المكان؟!

4💎

#المكان
.
.
الحلقه الرابعة
.
.
الكاتبه:ويتي الحاسي💎جيوان الشرق💎
.
.
لايك قبل القرأة يا سموحات❤
.
.

نا:خلاص خليها على راحتها يا مهند نا مش هنعدل عليها مريضه وليس على المريض حرج

دعاء:انفجرت في فجأة...نا مششش مررريضه مششش مررريضه كنكم انتو كنكم
ديما دايريني مررريضه مشش مرررريضه انا مش مررريضه😭😭
وتمت اتكرر في كلمه مش مريضه نين طاحت اغمى عليها
التمن عليها البنات وشاهين خش جوا يجرري
نا تميت امصبيه انبحت في مهند واعيوني دموع
طلعت ام دعاء تبكي بصوت عالي

ام دعاء:كنهااا بنتي كنهااا شن درتولها ينعلي بنتي بنتي😭

هديل:بصوت واطي...هضا اكيد الكلب شاهين ماشي امشهدرها😡

نور:بحتت في هديل وبصوت واطي...يييي ستبدا في الدراما توا😒...وبحتت في ام دعاء
هدي روحك ياعميمه بشويش

ام دعاء:لالا ماندهيش روحي كنها البنت ينعلي كنها😭😭

مهند:خلاص ياعمتي اسكتي توا ناخذوها للمستشفى ...وشالها بين يديه

نا:نمسح في دموعي...لالا مفيش داعي للمستشفى توا انحطولها عطر على خشمها توعى

مهند:انتي اس

نا:بحتت فيه بصدمة

هنا:صاح يا مهند خلينا انجربو انوعوها هناياهي

مهند:تمام به...وخش جوا وخشينا وراه كلنا

نريمان:من معاه عطر

نا:طلعت عطري بسرعه وعيوني يدمعن...اه اهوو العطر أهو😭

خذاه مني مهند بالقوة وبخو في منديل وحطوه لها على خشمها

دعاء بدت تفتح في عيونها وأول مافتحت اعيونها اضبطت مهند وتمت تبكي

دعاء:ريت يا مهند ريت مراتك شن دارت في

نا:تميت انبحت ومصدومه أولا ﻷنها اضبطت مهند قدامي
وثانيا ﻷنه نا مادرتلها شي

مهند:خلاص اسكتي توا ناخذو حقك

دعاء:هي قالت عليا مريضه نا مش مريضه صاح مش مريضه

مهند:بحت فيا ويده على ظهرها...أاه مش مريضه انتي عاقله عاقلة انتي

نا:انهز في رأسي وانبحت في مهند و ادموعي ينزلن

كلهم تمو يبحتو في بشفقه ماحسيتش إلا بكف جاني على خدي برملي وجي 
حطيت يدي على خدي من حرارة الكف والتفتت القيت ام دعاء قدامي

ام دعاء:انتي شن درتي البنتي الله يعطيك ادعوة شن درتي انتي شنو اااه ليش بنتي صار فيها هكي بسببك😭

جا مهند يجري ولف يده على كتفي ونا كنت نبكي

مهند:ياعمتي انتي شن درتي هذي مراتي في النهايه هنتيها كأنك هنتيني