اوي _شكد_بيئة (تحشيش فصلية)

البارت السادس

بقلمي المبتدئ و المحشش #سلر
#اوي_شكد_بيئة ( تحشيش فصلية) 

🌸 هيلاوو 🌸

اتذكرت مقفلت الغرفة اول ما اريد
اقفلها انفتح الباب ودخلت لبوة
تبجي ووجها احمر كوتلها لج شبيج
كالت امي غصت بالبيتزا تعالي انقذيها
( يمكن تقوقزت بطنها المرة من دعائي 🤭) لبست دشداشتي سريع سريع وطلعت
وياها نزلت وجان اشوف الحجية عيونها
حمر و فاله شعرها و فاكه رجليها تريد الهوى اجيت اني وانطيتها 3 بوكسيات ع
ظهرها خسفته خسف الها انوب
لزمت شعرها وركعت راسها بالحايط
مرتين وگلبتها ع بطنها
(انصحجن بهاي الطريقة ليغص) 
والله ما احس الا طلعت قطعة البيتزا
من خشمها خطية شوية ارتاحت و
رجعلها الهوى ( خو ماكو مثلي بالاسعافات الاولية هي هيج الفصلية كولشي تعرف من ربها شتريديها تصير طباخة طبيبة مهندسة بنجرجي عامل مجاري)
جان تسب بية بنت الكذا اوي شكد بيئة 🙌
كله منج غصيت ليش هيج يابسة.
مسويتها تريدين تموتيني سكتت
عنها عشتوو اعمل زين وارمي بالبحر
اذا انتي مهرفله مشايفة بيتزا يمكن
عبالها خبز باللحم ملحكت تريد تخزن
شلون تعيفلي شوية منها هاي حوبتي 😒
كوتلها الحمد لله ع سلامتج عمتوو
وصعدت الدرج رجعت جففت شعري و
شسورته و لبست شورت و كيمونه
الًيَوُمًِ مرتاحه ماكو اسودي 🙈 قفلت
الباب و نمت ع الجرباية اروح منا واجر
منا سويتها ساحه حرب .  كعدت الصبح
سويت ريوك جانوا جايبين كيمر عرب
صينية و صمون حار سويتلهم جاي
و انطيته الهم اكلوا بس نمر منساني
( ع عناد معجباته 😌 ) جابلي صمونه
بيها كيمر وانطاها الي اني مصدكت
امس بلا عشة وجان افترسها بسرعه
هوة شافني ضحك اني استحيت باله
شيكول عليه شكد عيب بس يا ناس
يا عالم الجوع ظالم 💔 كملنه الريوك
بلشت تنظيف البيت و هذني امه
واخواته ما يگيسن الورد عابتلهن
بسيطة 😥 انوب بلشت بالغدة اليوم
حطبخلهم برياني لحم 😒  مدللين
عشتووو جاي اطبخ بالمطبخ
( والله معلومه لعد وين اطبخين بالكراج)
واسمع صوت الشيخ اسد اجه من
الدوام شعلية بي واذا اجه بقيت ع
وكفتي اسمعه يسلم ع امه واخواته
سمعت صوت خطواته جاية باتجاه
المطبخ وكف باب المطبخ جلة
صوتة شلونكم بوية درت وجهي اله
كوتله بخيرررر الْحٍمَدٍ للـّہ ع سلامتك
ضحك كال الله يسلمج واني هم
بخيرررر اذا انتي بخيرررر يقلد نبرة صوتي ابتسمت عافني وصعد شوية
وسمعت يصيح بأسمي كوتله هاا
كال رايدج اصعديلي لغرفة انخبطت بطني
كولت بگلبي شيريد مني بس لٱ امه
شكتني عنده لان غصت بسبب البيتزا
صعدت واتوكلت لآزٍمٍ اواجهة عليمن
خايفة منه عشتوووو وصلت لغرفة
دكيت الباب اجاني صوته دخلي دخلت
كال سدي الباب وراج سديته بس مو
قفل بس هيج وبقيت واكفه مصفصفه
ورى الباب نهض و اتقدم باتجاهي
وكف گبالي ونزل راسه يم اذني طبعا
اني بكد نمله يمه گلي اشتاقيت لرفساتج
و حظنج ما نمت امس افكر بيج اني
ضليت ارجف لْـۆ تقتلوني متلكون
قطرة دم بية صارت انفاسة قريبه
لوجهي گلي مشتاقتيلي يول ظليت
اتلعثم بالحجي ضاع مِڼـّي ما احس
الا التهم شفايفي بحركه سريعه 😱😳
نزل ع ركبتي هلنوب لزمني من خصري
ويريد يسحبني ع جرباية هنا اني
انتفضت وحسيت ع نفسي انطيته
دفرة هوة ابتعد وكام يسب
بية بنت الكذا اوي شكد بيئة 🙌
اني فتحت الباب وافلت خوية عامرر 🏃‍♀️🏃‍♀️ نزلت المطبخ واني متبنجه كعدت
الكرسي وگلبي يدوگ سريع لزمت
شفايفي وابتسمت معرف شنو
شعوري احبه لْـۆ شنو بضبط كمل
الغدة جهزته وفرشت السفرة وصبيت
ونقلتلهم الاكل نزل الشيخ وهوة
يخزر،بية جان يحجي ابقي اكلي ويانه
وين رايحه كوتلة لٱ اني اتعودت اكل
وحدي بالمطبخ كال لٱ هلنوب ويانه
تاكلين وسواله مكان يمه اجيت كعدت
بس شنو اتراجف خزرني عود مدي
ايدج اكلي مديت ايدي اللكمه كوة
ادخلها هوة يتعمد يطخ ايدي لْـۆ
جسمي يريد يقهرني زيادة اني كل
شوية ابتعد كملنه اكل و غسلت
المواعين كال سويلي جاي وجيبي
لفوگ صبيته كوب جاي وصعدته
اله انطيتيها طخ ايدي بسرعه
كمزت كام يضحك بصوت عالي
ويكول خبله واتورطت بيها طلعت
من الغرفة الًيَوُمًِ ما ادخلها بقيت
افرفر بالبيت و اشتغل اي شي كون
يلهيني طلعت لحديقة فرفرت بيها
بعدين سويت العشة هم اكلوا و خلصوا
وكل واحد دخل لغرفته هوة غمزلي
وگلي هاا ناوية تبقين تفرين بالبيت
وضحك يا ماما هسة وين اروح يي
اجتني فكرة اروح لمخزن احسن رحت
وجان الكي مقفول يمكن الشيخ اسد
قافله ع عنادي علمود اضطر اصعد
لغرفة بعد مبيها كل مجال صعدت
لغرفة لكيته منسدح ويگلب بفونه
شال راسه باوعلي وابتسم ورجع
يباوع بالفون اني مهتميت اله اخذت
ملابس وشامبو و الغسول مو تنسن
وين يبيعوه 😊 كملت سبح لبست
هلمرة كيمونه حمرة وبجامه طلعت
لافه شعري بالخاولي نشفته و شسورته
ولفيته كيكه قصدي كعكه 😁
ورحت باتجاه الثاني لجرباية حطيت
راسي ع مخدة ودرت وجهي عنه
شويه واسمع جداحه تطگ عرفته
جاي يدخن كام يسحب بالجكارة و
ينفخ كمله 3 جكارته عافهن وطفه
تيبلامب واتمدد بصفي شوية و جلة
صوته گلبي الما فز لشكو بنية نسوان
تشمر روحها تشمر علية بس جنت
ما اثق بأي  مرة وما اتصور يجي يوم
واحب واني بهالعمر وضابط وشيخ
والكل تهابني وتسمع كلمتي يفز لبنية
اشبه بطفله بس حبيتها وادوهنت بيها
يمته يحن گلب ام اوي عليه اني اسمع
وابتسم بس دايرة وجهي عنه كالي
بوية ترة طكت روحي اريدنج وما
رايد مرة غيرج وان جان رايد غيرج
الف مرة تجي بأشارة مِڼـّي درت وجهي،
اله كوتله اسد لتضغط عليه لسة ممتقبلة
وضعي وياك جان يسبل عيونه كال
يا محلة اسمي بحلگج يروح اسد
وبنيته ضحكت جان يسحبني من خصري
و يگولي اريدج تنامين بحظني
ما بلازم انتظرج كوتله اخاف اذيك
نومي عبث كال ول يابة احلى رفسات
بحياتي رافسي وسوي اليعجبج عسل
ع كلبي نمت بحظنه واني احس بالامان
جان هوة كلش فرحان غفينه اثنينه ..

يتبع .... انتظرن بارت بليل

مووح الجن كولجن 💋💋