احببته ♥ رغم اجرامه🔪*کاملة*

🌺الحلقة24*موسم الثاني*🌺

نكملوا وين حبسنا💃..
نهار جديد و احداث مشوقة في انتضاركم 💃..
اصبحنا و اصبح ملك لله..

(نبدوا بالبطل هذي شحال محكيناش عليه و توحشناه مام انا ووحشت نكتب اسموا🤭)

ناد بطلنا هذي اخر ليلة فيه في حي شعبي دوش طراسا لحيتوا و مشط شعروا للور لبس قشوا مع ساعتوا و رش برفانوا..  شاف روحوا في مراية  تبسم.. 

خرج فاليزات من بيت لعند باب دخلة.. و راح للكوزينة دار نيسكافي شربها مع بانكايك و بقا يخمم حتى سمع صونات فتح الباب كانوا جاو زوج فورڨونات باه يدوا رحلة (قش ديالوا).. 
ورالهم وين حاطهم كانوا كل في صالون بداو يخرجوا و يستفوا و هو حط فاليزات قشوا في مالة نتع لوطوتوا و جمع فوق كابوا و يتفرج فيهم...ناس كل طل من بلكونات لي تقرعج و لي باغية تفهم... صح هو مش موالف عيشة في هذوا احياء اما عامين هذوا توالفهم و دار صحاب هنا كان يقصر معاهم في قهاوي.. و يلعب معاهم و كل يعني هذي مدة عاش حياتوا حر مكانش لي يامروا و لا يتحكم فيه ..

غير كملوا طلع طونوبيلتوا كان هو اول و موراه كاميونات كانت ساعة هكذا تسعة قريب غشرة صباح.. داروا نصف ساعة طريق كي جا راح يوصل..  عيط لادم.. 

امين: صباح خير
ادم: اهلا
امين: كي صبحت
ادم: لاباس حمد لله
امين: يا ادم بغيت نكلب منك طلب شتتوا انتباه اسيل بسكوا قريب نلحقوا للدار
ادم: خسارة اسيل خرجت
امين: اوك معليش فب عشية مالي قولولها شراو دار لي فوق و من بعد عيطلي و قولي واش قالت
ادم: اوك .. ويا انا نروح عندي خدمة.. بالبراكة عليك رحلة
امين: يبارك فيك.. هيا منعطلكش..

قطع عليه و نفخ كان يتمنى تكون تما اما العشية راح تسمع بالخبر نشوفوا واش راح ديري يالالة...

كملنا طريق و كي قربنا لمحسة سيارة اسيل عابطة تبسمت و كملت للدار دخلنا مع غابة فتحتلهم باب و بقاو يحطولي حوايج و كل.. خلصتهم و دخلت بقيت نشوف في دار و نخمم في تستسفة جديدة نحيت تريكوا و بقيت بلا بيه و بديت نستف خوايج على حساب ذوقي باه نكون مرتاح..

اسيل تحكي..
ندت صباح مش عارفة احساس قوي داخلي قلبي يضرب معرفتش واش معناها هذوا احاسيس.. درت روتيني هبكت فكرت معاهم و خرجت مي لمحة طونوبيل كل زداجها نوار نقدرتش نشوغ سائق موراه زوج فورقونات فلت بلتك سلعة و لا... كملت كريق للمركز مع علم مش بعيد من دار..
خدمت عادي و كي كملت طاعت للدار اما سمعتهم يحكوا على رحلة جديدة هنا بلبي كار يعني دار لي عشت فيها حب اول راه يديخا واحد خلاف.. جيت كالعة حبسني صوت ادم

ادم: اسيل هاكي هنا مشفتاكش
اسيل:  ااام غير خير
ادم: والوا غير بغيت نحكوا مع بعض..
اسيل: نبدل و نجي مالى

طلعت للبيت بدلت لبست بيجامة و لميت شعري و هبطت لقيتهم مزالهم في صالون جمعت حدى ط.زهرة و بقينا نحكوا
جيهان: ادم سمعت دار لي فوقنا شراوها
ادم: ايه شفتها صباح حكيت مع صاحبوا كس كنت خارج من دار تصادفت معاه و قالي نابل جديد
اسيل: وينتا حكيت معاه
ادم: كي خرجتي انت هو دخل هنا
اسيل تفكرت طونوبيل لي تصادفة معاها: اااام مليح
جيهان: واش رايك ط.زهرة تحطيلنا كاش عفسة و ندوهاله انا و ادم
ط.زهرة: هيا الاولى دك نروح نغرفلوا
اسيل: احم.لاه تعيوا رواحكم انا نديهالوا
جيهان: لالا خلي حنا ندوها
اسيل: ادم كان وحدوا هذا قصدي معندوش عايلة يعيش معاها
ادم: الله اعلم مي انا شفتوا وحدوا
اسيل: مليح

جات ط.زهرة و في يدها طبسي و قرعة جو في ساشي تبسم ادم جا يديعا راحت اسيل داتوا
اسيل: انتوا ابقوا هنا برد راهو دك تمرض بنتك و مرتك
زين (ولد جيهان و ادم): خالثوا نروح معاك
اسيل: لالا راهوا برد
ادم: هليه يروح معاك
اسيل: هووووف هيا رواح نلبسلك فيستا..

لبستلوا فاست و بوني و هي لبسة مونتوا فوق بيحامتها و خرجوا يمشوا و اسيل قلبها راح يخرج.. كي قربت للدار خبست بقات تشول مدة فيها خلاص متقدرش دجي هنا

(من وقت ما جاو هنا و اسيل تطلع لراس جبل لهذي دار و تبقا اونفاس ليها و تخمم *معلونة مقلتهالكمش*)

زين: خالثوا هذة ثطبي
اسيل: هيا..
دقدقت اول و ثانية مفتحش مخبتش تزيد مالى حكمت يد زين و جات مولية.
حتى سمعت صوت لي مكانتش تنتاضر تشمعوا تصمرت في بلاصتها..
امين: اهلا بيك
اسيل دارت تشوفو شكون صدمة حياتها امين حداها دك!!! بعد فراق سبع سنين رجع ليها!! بقات مصدونة تشزف فيه ختى تغاشات...

شافها طاخت راح ليها و رفدها دخلها للدار عيط لادم و قالوا يعني باه ميحسبش خلاف كي تعطل..
بقا يشوف في وجها و هي مش معاه كل توحشها بعد كل غياب هذي اول مرة يقربلها.. كان يشوفها من بعيد برك...
رش عليها ماء و هي بدات تفتح عينها شافت امين حداها مزالت تحت تاثير صدمة
امين:  اسيل لاباس
اسيل: هههاااا ا...م...ي...ن (امين)
امين: بشحموا و لحموا
اسيل: ميمكنش وينتا خرحت
امين: هذي عامين
اسيل: لا مش ممكن و طردقت بالبكا و امين جبدها ليه و بقا يمسحلها على ظهرها و هي زادت قوات في بكا و هذا كل تحت انضار زين لي راهو يسجل كلشي 😂..

بعد عليها و ميحلها دموعها و قالها: هههه لاه تبكي..
اسيل: هكذا
امين: الله عليك وخدتيني في عشاء ها شوفي واش درتي

طلعت براشها لقا طبسي تهرس و ماكلة طايحة
اسيل: يااااك مراك تستنا نقيلك عيا بسلامة انا نروح..
امين: اسيل اصبري
اسيل: منصبرش يخي قتلي متستاهليش حبي ليك تعقل مالى متحكيش معايا..

رت زين و ىتحت تمشي و تضحك في طريق
اسيل: دك تشوف واش ندير فيك نوريلك سنين لي تعذبتهم في جرتك مراحش.تسمع اعترافي ختى تخرج عمرك..

دخلت للدار طلعت للبيتها ديراكت جمعت في بونك و تتفكر كيفاه شافتواهههه
اما زين لي حمعوه في وسط و قالولوا حكيلنا واش صرى مخلى مقال كلشي عطاه بالتفصيل من بعد كل واحد طلع لبيتوا..

اسيل مقدرتش ترقد ليل كل مالى بقات تخرب في تلفونوها و نفس الشيئ مع امين...

...  يتبع
꧁꧁꧁꧁꧁꧂꧂꧂꧂꧂

عارفة بارت صغير و لقاء كان بسيط و مش شباب كيما كنتوا تستنوه..ظروف متسمحش.. 

اعطولي افكار للبارتات لي جايين؟؟

رايكم في لقاء؟؟

احداث؟؟.

متنسوش فوت باليز 

#ĹỖϋẸ ЎỖǗ ♥