المكان؟!

مقدمه💎

#المكان
.
.
المقدمه
.
.
الكاتبه:ويتي الحاسي💎جيوان الشرق💎
.
.
لايك قبل القرأة ياسموحات❤
.
.

كانت تبكي في مكان؟وحدها
لابسه خمار ودموعها شلال على اخدودها وطايحة على اﻷرض
ماحد حاس بنارها ولا حد حاس بالموجه الي تايها فيها توا

شافتها وحدة مازالت شابه قربت منها وحطت يدها على كتفها

الشابه:يا اختي انتي اكويسه

البنت:ارفعت الخمار وهزت راسها بحسرة بمعنى لا

الشابه:يااختي كلنا صارلنا نفس الي صارلك انتي بس صبري روحك

سارة:بس نا ناار في قلبي نااار😭😭

الشابه:كلنا ذقناها بس انتي حسيتك غير قوليلي قصتك نبي نسمعها

سارة:وعيونها ادموع...نااا ياخيتي😢...وسكتت

الشابه:شن القصه شوقتيني

سارة:ابتسمت بحسرة...هه تبي تسمعي قصتي

الشابه:قمعزت...أاه نبي نسمعها

سارة:بس نا قصتي مش حتعجبك

الشابه:لكن نا نبي نسمعها معليش احكيلي كنك

سارة:ابتسمت بحسرة ومشت بخيالها بعيدددددد🔥
وبدت تحكي في القصه.....

يوم فرحي

انفتحت اغنيه "هلا بريحة هلي" كنت امصبيه على المسرح وامطبسه راسي و انراجي في الشخص الي حيكون زوجي الشخص الي حتى اسمه مانعرفش الراجل الي حتى صوته ما عمري سمعته
خش وهو يمشي بسرعه وعيونه على المسرح لابس بدله كوحليه ورافع شعرة ومحدد لحيته زي الخليجيين😍وماسك باقة ورد في يده ويجارن وراه خواته وأمه وقدامه المصورة اتصور فيه
وصل لعندي على المسرح ورفعلي الطرحه ومدلي الباقه وسلم عليا بلخد ومابش ايحب على جبهتي
أشرتله المصورة على جبهتها يعني بوس راسها هزلها راسه بمعنى لا
حرقت فيا الحركه هذي وبديت نكرهه من اول يوم🔥
قمعز على الكنبة وهو ضحكته من الوذن للوذن ونا قمعزت جنبه
قربن خواته وأمه وماما ومرات خوي يسلمن عليه

هديل:مبروك عليك خيي😊

هو:خلاااص قلتيها لي ستمية مره😂

هديل:نبيك اتقولي عقبالك ماصار شي😂

عمتي:تحشمي يابت قدام خوك😡

هديل:ماماااا عادي😣

هنا:الف مبروك على خيي منك المال ومنها العيال

هو:يبارك فيك وين روسان ماحقيتهش بكل

هنا:توا ننزل انجيبها لك

نزلت هنا جابت بنتها سلمت على خالها وصورت معاه و نزلتها

ماما:اتسلم عليه...عينك منها ياباتي خليها في عيونك