- كيفك ياخالة ؟
= الحمد لله يا إبني
- أنا جاي مشان خبرك خبر ما حلو
= عارفة الخبر و حسيت فيه من لما دقيت ع الباب
- شو هوة ياخالتي ؟
= ابنى استشهد صح ؟
- للأسف صح يا خالتي .. الله يعطيكي الصحة والبقية فى حياتك
= تفضل فوت اعملك شاي
- شاي شو ! بقلك أبنك اتوفى
= بعرف يا أبني .. إبني متوفي من زمان .. بس قلي كيف اتوفى هل المرة ؟
- اتوفى هل المرة !!
صار هجوم ع النقطه ال قاعدين فيها وانجبر ينسحبو
للاسف هوي وشب رفيقو اتحاصرو ماقدرو يرجعو فضلو الشهاده ولا ينكمشو ويتعزبو
= كم ملعقة سكر يا ابني ؟
بدك تهبليني لك خالتي .. بس !!
شو يعني ميت من زمان ما فهمتها ؟ شو هل الصبر يلي عندك وطولت البال ؟
= يا إبني .. ما حدا بيهرب من قدره .. أنا عارفة أنو ابني رح يموت .. بس كنت بحاول أخليه جنبي اطول فترة ..
إبني مات من زمان من لما انجبر يشتغل ويدرس
مات لما الظروف ماخلتو يكمل الجامعة
و مات مرة تانية لما حب وحدة و كان بيحلم يتجوزها بس ما قدر يأمن قرض ليشتري شقة يعيشوا فيها لأنه ما عنده واسطة...
مات لما جيراننا رفضوه يزوجو كمان لانو عسكري منتوف
ومات مره وقت كنت انا تعبانه وماخلوه ينزل اجازه ليعتني فيني
ومات كمان مرة لما أبوه مرض و ما قدر يفوته ع مستشفى منيحة . لان ماعندو واسطه
و بعدها شال همي و هم مرضي و هو ما كان معه حق سندويشة ..
و مات مرة لما .........
- بس يا حجة يرضى عليكي ..
= معك خبر يا إبني .. آخر اجازة قبل ما يسافر لما ودعته كنت حاسة
انو رح يموت ..
سألني شبك يا أمي ، قلت له ما في شي بس ما لحقت اشبع منك يا ابني ، قال لي بشهر رمضان رح انزل و منفطر و منعيد سوا ...
نحنا الفقرا يا إبني ما بنفرح ب العيد ...
اكثر شي ممكن نعملوا أن نروح الصبح ع المقبرة و بنحسد يلي فيها لانهم ارتاحوا من هالعيشة ...
الفقير يا إبني بيرتاح لما يموت .... لأن الحياة مش حلوة إلنا
- والله مابعرف شو بدي قول .. ع كل حال هيدا ظرف في مبلغ لموه رفقاتو لبين ما تاخدو التعويض يمكن يطول
= خليهم معك ، بتروح بتدور عشي شب ما مات
وعطيه ياهن وقولو ما تحرق قلب أمك مثل ما انحرق قلبي ✋✋
فوتو &كومنت
