ماريا: ايه هادا مول الطوموبيل لي حكيتلك عليه قبيل
مهدي: خسرتيلي طوموبيل جديدة وتزيدي تحكيلها فرحانة بهاد الانجاز مكفاش رحتي بلا ماتحطي حقها
ماريا: نحط حقها؟منيتك كنت تستنا فيا نخلصك هه لوكان ماكانتش عندك هاد النوع لوكان خلصتها اما نتا خيرت لي كنت راح نجيبها كي قدرت تشريها سما تقدر تخدمها
مهدي: شوفي كيفاه راهي تهدر تقول طفلة صغيرة نحاولها لعبة تاعها
ماريا: واشن..... كانت راح تصيح لوكان ماغلقتلهاش فمها سيلا
هوما كانو يضاربو و الطبيب مخلوع ويسيي يسكت فيهم
الطبيب: ياو راكم في مستشفى ماشي عند الميكانيسيان ادا علابالكم هاكم نوضتو المريض
ومخليتوهش يرتاح
دارو لعندو لقاو فهد فطن مهدي راح يهدر معاه وسيلا وماريا حبسو مخلوعين في الكاريزما تاعو رغم المرض
فهد:م..ا...ما..ء
جابلو مهدي الماء وراح الطبيب يشوف التقرير
ط: حمدالله على سلامتك مسيو دوك راك مليح هذا
بفضل لي تبرعلك بالدم
فهد:ش..شكرا دو..كتور...وق..تاش نخر...ج
ط:دوكا مالازمش تخرج لازم تريح عالاقل يومين هنا المهم حمدالله على سلامتك مرة ثانية راني اومبعد نولي ليك
فهد:امممم
مهدي: واش خو هكا تخوفنا عليك مالغري علابالي بلي عندك سبع ارواح
هدا كامل تحت نظرات سيلا وماريا لي مانتبهوش لوجودهم حمحمت سيلا بعدما فطنت لروحها ونقزت معاها ماريا
دارو ليهم فهد ومهدي
مهدي: ا فهد نسيت ماعرفتلكش هادي الانسة سيلا لي تبرعتلك بالدم تاعها
فهد شاف فيها بملامح جامدة: اممم شكرا وسكت
سيلا*لوخر مخلوع بدراهمو وهدا بارد ومغرور يعع يادرا كيفاه متحملينهم في الدار*:العفو سي فهد والحمد لله على سلامتك
وخرجت
________
بعدما ركبو في الطوموبيل ماريا كل الطريق وهي تحكي على فهد ومهدي وسيلا غايسة تخمم كيفاه تخبر خوها لي كان متعلق بزاف بيماه
ماريا:ياسيلا شفتي شحال شباب... وسمو فهد ياعمري اسمو يهبل هي هاداك خوه مانعرف اسمو تان شباب بصح فهد خير تقول راني في تركيا بلادنا بدات تتحسن ياه
سيلا:.........
ماريا:*ياه كيفاه ماقاتليش اسكتي!*: سيلا راني نهدر معاااااك سيلااااااا
سيلا:وشنو وشبيك تعيطي راني قدامك
ماريا: نتي راكي قدامي مي عقلك وين راه؟
سيلا: راني نخمم كيفاه نقول ل"يغيت"علابالك بلي متعلق بيها بزاف الله يرحمها
ماريا:ايه صح مي هو قوي تاني وراح يفهم
سيلا:ان شاءلله ياربي صعيبة والله
ماريا*سكتت مالقات ماتقول ماتعرفش تواسي هي بطبيعتها مرحة ومهبولة*
بعد مدة:
وصلو للدار سيلا رجل لقدام وعشرة للور تفكرت يماها اما تقوات ودخلت لدار وهي تشم في ريحتها راحت لعند خوها لي كانت جابتو يمات ماريا
غير جات راح تفتح باب تاعو سمعت يغيت يقول ل سناء*يمات ماريا*:ماما مزال باش تجي لبارح قلتيلي غدوة تجي؟وسيلا وين راهي؟!
سيلا قلبها وجعها حست بلي راح تكون صعيبة عليها باش تقولو حكمت يدها وزيرت عليها تحكم في دموعها شافتها ماريا حطت يدها على القبضة تاعها تواسي فيها وفتحت الباب شافها يغيت بدا يصيح:سيلااا ختي توحشتك
راحت ليه عنقاتو:مام انا توحشتك ياروحي..
ودارت لسناء:تعيشي طاطا ربي يحفظك
سناء:ماتقوليش هكا بنتي نتوما راكم عزاز عليا كيما ماريا وسيف
ماريا:ماما ارواحي معايا دقيقة وغمزت لسيلا
دارت سيلا لخوها وقاتلو:يغيت خويا ياك نتا قوي واش راني حا نقولك راح يكون صعيب عليك لكن لازم نتجاوزوه
يغيت:خير سيلا وش كاين اهدري؟خوفتيني
سيلا:لكن اوعدني تقعد قوي
يغيت:نوعدك!
سيلا:ياك علابالك بلي ماما كانت مريضة بزاف وتاني عندها السكر ولبارح كي كنت عند طاطا سناء جرحت روحها وضاعلها بزاف الدم!ديناها لسبيطار مي ماقدروش يسلكوها لاخاطر مالقاولهاش متبرع يعني..
يغيت:ماتت!صح؟
سيلا: خويا هدا مكتوب ربي وماما راهي في الجنة دوكا لازم علينا ندعولها ونقراولها القران مالازمش نبكو هكا بسك رانا غير نعذبوها في قبرها نتا راك حابها تتعذب؟
يغيت: لالا مارانيش حاب تتعذب مي نورمالمون أنا لي نموت ماشي هي انا لي راني ثقل عليكم انا لي مافيا حتى فايدة
سيلا: واش راك تقول بعيد الشر بالاك نزيد نسمعك هدرت هاد الكلام فهمت راني نزعف عليك ياك علابالك بلي هدا قدر ربي لازم نصبرو عليه اما نتا انا راني هنا ندير واش نقدر باش تبرا فهمت!
كانت راح توقف لكن حكمتها يدو: سيلا ختي ماتخلينيش نتي تان... علابالك بلي مانقصدش والله من ألمي راني نهدر هكا
عنقاتو سيلا وبدات تبكي خلاص ماقدرتش تحبسهم كثر
_______________
#Par:Douaa❤
أنت تقرأ
♡ضحية انتقامه♡
Historical Fiction💠تمـهييد: 💠.... يقول: آسف لكن لن يضمر آثر جرحي إلا عندما أنتقم... فهي من الوجبات اللذيذة عندي.... تجيبه: الانتقام الذ الوجبات فعلا لكن ليس حينما تقوم بإعدادها انت.. انما عندما يعدها القدر تكون لذتها تفوق الوصف.... -: لن أتحمل حتى ينتقم لي القدر...
