراس يحرسوا بابها و راح لشركة عند باباه .. دخل عليه زدمة حكموت من كول سونيز و قالوا بعياط : مش قتلك متخربش فيها واش ليك علاه دير هكذا هاا احكي ؟؟
عمر : نور عائق علينا و لازمها تموت مش انت لي توريلي خدمتي ..
امين:  تمس شعرة منها انهيارك على ايدي ننهيك .. منا و نمحيك من وجدود ..
لاحوا و خرج راجع عند نور ..دخل ليها لقا كلش مرتب كبما طلع حكم يدها و بقا يحكي :

نور خلاص بزاف عليك شهر و انت راقدة .. نودي احكي معايا عارفك قوية و ماخلينيش انا نضيع بلابيك .. نور نحبك ❤ شهر فات عليا عذاب مقدرتش نتخيل حياتي بلا بيك نور افتحي عينيك.. اني حداك راح نكون سند ليك جامي نخليك و لا نكسرك .. اعطيلي فرصة نبينلك برك ..نور و حق ربي كلام لي قلتهولك ضميري انبني فتي بهذي مرحلة و انت زعفانة مني .. فديتي بروحك على جالي .. نور خلاص بركى من رقاد .. حط راسوا على يدها و هبطتلوا دمعة سخونة على خدوا ..

شهر كامل يروح ليها و يحكي معاها يحاول يوصللها استجابة لحبوا ليها يحب يبينلها شحال عشقها و حبها .. باغي يدخلها بين صدروا يخليها بين احضانوا و متفارقوا كل مرة نفس حالة تقول جثة هامدة اما اليوم غير اليوم بداية جديدة لقصتنا ..