#المكان
.
.
الحلقه الثالثه
.
.
الكاتبه:ويتي الحاسي💎جيوان الشرق💎
.
.
لايك قبل القرأة ياسموحات❤
.
.
نا:المهم حيوان وينوه
جاني صوت مهند من لاورة
مهند:أهو الحيوان
برمت وجي القيت مهند ورايا بزبط ويبحت هك😑
نا:ما ما اصلا حتى انته قلت عليا انعجه😣
مهند:بحت في شاهين....وااااااااو كلا انت فيسه ماتوصله الكلام
شاهين:ءءش شكلها امي اتعيطلي😨...وطلع يجري
نا:😂😂😂😂
مهند:عليش تضحكي😑يلا قدامي للشقه😠
طلعت ومهند ورايا وكنت نرقا وخلاص مش عارفه مكان الشقه تميت نرقا نرقا نرقا نين هلبت الشقه
عيطلي مهند:هييي على وين اهي الشقه
بحتت القيت روحي راقيا وهالبة الشقه نزلت ونا انحك في راسي ومهند ماسك الضحكه عليا
كانت الشقه اصدارها شقه وحدخرة
نا:الشقه هذي المن
مهند:يفتح في الباب...هذي لسالم وفي وحدخرة فوق لرؤوف
نا:تمام يعني لما انكسد نمشي نقعد عند نريمان
مهند:انتي غير امسكي حوشك بس وبعدين مسرررع حبيتيها نريمان في يوم...وخش الشقه ونا خشيت وراه وسكرت الباب
نا:أاه حبيتها في يوم عندك مانع😒
مهند:حط المفتاح على الطاوله...جيبك ياصبر أيوب... وخش لدار
نا:اففف هضا يومين وماتحملته كيف نبي انتحمله طوول العمر هضا اذا قعدنا مع بعضنا طول العمر💔
حطيت شنتي على الكنبه وبديت نجوول في الشقه كانت مرتتبه ورااااقيه بكككل❤
اول ماتخشي على يدك اليمين مرربوعه واصدارها حمام وجنب الحمام دار للغسيل وبعدها قوس يخششك عالصاله وكانت الكوجينه بار يفتح على الصاله واصدارك دارين نوم ومقعد خشيت الدار المقعد انبحتلها اما دار النوم ماسترجيتش انقرب منها ﻷنه مهند كان جوا🔥
خشيت للكوجينه وتميت نفتح في الدواليب وانشوف في البنات كيف امنظماتلي العوايز لكن ماعجبتنيش تنظيمتهن قلت توا نقعد عليهن بكرا طلعت الصاله و قمعزت على الصالون وقعدت نلمس في خامته عجبتني بكككل وشكلها غاليه👌
تميت انبحت في الشقه وفي حسرة في قلبي ياريتني خذيت مهند عن حب ياريتني كنت انحبه لكن فاات اﻷوان كلمة ياريتني ماتنفع في شي و أنا توا نكرهه مش انحبه
سمعت صوت باب دار النوم انفتح وطلع مهند
مهند:خشي كان تبي اتغيري
نا:تمام...خشيت الدار النوم وزدت انبهرت أكثر راقيه راقيه راقيه لونها رصاصي في فوشي لكن ياهوووو حاجة ثانيه😍 تميت انبحت لدار وانحل في الدواليب وانبحت للعطور كيف امنضمات وطبعا هضا كله كان تنظيم خالاتي وبناتهن
حليت الدولاب و خذيت منه توته قطنيه دافيه ﻷنه الجو بدا يسقع برا وخشيت للحمام كان في حمام جوا الدار وجنب الحمام بلكوني
غيرت ادبشي ولبست التوته مسحت الميك آب وطلقت شعري وطلعت لقيت مهند في دار المقعد ويتفرج على التلفزيون
أنت تقرأ
المكان؟!
Romantikالروايه باللهجة الليبيه#الشرقاويه الروايه مش رعب حادور على "مكان" تلتقي فيه بطلتنا مع وحدة وتبدأ تحكيلها في قصتها و"المكان" هضا حيكون مغزة الروايه..... #ويتي الحاسي💎جيوان الشرق💎
