البارت الثامن :٠🔥🔥🔥🔥🔥🔥🔥🔥🔥🔥💥💥💥💥
في شركه عاصي الزيات :٠
عاصي باعجاب: بجد ي فريده مشاء الله شغللك ممتاز.
فريده بخجل : عادي يعني مش اوي كده حضرتك بس المفروض تمضي علي الورق ده بس كنت اتدربت الاول بدل مبوظ الدنيا انا خايفه.
عاصي:متخافيش انتي مشاء الله عليكي امتياز في الاربع سنين يعني المفروض تقعدي مكاني مش تتدربي.
فريده بارتباك:العفو مش لدرجه دي.
عاصي بمكر: لا لدرجه دي واكتر كمان بس عايزك تمضيلي على الورق ده علشان تعينك في الشركه يكون بشكل رسمي.
فريده بابتسامه : حاضر لتمضي علي الأوراق تحت نظرات عاصي الماكره اتفضل.
عاصي بمكر:كده تمام انتي كده بقيتي متعينه في الشركه رسمي وكل حاجه في الشركه تحت امرك تقدري تثبتي نفسك زي مانتي عايزه.
فريده بخجل:شكرا بجد يبخت ماهي بيك.
عاصي بابتسامه:مش لدرجه دي يعني وبعدين انا وماهي مش زي مانتي فاكره دي جوازه مصلحه.
فريده بفرحه لم تستطيع اخفاءها:يعني انتوا مش بتحبوا بعض.
عاصي بخبث:لا ابدا دي مصالح بين بابا وابوها.
ليقاطعهم دخول مارينا.
مارينا بمرح :ايه ي ست فريده هو أنا اتركنت علي الرف ولا ايه بقالي ساعتين بدور عليكي.
فريده بابتسامه :مانا كنت بخلي عاصي يمضي علي شويه اوراق وبركيلي انا تعينت في الشركه رسمي.
مارينا بتزمر:ايه كده برضو ي عاصي وانا هريني تدربيات هي دي الاخوه برضو.
عاصي :فريده جايبه امتياز يعني مش محتاجه تتدريب سعادتك جايبه مقبول يعني صوتك ميطلعش خالص.
مارينا بمرح :ماشي ي سطا اي حاجه منك مقبوله.
عاصي باشمزاز:اسطا روحي ربنا يسهللك.
فريده بضحك:يلا ي مارينا احنا نشوف شغلنا.
مارينا بابتسامه: ماشي سلام ي عسل.
عاصي:سلام ياختي.
ليرحلون الي الخارج لينظر عاصي للاوراق ليبتسم بمكر لنجاح مخططته.
**************************************
في غرفه نادر :٠
كان بجلس يتابع التلفاز ليقاطعه طرقات الباب لياذن بالدخول وعذه لم تكن الي والدته سمر.
سمر بحب: نادر حبيبي عامل ايه.
نادر بابتسامه :الحمد لله يست الكل انتي عامله ايه.
سمر بابتسامه:انا الحمد لله انت الي بقي الي فيك ايه.
نادر بارتباك: انا ابدا مفيش حاجه.
سمر بفزع:نادر فين دبلتك.
نادر : خلاص بح مفيش كان عندك حق ي امي طلعت متستهلش اي حاجه.
سمر بفرح شديد: ايه بجد اخيرا ي ساتر ولا تزعل يقلب ماما هجوزك ست ستها..
نادر: انشاء الله ي حبيبتي كل واحد بياخد نصيبه.
سمر بابتسامه: عندك حق ي روح ماما وانا متأكده انشاء الله ان نصيبك هيبقى زي العسل زيك كده.
نادر بابتسامه:انشاء الله ي ست الحبابيب تصبحي علي الف خير.
سمر بابتسامه: وانت من اهله يروح ماما.
لترحل سمر بفرحه شديده ليشرد نادر فيما حدث.
في غرفه صقر:٠
تتدخل سمر بفرحه شديده.
سمر :صقر قوم ي صقر قوم.
صقر بنعاس:فيه ايه ي سمر.
سمر بفرحه:خلصنا من البومه.
صقر باستغراب:بومه مين قصدك ايه.
سمر بفرحه:كاريمان.
صقر باستغراب: ليه ايه الي حصل.
سمر :معرفش بس نادر بيقويلي دي طلعت متستاهلش ورمالها الدبله ياااه كان كابوس.
صقربغيظ: ربنا يسهلك ي سمر ومصحياني من عز النوم علشان كده.
سمر بغيظ:نام نام ي صقر اما انا بقي مش هيجيلي نوم غير لما اعرف ايه الي حصل بالظبط.
******************************************
في غرفه كنده :٠
كانت تجلس كنده تذاكرمحضرتها ليتقاطعها دخول والدتها عبير.
عبير بابتسامه : عامله ايه ي كنده ي حبيبتي.
كنده بابتسامه: الحمد لله ي مامي كويسه جدا.
عبير:طب الحمد انك مبسوطه كده دانا قولت انك هتزهقي هنا بس الحمد لله شايفك اتاقلمتي هنا.
كنده بابتسامه:بصراحه هي كانت هتبقي كده لولا عصام.
عبير باستغراب:عصام قصدك ايه ي كنده.
كنده بارتباك: بصراحه ي ماما انا بدات احس بمشاعر ناحيه عصام.
عبير بحده:اسمعي ي كنده هنا غير امريكا ثانيا مشاعرك دي تفضل جواكي لما نشوف هو كمان بيبادلك نفس الشعور ولا ايه واوعي تنجرفي وراءها فاهمه ي كنده.
كنده بابتسامه : فاهمه ي ماما اطمني انا لما جيت عشت هنا مع بنات اعمامي اتعلمت منهم كتير بابا كان عنده حق فعلا الحياه والخجل وان البنت لازم تحافظ علي نفسها لحد متتجوز لان جوزها هو الوحيد الي يستاهلها وانا حاسيه بده وفهمته لما حبيت عصام عرفت معني الكلام ده كويس اطمني ي ماما متقلقيش.
عبير بفرحه :ماشي ي قلبي انا كده اطمنت هسيبك انا بقي تكملي مذاكره تصبحي على خير يا قلبي.
كنده بابتسامه : وانتي من اهله ي حبيبتي.
لترحل عبير لتعود كنده الي مكانت تفعله.
*********************************
في شركات السيوفي بأمريكا.
اسر بقلق: غريبه وايه الي يخلي عمي يطلب منا نرجع دلوقتي ونصفي كل حاجه.
عزالدين :بابا وعمي رعد كبروا ي اسر وانت عارف ان عمو جاسر وعمو حازم وعمو سيف وعمو عاصم مبقوش كمان قادرين علي حاجه زي زمان بابا واعمامي عيزنا نرجع كلنا نعقد مع بعض في الفيلا ده الي فهمته من عمي رعد.
اسر بتنهده: تمام انا كلمت جمييل يجي علشان يساعدنا في تصفيه كل حاجه هنا.
عزالدين :تمام.
ليقاطعهم دخول هذه الجميله ساندي.
ساندي بمرح : صباحوا ي معلمين عاملين ايه.
اسربضيق: ساندي قولتلك مليون مره بطلي طريقه للكلام دي.
ساندي بمره: جري اي اسر باشا متخيلي البساط احمدي هو احنا علشان عشنا في امريكا مننسي اصلنا ولا ايه صباح الفل يزوزو ي عسل انت.
عزالدين بضحك: صباح العسل ي قلبي عامله ايه.
ساندي بغمزه: فل الفل ي باشا.
اسر:رايحه الجامعه.
ساندي :ايوه.
عزالدين: ودارين مجاتش معاكي ليه.
ساندي : دارين بنتك ي عمي بنت مجتهده مبتحبش تروح غير علي ميعاد المحضره لكن انا بقي بحب اروح اضحك مع صحابي اكل لكن هي بقي ملتزمه لازم علي ميعاد المحاضره بالظبط اسيبكم انا بقي سلام ي حلويين.
لترحل بخفه تحت ضحكاتهم علي هذه الجميله.
*******************************************
في غرفه شهاب :٠
كان يمسك بهاتفه ليتصل علي سباعي ليتابع اخر تطورات ما طلبه منه.
شهاب : ايوه ي سباعي ها عملت ايه.
سباعي :كله تمام يباشا جهزت الكاميرات وكلمت كل القنوات الفضائيه المهمه وكله هيبقى تمام سعادتك زي مامرت.
شهاب بمكر:تمام وجهز انت نفسك مش عيزك تتضيع الفرصه دي من ايدك ماشي.
سباعي :تسلملي يباشا اطمن هنخلي صاحبك يتحسر عليها مين الي هيشوفه والفضيحه هتبقى بجلاجل.
شهاب بمكر:هو ده الكلام طب لعلمك هي جايه الشقه بعد ساعه جهز كل حاجه وكلم القنوات وبلغهم الميعاد عايز للفضيحه تبقي علي الهواء ماشي.
ليقاطعه دخول مراد بغضب شديد.
مراد بغضب: هو مين ده الي هتبقي فضحته بجلاجل ي شهاب.
شهاب بارتباك: مفيش ي بابا ده قضيه كده كنت ماسكها.
مراد بحده : وبعدين.
شهاب بقلق:ابدا جايب محامي كبير يترفع عنه وعايز يلبس موكلي تهمه القتل فانا مسكت عليه شويه نستندات تتدينه بس هو ده الي حصل فطلبت ان المستندات دي تشتهر علي الهواء وادم الناس كلها بس هي دي كل حاجه.
مراد بشك: مش عارف ليه ي شهاب مش قادر اصدقك.
شهاب بسخريه:وانت من امتي بتحس بيا اصلا ي مراد باشا.
مراد بحده:نعم قصدك ايه انشاء الله.
شهاب بوجع:قصدي انك دايما بعيد عني دايما عمرك مقولتلي مالك فيك ايه عمرك ماختارت معايا اي حاجه دايما سيابني انا الي اختار كل حاجه عمرك منصحتني باي حاجه زي اي اب وابنه متشغلش بالك ي مراد باشا انا مبقتش شهاب بتاع زمان بعد موت اميره ومني بقيت واحد تاني واحد مبقاش عنده اي مشاعر او احساسيس متشغلش بالك بيا ي بابا عن اذنك.
ليرحل شهاب ليشرد مراد فيما سمع لتحل عليه الصدمه الشديده معقول ان يكون قد قصرا مع شهاب الي هذه الدرجه.
*****************************************
في فيلا الزيات:٠
من داخل غرفه المكتب الخاصه ب احمد الزيات كان يجلس احمد يتابع بعض الملفات ليقاطعه دخول فتحيه.
احمد بضيق:عايزه ايه.
فتحيه بمكر : عايزه فلوس ي باشا.
احمد بحده:نعم مانتي لسه واخده من اسبوع.
فتحيه بمكر:خلصو ي باشا وبعدين هو انت معاك قليل.
احمد بغضب:اوعي تفتكري انك ماسكه عليا زله فاهمه انا بديكي فلوس بمزاجي لكن تفتكري انك لويه دراعي تبقي غلطانه دانا امحيكي من علي وش الارض.
فتحيه بحده:بلاش لغه التهديد دي معايا انا بالذات ي احمد باشا داحنا دفنينه سواء فنمشي كل حاجه بذوق وبلاش نهدد بعض احسن.
احمد بحده:ماشي خودي دول بس اوعي تفكري انك تتطلبي مليم زياده الفتره الي جايه سامعه.
فتحيه بمكر :سامعه ي باشا سلام.
لترحل فتحيه بخبث ليتمتم بغضب شديد : ربنا ياخدك ي شيخه كان يوم اسود يوم مشوفتك. ليشرد فيما حدث في الماضي.
****************************************
في غرفه شهاب :٠
كان يجلس بلهفه شديده لرويه ماخطط له لتتدمير شهاب وهو يحدث امام عيناه بعدما اخبره سباعي بان كل شي علي مايرام بعدما ارسل له رساله بأسماء القنوات والميعاد ليجلس بلهفه ليري ماذا سيحدث لكنه يصعق بصدمه شديده مماراه وهو كالاتي:٠
في شقه المهندسين :٠
المذيعه مروه :اهلا وسهلا بيكم مشاهدينا الغالين بهذا إلقاء المباشر
والهام مع رجل الاعمال الشهير الوسيم عاصي الزيات وخطيبته سياده الاعمال ماهيتاب الشريف ٠
مروه :عاصي بيه ماهيتاب هانم منورنا.
عاصي وماهي : ده نورك.
مروه :اولا حابه اسال ايه سر المقابله في الشقه المتواضعه دي.
عاصي :الحقيقه الشقه دي هي عرض للمشروع بتاعي الجديد للشباب عمارات كتير هتبقي الشقق فيه بالمنظر الي حضرتك شيفاه ده وباقل سعر.
مروه باعجاب: واوووو ده هيبقى مشروع مفيد جدا لشباب ي عاصي بيه بجد بحي حضرتك علي المشروع ده بجد حضرتك دايما في المرتبه الاولي بمشاريعك الي دايما بتساعد الشباب.
ماهي :طبعا عاصي دايما بيفكر في الي ليه مصلحه للكل مش لنفسه خالص طبعا هو غير انه راجل أعمال شاطر الاانه دايما يفكر في مساعده الغير مهما كانت فيه خساره بالنسبه اله اهم حاجه ان الي محتاج حاجه يلقيها.
مروه: واضح انك يتحبيه اوي.
ماهي بدلع :طبعا بحبه اوي هو أجمل حاجه في حياتي واغلي حاجه.
عاصي:انتي الي أغلى حاجه في دنيتي يروحي.
مروه :مشاء الله ربنا يسعدكم ي رب امتي الفرح بقي.
عاصي :بعد شهر انشاء الله علشان اكون جهزت كل حاجه لاني هعمل فرح ل ماهي حبيبتي مصر كلها تتكلم عنه.
مروه :انشاء الله ربنا يتمم بخير حابب تشكر اي حد ي عاصي بيه قبل ماننهي.
عاصي :طبعا ماهي حبيبتي والدي واخواتي الاتنين وحد عزيز عليا جدا هو الي رتبلي كل حاجه علشان اظهر في المقابله دي الشقه والترتيبات وكل حاجه وبقوله هترددلك قريب اوي ي حبيبي إنشاء الله.
شهاب بغضب شديد: ليمسك الطفايه الكريستال ليدفها بحده لتقوم بتهشيم التلفاز لتتناثر قطعه بطريقه عشوائيه في انحاء الغرفه ليتحدث بعضب شديد :٠
لا ي عاصي مش كل مره انت الي هتكسب لازم اشفي غليلي منك ي عاصي واحرق قلبك لازم ي عاصي) ليرحل بغضب شديد الي شركه الزيات ٠
في شركه للزيات:٠
يدخل شهاب بغضب شديد الي مكتب عاصي.
عاصي بابتسامه استفزاز:اهلا وسهلا نورت الشركه اخرت ليه دانا مستنيك من بدري بسرعه مش عارف اقولك ايه علي الواجب الي عملته معايا ي عني الشقه والكاميرات بجد فاجئتني.
شهاب بغضب :صدقتي مش هتفضل تكسب علطول انا هخسرك كل حاجه ي عاصي وهتشوف.
عاصي بضحك: ي ابني انت مبتزهقش بقي مشكلتك انك بق على الفاضي ومش قادر تعرف حجم الي قدامك وهي دي مشكلتك معايا.
شهاب بغضب:لا انا عارفك وفهمك اوي انت قتال قتله ومشغل كلاب ليك في كل حته علشان كده دايما بتكسب لكن اوعدك ي عاصي انك هتخسر كل حاجه حياتك هتبقي هي التمن المره الي جايه ي عاصي ليرحل شهاب بغضب شديد لينظر له عاصي نظره تحمل الكثير.
كانت فريده تتجه الي مكتب عاصي لتتفاجا بشهاب.
فريده باستغراب: شهاب انت ايه الي جابك هنا.
شهاب باستغراب: انتي الي بتعملي ايه هنا.
فريده:انا بشتغل هنا.
شهاب بغضب :نعم انتي اتجننتي ولا ايه ملقتيش غير عاصي الزيات وتشتغلي عنده.
فريده باستغراب:وماله عاصي ده بني ادم محترم جدا.
شهاب بغضب شديد :ده ازبل بنادم في الدنيا هو الي قتل اميره ومني.
فريده بصدمه: انت بتقول ايه ي شهاب.
شهاب بحدة:الي انتي سمعتيه خودي كل حاجتك من هنا واوعى تجي هنا مره تانيه انا هروح مشورا وبعدين اروح عايز اروح الاقيكي هناك.
ليرحل شهاب ويتركها هي في صدمه عارمه.
******************************************
في شركه عاصم الزيات: ٠
تتدخل فريده الي مكتب عاصي بكل غضب.
فريده بغضب: انا عايزه السي في بتاعي انا مش هشتغل هنا تاني.
عاصي باستفزاز: ليه خير ايه الي حصل.
فريده بغضب شديد: الي حصل انك بنادم زباله قاتل مكانك المفروض يبقي في السجن.
عاصي ببرود: والله هو مش انا الي هدخل السجن.
فريده باستغراب: قصدك ايه.
عاصي: قصدي الورق ده الي مضيتي عليه وانتي مش واخده بالك صفقه الادويه المتهربه تفتكري دي فيها كام سنه.
فريده بغضب: انت اقذر انسان شفته في حياتي الورق ده ميلزمنيش مش هيخاوفني انا هسيبللك البلد كلها واطفش والي عندك اعمله.
عاصي ببرود: هتسافري من غير اذني.
فريده باستغراب: اذنك.
عاصي باستفزاز: تو تو هوانتي متعرفيش ان الست مش مسموح تسافر من غير اذن جوزها ولا ايه.
فريده بفضب: نعم وايه جوزها دي كمان انشاء آلَلَهّ.
عاصي ببرود: ورقه الجواز اهي يروحي مضيتي عليها برضو وانتي مش واخده بالك يعني انتي من دلوقتي بقيتي ملكي بقيت حرم عاصي الزيات.
فريده بغضب شديد: نجوم السماء اقربلك ي عاصي سامع مش هيحصل ابدا.
عاصي باستفزاز: وماله احنا نروح النيابه ونقدم كل المستندنات دي الي هتثبت انها امضاتك بس اظن بلاش كل ده صقر بيه كبر في السن مش هيستحمل فضيحه زي دي ولا سياده الرئد زين اخوكي حاجه زي دي ممكن تقضي عليه تمام ده غير بقي الصحافه والاعلام وفضيحه عائله السيوفي تبقي علي كل لسان.
فريده بغضب ودموع: عمري مكنت اتخيل انك زباله لدرجه دي لتتركه وترحل بغضب ودموع.
عاصي ببرود:هستناكي النهارده يروحي في بيتي وفي حضني متتاخريش ياما هاجي انا اخدك بزفه تليق بعائله السيوفي كلها.
لتنظر له بكره ودموع:ربنا ينتقملي منك ي عاصي ربنا ينتقملي منك.
لترحل بغضب ودموع لما حل بها ليتباعها هو بنظرات تحمل الكثير.
******************************************
في فيلا جمال الشريف :٠
جمال بغضب:ممكن افهم ليه اجلتوه الفرح لبعد شهر كمان.
ماهي بمكر:اهدي بس انا الي طلبت كده علشان مصلحه معينه.
جمال :مصلحه ايه دي.
ماهي بمكر:شهاب السيوفي.
جمال بطمع:شهاب السيوفي المحامي المعروف.
ماهي بمكر:هو هعمل بيني وبينه مصلحه في الجون هنكسب من وراها الشهد علشان كده اجلت جوازي من عاصي شويه قولت نخلص الصفقه دي ونطلع منها بمكسب كويس وبعدين اتجوز عاصي ي عني عاصي هيطير.
جمال بطمع:وانتي متاكده ي بت من المصلحه دي.
ماهي بمكر: الا متأكده دي مصلحه بملايين بقولك بس عايزه فلوس كويسه كده لزوم المنجهه وكده.
جمال بطمع: وماله هديكي الي عيزاه بعد بكره الشحنه هتوصل وهديكي الي عوزاه بس يبت عايزها مصلحه تستاهل الفلوس الي هتصرف عليها.
ماهي :بقولك مصلحه بملايين وهتشكرني عليها كمان.
جمال :ماشي ي اختي اما انشوف هروح انام انا بقي وبعد بكره كل الفلوس الي هتعوزيها هتبقي عندك سلام.
ماهي بمكر:تمام.
لتصعد ماهي الي غرفتها لتمسك تلفونها لتجري اتصالا لياتيها الرد سريعا.
عاصي :ها عملتي ايه.
ماهي :تمام كل حاجه ماشيه بالظبط بلع الطعم والشحنه هتوصل بعد بكره.
عاصي:تمام اول متعرفي الساعه كام بالظبط تقوليلي وفاتحي عنيكي كويس وخالي بالك من نفسك.
ماهي :تمام ي سياده المقدم.
******************************************
🔥🔥🔥💥💥💥💥💥💥🔥🔥🔥🔥🔥🔥🔥
اجري انا بقي سلموززز 🏃🏃🏃🏃🏃🏃😂😂😂😂😂😂😂😂😂😂😂😂😂😂😂😂😂😂
اتمني البارت يعجبكم دمتم في رعايه الله وحفظه ♥️♥️♥️♥️♥️🤗🤗🤗🤗🤗🤗🤗🤗🤗🤗🤗🤗
نار الجحيم :
أحفاد السيوفي :٠
بقلمي رنا احمد:٠
🔥🔥🔥♥️♥️🤗🤗🤗🤗🤗🤗♥️🤗♥️♥️♥️
