سمراء اقتحمت گلبي (نچمة وگمر )

البارت 13

البارت 13

سمراء اقتحمت كلبي

بقلم بنت الباشي

مرحبا بنات تاخرت عليكم فترة طويلة بسبب عيوني تعبانات
كولش و دراستي كانت سبب ثاني وايضا
هذا البارت يفوق اربع بارتات جمعتهن ابارت واحد
كلفتني اسبوع كتابتهن .....
وراح اتاخر عليكم بالبارت الجاي لان يحتاج ارتاح فترة

.
.
.
.
.

وبعد ماغلقت موضوع الزواج وي جدي وعمي بدت حياتي تستقر واكدر اكول ارتاحيت من سالفة الزواج

بعد مرور سنتين

وبدات ايامي تتشابة ودراسة وشيء روتين
السنة جانت استثنائية بالنسبة الي لان جمعتنا الصدفة مرة ثانية بأغلى صديقة عندي لي هي مريم اعتقد ذاكرتها ابدايات القصة البنية اليتيمة لي جنت اخاف اكون نفسها يتيمة اب وبعدها اكتشفت اني يتيمة مثلها و اهلها شالو لغير منطقة ورجع القدر جمعنا لان اهلها رجعو لنفس منطقتنا ورجعنا صديقات
ماكو احلة من صداقة الطفولة
متصدكون شكد ايامي حلت بوجودها نسيت كل الايام الصعبة الي تعدن ويوسف فك ياخة عني صار يلتهي بدوامة اكثر ويدرس هواي ..طبعا مع بعض الملاحضات ..واحيانا مشاحنات وخاصة سنة سادس ولازم ادرس واتعب وجهد مكثف وهو غيرتة زايده يخرقها من ماعونها اروح بالمحاضرات الخصوصي ...ومرات يصير عندي امتحان اتاخر يكلب الامة على راسي رغم السبب مويمي
فد مرة منهن جان يوم سبت جان عندي محاضرة رياضيات ساعة ب 1:30 الضهر وحسام ماكو هو الي يوديني بالسيارة ...ويوسف ستوة راجع من شغل ونايم ..

يمة ياهو الياخذني للمحاضرة راح اتاخر ابوي مارجع

رباب : لايمة ميرجع اليوم لليل عندة مشية (كعدة عشاير بفلان منطقة )

يمة جااشلون راح اتاخر ومايصير مااروح ويوسف خطية نايم

رباب : شوفي محمد ابن عمج موجود بلكي ياخذج لو اكلج انتضري اخابرة
- تعاي يمة ماروح بطلت لاتخابرين .
- رباب : هاا يمة هسة جاي الولد
ماشي راح البس عباتي علما يجي لبست سمعت صوت السيارة بالباب
يمة اجة محمد رايحة اني
الله وياج يمة
اجيت اريد اصعد بالاخير بس هو سبقني فتح باب الصدر استحيت اكولة لا فصعدت بالصدر
السلام عليكم
وعليكم السلام شلونج دانة
الحمد لله خوية بخير طبعا محمد صار فترة مشايفتة لان هو يدرس بغير محافظة وكاعد اقسام داخلية
انت شلونك
بخير دامج بخير ..
المهم وصلت للمحاضرة متاخرة 5 دقايق الأستاذ بقى كالب وجهه ميقبل نتاخر تحججت ابوالخط تاخر علية ودخلت وبدا الامتحان باول نص ساعة
وبعدها كملت المحاضرة ، وطلعت بلباب اتصلت على حسام ماكو ،
مريم : لاتبقين تتصلين تعالي نوصلج ويانة
شهد : لا يروحي هسة يجي اخوي ،شفت اخوها ولد شاب اذا رجعت وياهم يكلبوها عاليها سافلها
مريم : زين راح انتظر وياج منا لمن يجي مااتركج وحدج
رحت يم سيارة حسن اخوية علمود ينتظرني شوية