اعرفكو ع نفسي أنا ريم عندى٢٠سنه ف كليه طب نفسي ابقي دكتوره نفسيه اووى دا حلم م احلامى وانشاء الله هيتحقق متعرفوش أنا تعبت اد اي عشان ادخل طب وذكرت واجتهدت والحمدلله دخلتها
اتوضيت وصليت خرجت م اوضتى لقيت ماما بتحضرليلى الفطار طبعا كالعاده
_صبااح الخير يماما
=صباح النور يلا الفطار عشان الكلى
_اوكيه تسلم ايدك
خلصت اكل ونزلت طبعن أنا مش بلحق بابا لانو بيكون مشي ف الشغل وبينى ومابينكو انا مليش اختلاط بيه الصراحه يعنى كل إلى بقولو ازيك وبس في مشاكل كتير مابينو ومابين ماما ودا إلى بيخلينى ابعد لاسباب هتعرفوها نزلت وانا سرحانه ومش واخده باله م حاجه
=انتى ي اوزعه
واخيرا انتبهت قلبي دق جاامد اووى اول مابشوفو بجد
_مازن ازيك معلش مكنتش واخده بالى
=واي إلى واخد بالك بقا يست ريم
_ضحكت مفيش حد واخد بالى
=علعموم فيه مفاجاه كدا وانا كنت طالع عندكو عشان اقولكو بنفسي بس كويس انى لحقتك
_انا بفضول اي هي المفاجاه قول
=منا هقولك اهو استبري أنا يستى خطوبتى الشهر الجااي ع اميره
انا سمعت خطوبتى دى وفصلت ع العالم كلو هيبقي لغيري خلاص حاولت امسك نفسي عشان معيطش ادامو وهو شاف دا وفرح
_انا بصوت مهزوز هتخطب ازاى يعنى
=هو بضحك هو اي الى زى اسئلتك غريبه يرورو
_بتحبها؟
=أتردد ف الاول وبعدين قال اله
_طب وانا
=وانتى ايي انتى عارفه إن إحنا مجرد صحااب
_بعياط انتا كداب احنا مكناش صحاب انتا عارف كويس اووى احنا كنا اي
=هو بلامبلاه اديكى قولتى كناا
_انتا جبت القسوه دى كلها منين هاا انا كنت بقول انا كان عندى امل كبير انك ترجعلي وتفهم انى بحبك صدقت أن أنا ممكن اكون بحب غيرك وسبتنى
=اي حد مكانى هيصدق وبعدين خلاص إلى فات فات واحنا دلوقتى صحاب وملوش لازمه الكلام دا
_تعرف أنا ندمانه ع حجات كتير اووى ومنها انى عرفتك وانا دلوقتى مش هرخص نفسي لواحد زيك ومن النهارده احنا مش صحاب ولا ايي حاجه ولو شوفتنى ف الشارع تانى متوقفنيش وابعد عن طريقى عشان اخرتنى
مشيت وسبتو يناادى عليا وجريت ركبت العربيه وانا شبه منهااره ماازن كان حب ٣سنين ازااى بس قدر يبعد عشان مجرد كلام ظلمنى اووى مسحت دموعي كان في بنوته جمبي ادتنى منديل مسحت دموعي وحاولت أهدى نزلت م العربيه وشكرت البنت ونزلت دخلت المحاضره اعدت أنا معنديش صحاب مبقتش بثق ف حد م ساعت صحبتى والى اتكلمت عنى ف ضهرى وهى سبب انفصالنا أنا ومازن اصلا الحقيره دخلتها بيتى واكلنا مع بعض عيش وملح وف الآخر غدرت بياا وطعنتنى كنت معتبرها اختى. طول المحاضره وانا مش مركزه وبفكر خلصت المحاضره ومحستش باي حاجه اصلا اعدت وانا بردو التفكير هيقتلنى أنا وهو كنا قرين فتحه وكنا خلاص هنتخطب افتكررت ذكريتنا الجميله وحبو ليي اد ايي كان بيحبنى وغيرتو علياا عتبت نفسي خلاص هو مبقاش ملكى هنسااه ومش هفكر فيه تاني خلاص دراستى اهم م كل حاجه. قطع صوت تفكيري صوت الموبيل بيرن لقيتها ماما رديت
_السلام عليكم
=وعليكم السلام عامله ايي ي ريم قابلتى مازن تحت صح قالك حاجه
_انا وشبه بعيط وبصوت مهزوز هيتجوز خلاص يماما
=ملكيش نصيب يقلب امك انتى هتلاقي الاحسن تعالى روحى متحضريش حاجه
_ اخدت حاجتى وانا بكلمها أنا جايه اصلا اهو
=مااشي يحبيبتى توصلي بالسلامه
قفلت معااهاا. ع اد مانا زعلانه ع فرااق ماازن ع اد مانا فرحانه باهتمام ماما بيه حست بيا وكلمتنى علطول هى عارفه اد ايي أنا بحبو واد اي أنا متعلقه بيه يمااا حظرتنى م صحبتى سهيله بس أنا مسمعتش. نزلت م العربيه ومشيت واعت ادعى أن مشفهوش ادامى لقيتو واقف عند مدخل العماره بتاعتها شكيت انو مستنينى رجعت تانى ولفيت عشان ادخل م المدخل الخلفى ودخلت طلعت بسرعه البرق ورنيت الجرس فتحتلى ماما وجريت ع حضنها وانا بعيط وحاولت أهدى قرت لي قران وهديت خالص دخلت اوضتى واخدت دوش صليت واعدت ادعى كتير اووى ونمت م كتر التعب بعدها بشويه صحيت ع صوت بابا وهو بيتخانق مع ماما ع نفسي الموال بابا طيب والله بس مشكلتو أنو عصبي ميقدرش يتحكم ف عصبيتو وبخيل شويه يعنى بس هو بيحبنا جداا هو علطول مسافر ااه صح نسيت اقولكو أن أنا البنت الوحيده. المهم خلصو خناق وبابا كالعاده صالح ماما اتغدينا واحنا بنتغدا بابا قال
=عامله ايي يريم
_الحمدلله تمام
=كلو تمام يعنى
_انا بابتسامه كلو تمام الحمدلله
=شدى حيلك بقا عوزينك تبقي دكتوره اد الدنياا
_هيحصل انشاء الله
=انشاء الله
بسس وهو دا كلمنا بس خلصت وذكرت شويه لحد العشا ما ادن وصليتو خلصت مذاكره وقررت اعد شويه ع الموبيل اشوف النت واي اخبااره قررت ساعتها أن امسح مازن م حيااتى خالص كانو مدخلهااش اصلا قمت واتمكيچت بس خفيف لانى مبحبش المكياچ ولبست درس ولفيت الطرحه كانى ناازله وفضلت اتصور صور كتير جداا وفضلت اتفرج ع مسرحيات القديمه بتاعت عادل امام وفواد المهندس أنا بحب اووى المسرحيات دى منمتش طبعن استنيت الغروب دخلت البلكونه وانا ماسكه الفون ومبتسمه اووى وحاطه الهند لقيت ماازن طالع م البلكونه إلى قصاادى واول ماشفنى ابتسم لكن أنا عملت كانو مش موجود اصلا انزعج ودخل البلكونه تانى وعدا اسابيع كتير ومازن بيحاول يكلمنى وجيه معاد الخطوبه قلبي وجعنى اووى ماما وبابا راحو وانا رفضت اروح بعدها بساعات كتير ماما وبابا جم واستنيت لما بابا يدخل الاوضه
_اي يماما الفرح كان عامل ازاى كان مبسوط طيب
=مبسوط مش مبسوط خلصنا احنا مش اتفقنا ننساه هو خلاص يريم خطب لواحده تانيه ركزى ف دراستك
مشيت وسابتنى ودخلت الاوضه دخلت أنا كمان اوضتى وحاولت اركز ف الدراسه وبعدين مسكت موبايلي ولقيتو منزل صوره لي هو بالبدله وهو حاضنها عيط بوجع اووى دخلت الحمام وانا بمسح دموعي وعينى إلى بقت زى الدم ونهرت نفسي
_خلاص ي ريم بتعيطى ع اي انتى هتنسيه ربنا هيعوضك بالى احسن
ودى كانت اخر جمله قولتها
عدى شهرين وانا خلاص بقيت شبه نسيتو أو بهيأ لنفسي كدا واخدت الاجازه انتهزت الفرصه وبدأت اتعلم م النت طبخات اكل جديده أنا بحب الطبخ اووى وواحده واحده بقيت اتعلم اتصلت بيا بنت خالتى سلمى هى متجوزه وقالتلى انزل اتمشي معاها شويه لأنها زهقانه ما اعترضتش عشان انا كمان زهقانه لبست بنطلون واسع بوي فريند ولبست بلوزه بيضه ع طرحه مشجره حمرا ف بيضه وكوتشي ابيض نزلت وقابلتها
=رورو وحشتينى مووت عامله ايي
_تمام الحمدلله انتى عامله ايي بقالى كتير مشفتكيش
=اهو تمام تعالى نقعد نقعد ف كافيه عشان نحكى لبعضينا
حكتلها كل حاجه وبعدين فضلنا نتمشي اتصورنا صور كتير وصورتنى صور حلوه سلمى فوتغرافر حلو اووى وروحت وكان اليوم متعب وانا داخله العماره شفت مازن ناادى عليه تقريبا مدريت ومعبرتوش
روحت استحميت ومسكت الموبيل لقيت سلمى بتبعتلى الصور جت ف دماغي انى انزل الصور دى عمرى مانزلت صور ليا ومازن كان ببضايق جداا ومبيرداش قررت انى انزل الصور ونزلتهم وكتبت أن اليوم اد اي كان حلو وان بقالى كتير مخرجتش قفلت الفون قولت هروح اعملى حاجه اكلها عملت وخلصت اكل وبعدين رجعت للموبايل تانى لقيت تعليقات كتير وكلهم ناس معايا ف الجامعه وكلهم بنات طبعن
و كلام حلو اووى حسسونى أن أنا فعلا جميله وفرحت اووى بالتعليقات دى ماانى ماعرفهمش وماليش اختلاط بيهم بس حبيت تعليقاتهم جدا وانا بقلب بالتعليقات لقيت ولد اسمو شهاب بيقول قمر وف الحقيقه قمرين غضبت جدا بس جوايا فرحه أن حد بيقولى كداا رديت عليهم كلهم وشهاب رديت عليه ب قلب ابيض وصلت مسدجات م مازن كنت هتجاهلها بس مش عارفه اي إلى خلانى ا فتحها
اكمل ولا ايي
