♡ضحية انتقامه♡

البارت 26

يوم جديد:

الساعة 5 فجرا:

فطنت سيلا مخلوعة بعد المنام لي شافتو قلبها مزير عليها، تلفتت قدامها تشوف فهد كيفاه راقد حست شوية بالامان: سبحان الله الذي صوره فأبدع في تصويره تقول ملاك........ تبسمت وناضت توضات لتلبية نداء مولاها لصلاة الفجر دعات ربي وقرات سورة يس والورد من القرآن وقعدت ف السجادة تسبح وتقرآ أذكار الصباح حتى شرقت الشمس

{•معلومة دينية: كي تنوضي تصلي الفجر مور ماتكملي اقعدي ف السجادة حتى تشرق الشمس تعادل كأنو عمرة كاملة اقعدي اذكري ربي وسبحي وسورة يس مليحة بعد صلاة الفجر وربي يثبتنا•}

هبطت لتحت ملقاتش وش تعمل الدار كبيرة والخدامة دارت كلش لبارح..... قعدت تدور توجهت لا إراديا لهاديك الصورة تع فهد والعايلة تاعو فهاديك الزاوية كاين خزانة من الاول ترددت اومبعد فتحتها فيها ألبومات وحاجات قديمة بزاف والعاب تع اطفال: زعما عندو دراري؟!مزوج من قبل!!ا سيلا لالا بعدا كون قاتلك هناء.....وبالاك معلابالهمش....ياخاه واش هاد التخمام نحيه نحيه يكونو العاب تاعو كي كان صغير!.....عندو 30 سنة يخلي العاب!! كي ينوض نسقسيه! قاطع حوارها مع نفسها سقوط صندوق صغير شباب جاها الفضول تشوف واش فيه جات تفتحو لقاتو مغلوق: اووو زعما علاه مغلوق وش يك... ماكملتش هدرتها ويطيحلها من يدها بعدما سمعت فهد موراها: شكون قالك ادناي لهنا