سمراء اقتحمت گلبي (نچمة وگمر )

البارت 6

البارت 6

سمراء اقتحمت كلبي

بقلم بنت الباشي

بدأت حياتي تتغير صرت افهم واسئل وكل تفاصيل عن حياة ابوي جدي جان دائما يحجيلي عن ابوي وشلون جان عنيد وشلون جان شاطر
اني من نوع لي شغوف بقراءة الكتب مااعرف شلون وليش بعدين اكتشفت انو ابوية جان هيج مختلف عن اخوانه ويحب يطلع ويقرا وبالصدفة مره جاي اشخبط بورقه واضل وارسم نتبهت امي وكالت نفس ابوج جان رسمة يجنن
باوعت بوجهها من تحجي عيونها يصير بيهن بريق كأنو الدمعة بعينة
لمن صار عمري 14 جنت احجي وي جدو اريد مفتاح غرفة ابوي جنت اريد اشوف كتبة رسوماته كلشي يخصة هذا لي بقالي منه

وبكل الوسائل حاولت وجبت عمي علي واسطة وقنعته واخذت المفتاح
فتحت الغرفة جنت اباوع على صورتة لي معلكة بالحايط صاير عليها تراب صعدت على كرسي نزلتها
مسحتها جنت اتلمس بديه بوجه رغم ماناقصني شيء بحياتي ولامحتاجه.. لكن تبقى بكلبي غصة ابوي شلون راح وهو فرحان بجيتي لدنيا
رحت للمكتبة مالته جنت المس كل كتاب اكول اصابع ايدك مرت علية قريته و شفت كتاب مخله على حافة الجرباية اكيد هذا اخر كتاب قارية مو
جنت اتأمل وجوده بكل مكان بالغرفة
بعد تنظيف فتحت الشبابيك جان يوم جمعه متت تعب اتذكرت باجر عندي امتحان ودفتري اخذته بنت عمي اصيل
لبست حجابي ورحت ركض دكيت الباب
ادهم : اهلا شهد
شهد : هلا بيك
اصيل وين
ادهم :دخلي تلكينه بغرفتها فوك
شهد : دخلت البيت سنتة ماكو احد كلت احتمال عمتي ماكو صعدت لفوك
اصيل اصيل وينج اريد دفتري
دخلت اصيل ماكو ولاخواتها البقية خفت الجو مغرب وكهرباء طافية كلبي صار يدك بسرعه خفت كلش صرت اريد انزل
ادهم :وين رايحة الحلوة
شهد :بدا يتقرب واني ارجع ليوره شتريد مني اريد اروح لاهلي
ماجنت اعرف شنو نيته بس بسبب خوفي كمت ارجف
جان يحاول يمزك البس لي لابستة وبديت ايده تلمس جسمي روحي كلها جهشت
جنت ابجي اصيح كاتم صرخاتي بأيده
عوفني حباب اني مثل اختك
مجان يسمعني ابد
من حلات روحي كمت اخرمش بيه بأيدي روحي فرفحت شفت طابوكة يم الباب مالت غرفة اصيل سحبتها

ضربتة بأيدي بكل قوتي صارت الضربة على اذنه كام يتمرغل بالارض واني ركضت بكل قوتي
نزلت من الدرج تعثرت على وجهي كمت بكل قوتي سمعته يصيح اله اخليج تتوسلين جوه رجلية
يااكلبة
فتحت الباب الحقير جان قافله
وصلت للبيت الهث وعركانه كلبي بسرعه يدك
هاا يمه دانه شبيج وجهج مخطوف
لايمة ماكو شيء بس اكو جلاب من رحت لبيت عمي نعيم ركضن وراي ورجعت ماجبت الدفتر
جنت خايفه كلش خايفة احجي الصار واصلا مجنت اعرف شنو الصار
احنه عدنا عادات عيب البنية تعرف كلشي
مااعرف كلشي واي شيء يخص هالمواضيع عيب نعرفه او نسمعه
ولااعرف انو حياتي مرهونه بالشي الي صار بس بسبب خوفي شردت جنت اعرف اكو شي غلط الي جاي يسوي
مجنت اعرف هذا الشيء اسمة اغتصاب مجنت اعرف انو هذا الشيء اسمة الشرف وهو اغلى شيء للبنت
صرت اخاف وبتعدت حيل الكل يكلي وجهج اصفر
رحت لفيت روحي بفراشي وارجف من راسي لرجلية ماعرف شكد بقيت ارجف وشوكت نمت بقيت ايام على هالحاله لااكل ولااشرب وبس مغطية وجهي ونايمة
الكل يكول ضعفانه حتى جدي يكلي ليش
ماتكعدين يمي
بحجة امتحانات صرت كلش بعيده ومعتزله ومن يومها بيت عمي ماطبيتة ورسبت بالامتحان
قبل جنت اتخبل اذا درجتي ناصية
هسه بعد مايهمني مدري شلون عايشه رجليه شلون شايلتني مادري
جنت ابجي وانام وكتاب ابوي مالت مذكراته بحضني اقره منه واكعد ابجي حيل وحيدة
امي جانت ملتهية بخواني رغم ذلك جنت اذبل كدامها
مااعرفت البية .
لو كان ابوي يمكن جان لاحظ الي بيه جان اهتم
يجي يوسف واياد يسولفون اضحك جذب اجاملهم
اقرب شيء الي اياد ويوسف هم مااعرفوني من اجذب عليهم ابقى صافنه بالسمى وقليلة الكلام
وبدت الايام تمر وتمر وحالي ماتغير اتناسى بس ماانسى
اروح للمدرسة بس مااعرف كمت اشغل نفسي اقرا واقرا بدون توقف مااسمح لنفسي افكر واشتغل بالبيت بحيث من اريد انام اذب نفسي بدون تفكير بدون كلشي جان همي انو جسمي يتعب حتى عقلي يسكت وميفكر