ﺑﻘﻴﺖ ﺷﻲ ﻳﻮﻣﺎﻳﻦ ﺍﻭ ﺍﻧﺎ ﻫﺎﻛﺎﻙ ، ﺩﻳﻤﺎ ﻛﻨﺸﻮﻑ ﻧﻔﺲ ﺍﻟﺤﻠﻢ ﺍﻭ ﺩﻳﻚ ﺍليد، ﺷﻜﻮﻥ ﻫﻮ ؟ ﺷﻨﻮ ﻃﺮﺍ ﻳﺎ ﺭﺑﻲ.... ﺩﺍﺯﺕ 3 أيام ﺍﺧﺮﻯ ﺍﻭ ﺍﻧﺎ ﻟﻲ ﻛﻴﺠﻲ ﻛﻨﺴﻮﻟﻮ ﺷﻨﻮ ﻃﺮﺍ ﻓﻴﺎ ﺍﻭ ﻛﻴﻘﻮﻟﻮ ﻟﻴﺎ : "ﻣﺘﻔﻜﺮﻳﺶ ﻓﺪﺍﻛﺸﻲ ﺭﺗﺎﺣﻲ ﺩﺍﺑﺎ ﺍﻭ ﻣﻦ ﺑﻌﺪ ﺍﻭ ﺗﻌﺮﻓﻲ"....ﻣﻔﻬﻤﺘﺶ ﻟﻲ ﺟﺎ تتبقا ﻓﻴﻪ ﺣﺎﻟﺘﻲ، بغيت نشوف غير وجهي ولكن مخلاونيش ﺣﺘﻰ ﻣﻦ ﺍﻟﻄﻮﺍﻟﻴﻂ ﺣﻴﺪﻭ ﻣﻨﻬﺎ ﺍﻟﻤﺮﺍﻳﺎ....ﺟﺎﻭ ﻋﻨﺪﻱ ﺍﻟﺒﻮﻟﻴﺲ ﺑﺎﺵ ﻳﺴﺘﺠﻮﺑﻮ ﻣﻌﺎﻳﺎ : ﺍﻟﺴﻼﻡ ﻋﻠﻴﻜﻢ ، ﻛﻨﺘﻤﻨﺎﻭ ﻟﻴﻚ ﺍﻟﺸﻔﺎﺀ ﺍﻟﻌﺎﺟﻞ ، ﻋﻨﺪﻧﺎ ﻟﻴﻚ ﺷﻲ ﺍﺳﺌﻠﺔ ﺍﻭ ﻏﺘﺠﻮﺑﻴﻨﺎ ﻋﻠﻴﻬﻢ "....ﺍﻧﺎ : ﺷﻨﻮ ﻃﺮﺍ ﻟﻴﺎ ؟ ﺍﻧﺎ ﺑﺮﺍﺳﻲ ﻣﻌﺎﺭﻓﺔ ﻭﺍﻟﻮ ".....ﺩﺍﻙ ﺍﻟﻤﺤﻘﻖ ﺑﺪﺍ ﻛﻴﺸﻮﻑ ﻓﺼﺎﺣﺒﻮ ﺑﺘﺄﺳﻒ ﺍﻭ ﺩﺍﺭ ﻋﻨﺪﻱ ﺍﻭ ﻋﻴﻨﻴﻪ ﻓﻴﻬﻢ ﺍﻟﺸﻔﻘﺔ : ﺗﻌﺮﺿﺘﻲ للاغتصاب ﻭ ﺍﻟﻀﺮﺏ ﺍﻟﻤﺒﺮﺡ ، 10 ﺍﻳﺎﻡ ﺍﻭ ﻧﺘﻲ ﻛﻮﻣﺔ، معرفتش كيفاش غنفسر احساسي فديك اللحظة ، جاتتي هستيريا ديال البكا ،عطاوني مهدئ مرة اخرى و نعست، فاش فقت بقيت مدة تنفكر، كان باقي غير أسبوع على العرس ديالي انا و أمين ﻭﻟﻜﻦ ﺩﺍﻙ ﺍﻟﻮﺣﺶ ﺍﻟﺤﻴﻮﺍﻥ ﺩﻣﺮ ﻟﻴﺎ ﺣﻴﺎﺗﻲ ﻓﺮﻣﺸﺔ ﻋﻴﻦ....ﻣﻦ ﻧﻬﺎﺭ ﺩﺧﻠﺖ ﻟﻠﺴﺒﻴﻄﺎﺭ ﻣﺸﻔﺘﺶ ﺍﻣﻴﻦ ، ﻋﻤﺮﻭ ﺟﺎ ﺷﺎﻓﻨﻲ ، ﻳﻜﻮﻥ ﺻﺎﻓﻲ ﺗﺨﻠﻰ ﻋﻠﻴﺎ؟ ﻣﻴﻤﻜﻨﺶ ﻳﺪﻳﺮﻫﺎ....ﻣﺰﺍﻝ ﻫﺪﺭﺗﻮ ﻛﺘﺮﺩﺩ ﻓﻮﺩﻧﻲ : ﻳﺎﺳﻤﻴﻦ، ﻭﺍﺧﺎ ﻳﻮﻗﻊ ﻟﻲ ﻭﻗﻊ ﻋﻤﺮﻱ ﻧﺨﻠﻴﻚ ﺑﻮﺣﺪﻙ ﻭﻻ ﻧﺘﺨﻠﻰ ﻋﻠﻴﻚ"....ﻋﺎﻭﺩﺕ ﻟﻠﺒﻮﻟﻴﺲ ﻛﻠﺸﻲ اللي ﻃﺮﺍ، ﺍﻭ ﺍﻟﺨﺒﺮ ﻛﺎﻥ ﺻﺎﺩﻡ ﻣﻠﻲ ﻗﺎﻟﻲ : ﺣﻨﺎ ﺷﺪﻳﻨﺎﻩ ﺍﻭ ﻋﺘﺎﺭﻑ ﺑﻬﺎﺩﺷﻲ ﻟﻲ ﺩﺍﺭ ﺍﻭ ﻛﻨﺘﺴﻨﺎﻭﻙ ﻏﻴﺮ ﺗﺒﺮﺍﻱ ﺍﻥ ﺷﺎﺀ ﺍﻟﻠﻪ ﺍﻭ ﺗﻮﺍﺟﻬﻮ ﻓﺎﻟﻤﺤﻜﻤﺔ"....ﺍﺧﻴﺮﺍ ﻏﻨﺸﻮﻓﻮ ، ﺑﻐﻴﺖ ﻧﺸﻮﻑ ﻋﻴﻨﻴﻪ ﻟﻲ ﻣﺎ ﻓﻴﻬﻢ ﻻ ﺭﺣﻤﺔ ﻭﻻ ﺷﻔﻘﺔ ، ﺷﻨﻮ ﺩﺭﺕ ﻟﻴﻪ؟ ﺍﺷﻤﻦ ﺫﻧﺐ ﺩﺭﺕ ﺑﺎﺵ ﻳﻄﺮﺍ ﻟﻴﺎ ﻫﺎﺩﺷﻲ ﻛﺎﻣﻞ ؟ ﺧﺮﺟﻮ ﺍﻟﺒﻮﻟﻴﺲ، ﺩﺧﻼﺕ ﻣﺎﻣﺎ ﻋﻨﺪﻱ ﺍﻭ ﺟﻠﺴﺎﺕ ﺣﺪﺍﻳﺎ ﺑﻮﺟﻬﻬﺎ ﻣﺒﺸﻮﺵ ﻛﻴﻒ ﺩﻳﻤﺎ : ﺳﻤﺤﻲ ﻟﻴﺎ ﺍ ﻣﺎﻣﺎ ﻣﺒﻘﻴﺘﺶ ﻛﻨﺸﺮﻓﻚ"....ﻣﺎﻣﺎ : ﺳﻜﺘﻲ ﺍ ﻟﻬﺒﻴﻠﺔ ﻣﺘﻘﻮﻟﻴﺶ ﻫﺎﻛﺎ ﻧﺘﻲ ﻓﻮﻕ ﺭﺍﺳﻲ ﺍ ﺑﻨﺘﻲ ﺍﻭ ﻫﺪﺷﻲ ﻣﻜﺘﻮﺏ ﻋﻠﻴﻚ ﺍﻟﺤﻤﺪ ﻟﻠﻪ "....ﺣﺴﻴﺖ ﺑﺎﻟﺸﻔﻘﺔ ﻓﻌﻴﻨﻴﻦ ﻣﺎﻣﺎ ، ﺑﻐﻴﺖ ﻧﺸﻮﻑ ﻭﺟﻬﻲ ، ﻗﻠﺖ ﻟﻤﺎﻣﺎ ﺗﻌﻄﻴﻨﻲ ﻣﺮﺍﻳﺎ ﺍﻭ ﻣﻘﺒﻼﺗﺶ ﺍﻻ ﺑﻌﺪ ﺍﺻﺮﺍﺭ ﻛﺒﻴﺮ ﻣﻨﻲ ﻋﻄﺎﺗﻬﺎﻟﻲ....ﻫﺎﺩﻱ ﻣﺎﺷﻲ ﺍﻧﺎ، ﻳﺎ ﺭﺑﻲ ﻭﺟﻬﻲ ﻛﻴﻒ ﻭﻻ، ﻛﻠﻮ ﻣﻀﺮﻭﺏ ﺍﻭ ﺯﺭﻕ ﺍﻭ ﻋﻨﺪﻱ ﻋﻴﻦ ﻣﻨﻔﻮﺧﺔ ﺍﻭ ﺯﺭﻗﺔ ﻫﻲ ﻟﻲ ﻣﻜﺘﺒﻐﻴﺶ ﺗﺤﻞ ﻟﻴﺎ ﻣﺰﻳﺎﻥ ﺍﺵ ﻫﺎﺩ ﺍﻟﺸﻲ ﻃﺮﺍ ﻓﻴﺎ ، ﺑﺎﻗﺎ ﻣﻘﺎدراش ﻧﺴﺘﻮﻋﺐ....ﺳﻮﻟﺖ ﻣﺎﻣﺎ : ﻣﺎﻣﺎ ﻓﻴﻦ ﻫﻮ ﺍﻣﻴﻦ؟ ﻣﻦ ﻟﻲ ﻓﻘﺖ ﻣﺎ ﺷﻔﺘﻮ......ﻣﺎﻣﺎ : ﻫﺎ....ﺍﻣﻴﻦ ؟.....ﺍﻣﻴﻦ ﻋﻨﺪﻭ ﺍﻟﺨﺪﻣﺔ ﺩﻛﺸﻲ ﻋﻼﺵ ﻣﺠﺎﺵ؟" ﻫﻬﻬﻪ ﻣﺎﻣﺎ ﻣﺴﻜﻴﻨﺔ ﻣﻜﺘﻌﺮﻓﺶ ﺗﻜﺬﺏ : ﻗﻮﻟﻲ ﺍﻟﺼﺮﺍﺣﺔ ﺍ ﻣﺎﻣﺎ ، ﺍﻣﻴﻦ ﻣﺒﻘﺎﺵ ﺑﺎﻏﻴﻨﻲ ﻳﺎﻙ؟....ﻣﺎﻣﺎ : ﺍ ﺑﻨﺘﻲ ﻣﺪﻳﺮﻳﺶ ﻓﺒﺎﻟﻚ ﺻﺎﻓﻲ ﻣﺸﻰ ﺍﻟﻠﻪ ﻳﻬﻨﻴﻪ،ﻏﺘﻠﻘﺎﻱ ﻣﺤﺴﻦ ﻣﻨﻮ"....ﻫﻬﻬﻪ ﻣﺤﺴﻦ ﻣﻨﻮ ﺑﻬﺎﺩ ﺍﻟﺤﺎﻟﺔ ، ﻣﻐﺘﺼﺒﺔ، ﺷﻜﻮﻥ ﺑﻘﻰ ﻏﻴﺸﻮﻑ ﻓﻮﺟﻬﻲ ؟....ﺍﻟﻤﻬﻢ ﺩﻭﺯﺕ 3 ﺍﻳﺎﻡ ﺍﻭ ﺍﻟﺤﻤﺪ ﻟﻠﻪ ﺭﺟﻌﺖ ﻟﺪﺍﺭنا ﻭﺍﺧﺎ ﻭﺟﻬﻲ ﻣﺒﺮﺍﺵ ﻣﺰﻳﺎﻥ ، ﻓﺎﻟﻌﺸﻴﺔ ﺟﺎﻧﻲ ﺍﺳﺘﺪﻋﺎﺀ ﻟﻠﻤﺤﻜﻤﺔ ، ﻣﻌﺮﻓﺘﺶ ﻭﻟﻜﻦ ﺗﺤﻤﺴﺖ ﺑﺎﺵ ﻧﻤﺸﻲ ﻧﺸﻮﻓﻮ ﺍﻭ ﺣﻠﻔﺖ ﺑﺎﺵ ﻧﺪﻣﺮﻭ ﻛﻴﻒ ﺩﻣﺮ ﺣﻴﺎﺗﻲ....ﻓﺎﻟﻐﺪ ﻣﺸﻴﺖ ﻟﻠﻤﺤﻜﻤﺔ ﺍﻭ ﻣﺸﺎﺕ ﻣﻌﺎﻳﺎ ﻣﺎﻣﺎ ﺣﻴﺖ ﻣﻘﺪﻳﺘﺶ ﻧﻤﺸﻲ ﺑﻮﺣﺪﻱ ، ﺩﺍﺧﻠﺔ ﺍﻭ ﻗﻠﺒﻲ ﻛﻴﻀﺮﺏ ﺑﺎﻟﺠﻬﺪ ، ﻧﻔﺲ ﺍﻹﺣﺴﺎﺱ ﻟﻲ ﻋﺸﺘﻮ ﻣﻠﻲ ﺷﻔﺘﻮ ﻫﺎﺯ ﺍﻟﺠﻨﻮﻳﺔ ﻋﻮﺩﺕ ﺣﺴﻴﺘﻮ ، ﺟﻠﺴﺖ ﺍﻧﺎ ﺍﻭ ﻣﺎﻣﺎ ﻛﻨﺘﺴﻨﻰ ﻳﻌﻴﻄﻮ ﻟﻴﺎ ، ﺍﻭ ﻣﻠﻲ ﻋﻴﻄﻮ ﻟﻴﺎ ﻃﻠﺒﻮ ﻧﺪﺧﻞ ﺑﻮﺣﺪﻱ ، ﺗﺮﺩﺩﺕ ﻓﺎﻟﻠﻮﻝ ﻭﻟﻜﻦ ﺍﻟﻜﺮﻩ ﻟﻲ ﺣﺴﻴﺘﻮ ﻣﻦ ﺟﻴﻬﺘﻮ ﻣﻠﻲ ﺗﻔﻜﺮﺗﻮ ﻗﻮﺍﻧﻲ....ﺩﺧﻠﺖ ﺍﻭ ﺍﻧﺎ ﺣﺎﺩﺭﺓ ﺭﺍﺳﻲ ﺍﻭ ﻛﻨﻌﺮﺝ ﺑﺮﺟﻠﻲ ﺣﻴﺖ ﺗﻮﻋﺖ ﻓﻴﻬﺎ ﺣﺘﻰ ﻫﻲ....ﻭﻗﻔﺖ ﺍﻭ ﻫﺰﻳﺖ ﺭﺍﺳﻲ ﻧﺸﻮﻑ ﻫﺎﺩ ﺍﻟﻤﺴﺦ....ميمكنش....ﺑﻘﻴﺖ ﺣﺎﻟﺔ ﻓﻤﻲ ﺍﻭ ﻛﻨﺸﻮﻑ ﻓﻴﻪ ، ﺣﻴﺖ ﻭﺟﻬﻮ ﻛﻴﺒﻴﻦ ﺑﻠﻲ ﻋﻤﺮﻭ ﻳﻔﻜﺮ ﻳﺪﻳﺮ ﻫﺎﺩ ﺍﻟﻔﻌﻠﺔ، ﻣﻠﻲ ﺷﺎﻓﻨﻲ ﻏﻤﺾ ﻋﻴﻨﻴﻪ ﺍﻭ ﻋﺾ ﻗﻨﻮﻓﺘﻮ ﺑﺤﺎﻻ ﺑﻘﺎﺕ ﻓﻴﻪ ﺍﻟﺤﺎﻟﺔ ﻟﻲ ﺍﻟﺪﺍﺭ ﻓﻴﺎ....ﻛﺎﻥ ﻛﻴﻤﻠﻚ ﻭﺟﻪ ﻣﻼﺋﻜﻲ ﻟﺪﺭﺟﺔ ﻛﻨﺖ ﻏﻨﻘﻮﻝ ﻟﻠﻘﺎﺿﻲ ﺑﻴﻠﻲ ﺭﺍﻩ ﻣﺎﺷﻲ ﻫﻮ ، ﻛﺎﻥ ﻃﻮﻳﻞ ﺍﻭ ﻋﺎﻣﺮ ﻓﻨﻔﺲ ﺍﻟﻄﺎﻱ ﺩﻳﺎﻝ ﻫﺎﺩﺍﻙ ﺍﻟﻤﺘﻮﺣﺶ، ﺑﻴﺾ ﺍﻭ ﻛﺘﺒﺎﻥ ﻓﻴﻪ ﺍﻟﺒﺮﺍﺀﺓ ، ﺧﺼﻮﺻﺎ ﻋﻴﻨﻴﻪ ﻟﻲ ﻛﺎﻧﻮ ﻣﻐﺮﻏﺮﻳﻦ ﺍﻭ ﺗﺤﺖ ﻣﻨﻬﻢ ﺣﻤﺮ ، ﻭﻟﻜﻦ ﺍﻟﺤﺎﺟﺔ ﻟﻲ ﺗﺒﺜﺎﺕ ﻟﻴﺎ ﺑﻴﻠﻲ ﻫﻮ ﺍﻭ ﺭﺟﻌﺎﺕ ﺣﻴﺎﺕ ﻟﻴﺎ ﻛﻞ ﺍﻷﻭﺟﺎﻉ ﺍﻭ ﺍﺣﺎﺳﻴﺲ ﺍﻟﻜﺮﻩ ﻫﻲ ﺍﻟﻮﺷﻤﺔ ﻟﻲ ﻓﺎﻳﺪﻭ ، ﺍﻟﻮﺷﻤﺔ ﻟﻲ ﻛﺎﻧﺖ ﻓﺎﻹﻳﺪ ﻟﻲ ﻛﺎﻧﺖ ﺷﺎﺩﺍﻧﻲ ﻣﻦ ﺷﻌﺮﻱ ﺍﻭ ﻣﺠﺮﺟﺮﺍﻧﻲ ، ﺍﻭ ﻗﺒﻞ ﻣﺎ ﻳﺒﺪﻯ ﻳﺴﻮﻝ ﺍﻟﻘﺎﺿﻲ ﻧﻄﻖ ﻫﻮ : ﺍﻧﺎ ﺑﺎﻏﻲ ﻧﺘﺰﻭﺟﻬﺎ ﺳﻴﺎﺩﺓ ﺍﻟﻘﺎﺿﻲ " ﻋﻴﻨﻴﺎ ﻭﺳﺎﻋﻮ ﺍﻭ ﻓﻤﻲ ﺗﺤﻞ ﺍﻭ ﺩﺭﺕ ﺷﻔﺖ ﻓﻴﻪ ، ﻟﻘﻴﺖ ﻣﻼﻣﺢ ﻭﺟﻬﻮ ﻛﺘﻮﺣﻲ ﺑﺎﻟﺠﺪﻳﺔ ﺍﻭ ﻣﻜﻴﻀﺤﻜﺶ ، ﻓﺠﺄﺓ ﺣﺴﻴﺖ ﺑﺮﺟﻠﻴﺎ ﺗﻘﺎﻟﻮ ﻋﻠﻴﺎ ﺍﻭ ﻋﻴﻨﻴﺎ ﺑﺎﻏﻴﻦ ﻳﺘﺴﺪﻭ ﻣﻌﻘﻠﺘﺶ ﻋﻠﻰ ﺭﺍﺳﻲ ﺣﺘﻰ ﻃﺤﺖ ﻓﺎﻷﺭﺽ ﺍﻭ ﻓﻘﺪﺕ ﺍﻟﻮﻋﻲ .
