المكان؟!

2💎

#المكان
.
.
الحلقة الثانيه
.
.
الكاتبه:ويتي الحاسي💎جيوان الشرق💎
.
.
لايك قبل القرأة ياسموحات❤
.
.

نزلنا وخشينا للفندق وكان في ساحه خارجيه فيها مسبح كبيررررر وكان في وحدين حاطين كرعيهم في الميه و وحدين يبرمو على المسبح و وحدين امقمعزين على الكراسي وكان الجو رووومنسي
لكن الي امعاي شكله مايفهمش في الرومنسيه😒
وصلنا للريسبشن وعطونا رقم الغرفه ورقينا فوق🔥

حل مهند الباب بالبطاقة وخش ونا ورااه
طبعا الجناح كان عبارة عن صاله وحمام ومطبخ تحضيري وغرفة نوم
مهند خش للدار النوم ونا قعدت امصبيه في الصاله وكنا نحنا اﻷثنين متوترين😭
تميت امصبيه ومهند خش امعش طلع نص ساعه هكي وطلع علي لابس توته ومتسبح

مهند:طووولت؟!

نا:بصوت واطي...مش امغير😒

مهند:ايشش؟

نا:عطك ادعوه في أسئلتك هذين😒

مهند:تي كنك انتي اول مرة انشوف عروس جالطه

نا:انشاءالله بسلامتك

مهند:لا حول ولا قوة إلا بالله العلي العظيم أستغفر الله ياربي استغفر الله

نا:كنك اتحق في جن قدامك ولا ايش نين تستغفر

مهند:بصوت عالي..خشي جواا خشي غيري ادبشك ينعععن😠

نا:ينعععن شنوو اااه كمل😡

مهند:ينعن شيطانك باااهي ينعن شيطاانك خشي را انطربق الدنيا عليك خشي جواا😠

نا:خشيت جوا نجري ونا ميته رععب اول مرة راجل غريب يعلي صوته عليا كنت خايفه لكن انمثل في القوة
قمعزت على السرير ونا انبحت في الدار وعيوني رقرقن توا مفروض يكون اجمل يوم في حياتي وراجلي يحكي معاي بشويش و رومنسيه لكن صار العكس
بس ممكن نا الغلطانه وتهندت يلا خليها على الله
صبيت نبي نسلح الفيلوو لكن امعش قدرت انفك الخيوط مربوطاات زييين حاولت وحاولت وحاولت لكن ماقدرتش
نزلت يدي بخيبه:افففففف ياربييي

انفتح الباب فجأة وخش مهند وتما ايبحت في
قبل نبي انقوله كنك لا حر لا شر لكن قلت خليني نسكت خير
طول وهو يبحت في نين تحشمت وقلتله بصوت واطي:كنك شن في

مهند:هز راسه...ءء ااه ل لالا غير نبي اللابتوب امتاعي جبته هنا😳

أنا:أاه خش خوذه...ورديت انحاول انفك الفيلو

خش مهند خذاه وجا يبي يطلع فطنلي ونا انحاول انفكه

مهند:انجي انساعدك فيه

نا:تحشمت و نزلت راسي ونزل شعري على وجي

مهند:ابتسم وحط اللابتوب على الطاوله وقرب مني

نا:ءء اه خل خلاص مفيش داعي😳

مهند:بعد أيش بعد وصلت

نا:ب به...قرب مهند مني وبدأ ايفك في الخيوط بشويش وكل مايلمس ظهري يرتعد جسمي كله ونسخن مع بعضي قعد ايفك اشوي اشوي نين ككمل وبعد