سمراء اقتحمت گلبي (نچمة وگمر )

البارت 5

البارت 5

سمراء اقتحمت كلبي

بقلم -بنت الباشي

رباب :كلبي جان غامتني هاليوم وطول الوكت مامرتاحه
انتضرته يطلع من الحمام خاف محتاج شيء ...
حبيب محتاج شيء
حبيب :لا بويه نامي مامحتاج شي اني هم راح انام
شفت قلقها ردت اطمنها ماكو شيء

رحت للفراشي واتلمس كصته مرتفعه حرارتها حبيب حبيب اكعد فدوه بس رد عليه
ماكو اي رد حبيب لا لا مو كل الي احبهم يرحون مني لاتعوفني
حبيب وين اروح محد الي من بعدك فدوه لاتعوفنا
جنت ابجي بكل قوتي مااحسيت اله احد يهز بيه هاي شبيج بويه منو راح ويعوفج
رباب :يعني انته مو ميت
حبيب :ستوني نايم واسمع صوت بجي و احد يصيح اسمي
كعدت على حيلي واشوفها رباب وحلكهها يابس جبت مي
اخذي بويه هذا كابوس لااكثر
رباب :الف الحمد لله يعني انته مامتت
حبيب : هههههه شكلج تردين تموتيني ماموت اذا ما تموتين قبلي
رباب : هاا الله كريم ...بقيت فاتحه عيوني مامستوعبه هو حلم لو حقيقة
حبيب :صدكت الفطيره يربي بويه ماكو شيء رجعي نامي
رباب : الله يخليك النه ...بعد ماانام اكوم اتمشى احسن
اريد اكوم مااكدر بطني جبيره روحي مااكدر اشيلها
مد ايده حبيب انطيني ايدج ماتكدرين تنهضين
نزلت اتمشى بالحديقه شويه واستراح نزل حبيب وياي بقيت ساكته مااحجي بس صرت اخاف من يطلع احد اخاف مايرجع لو اخوي الراح وماارجع وامي وابوي ذبلوا عليه بقيت صافنه احس اكو شيء خانكني بجيت بس هل مره بصوت عالي
حبيب :يابويه شبيج عليمن هالدموع اكو احد غاثج احد مسمعج كلام

رباب :لا
حبيب : جاا شنو هالدموع
اخاف
من شنو تخافين ؟
من الفقدان اخاف افقدك لو افقد واحد من اهلي بعد صرت كل مااشوفك تطلع تبقى عيوني تودعك خاف مترجع من اروح ازور اهلي اتفحص وجوهم واحد واحد اخاف يرحون بدون ميودعوني لجمه كلبي اخيي راح وخلى شوفته حسره يتحسرها ابوي وامي
حبيب :كولي يالله وعسى غيابه خير
توكلي على الله وماراح يخيب ضنج هو يسمعج اكثر من اي بشر
ونعم بالله

.
.
.
.
وتسريعا للاحداث ولدت رباب توأم سمتهم حسام و وسام وبعدها الله رزقهم بسند و نرجس

شهد :كعدت متاخره رحت غسلت وبدلت ويوسف واياد وهدى واصيل ونور كلها تكول تاخرنا من وراج رحنه بسرعه للمدرسه جنت بصف خامس ابتدائي
دخلت للصف واني عركانه لان نمشي سريع قبل لا يدك الجرس بخمس دقايق
جنت اكعد اول رحله اجيت لكيت بنية اسمها فاطمه بمكاني وياها وحده
فاطمة هاي رحلتي كومي عنه
فاطمة :ماااكوم عجبني اكعد هنا وماتمنعيني فتهمتي
شهد :هذا مكاني وغصب عنج اتكومين
فاطمة :مااكوم مامسجله الرحلة بأسم ابوج يلى ولي
شهد :جريتها من ياخت القميص لاتغلطين على ابوي فتهمتي
فاطمة :ياا ابو منهم ابوج ميت يجذبون عليج اهلج
-امشي عني جذابة وخري منا
هدى -وخري عنها لااصيح للمعلم عليج
شهد -جان كل طلاب ملتمين وطالبات الي بالصف
فاطمة :يجذبون عليج قبل لاتجيبج امج ابوج مات وذا اجذب ليش يصيحونج شهد محمد مو شهد حبيب
شهد :مثل واحد وفتح عيوني على حقيقة جنت اسئل عنها ودائما يسكتوني بحجه شكل كل مااسئل ليش ابوي يختلف عن خواني يجذبون جذبه واني اقتنع
طلعت من الصف اركض
صاح المعلم وراي اني مااهتميت كل الي اسمعه جذابين مو اهلج
طلعت من المدرسه اركض وابجي تعثرت بالطريق ورجلية تجلخت وكملت طريقي اركض وابجي فتحت بابا البيت لكيت امي تغسل بالطرمه
رباب :هاا يمه ليش راجعه وحدج ؟منو ضاربج ؟
ليش تبجين
شهد :وخري عني جذابة اكيد مو امي وكلكم جذابين ركضت لغرفتي وسديت الباب وابجي تخيلو طفله وانصدمت بهل الحقيقة جنت اشوف الكل يجذب اكيد مو اهلي ولاكيني
ماابقى وياهم وكمت ابجي الى ان بعد مااحس على نفسي من الالم عيوني هاليوم ماانساه بحياتي ابد