دانييل:وين بيها هكذا
ميليس:علاش توحس
دانييل:راني كاره #### تع حياتي متزيدينيش
ميليس:مالا انا راني ماشية باش متزيدش تكره
دانييل:وين ماشيا
ميليس:ماشية عند والديا صافا
دانييل:قتلت خرجي
ميليس:مشي حتى نسألك و متنساش بلي كنت حتضربي
دانييل:بصح مضربتكش
ميليس:كنت حتضربني ومسمعتليش واش يضمنلي متضربنيش فالمستقبل وتضرب ولدي مفيكش امان
دانييل:متخلطيش بزااف
ميليس:منيش نخلط كذبت في كاش حاجة
دانييل:نتي لي يهدر معاك يحصل خرجي وشوفور يوصلك
ميليس:😑
كملت طريقها نازلة فالدروج وهو يتمشا وراها قلبت عينيها منهم وخرجت
زينب:خليتها تخرج بلا متحاسبها بسبتها كنت حتقتل فراس وهو مكان مدخله
دانييل:نعرف واش ندير مدخلوش رواحكم فيا وهذاك يحمد ربي لي خرج مدار نزيد نشوف كمارته نقتله
سارة:شفتها انا مين كانت دور بيه تلعبهالك عاقلة ونتا تامن فيها فراس مكان مدخله
ايناس:خويا مشي تع صوالح هذو
دانييل:مثكتروش الهدرة شفت كلشي بعنيا
سارة:كيفاه هذي
دانييل:الكاميرات لي راهم فوق ريسانكم حكمو كلش
وجهم صفار شافو في بعضاهم وشافو بالكاميرات لي فوق ريسانهم
زينب:ااا مشفناهمش هذو
سارة:متقوليش دايرنا في شنابيرنا تاني
دانييل:منعرف علاش خفتو هكذا
ايناس:مواش نخافو لي داير كاش حاجة هو لي يخاف
دانييل:ااام مليح مالا بعدو كماميركم عليا على صباح ربي
بعد عليهم وقدم جمع ياكل
ليزا:صباح الخير
ستغرب وقت شافها معدلة روحها عكس الايام الاخرى لابسة قش تع الخرجة
دانييل:صباح الخير
ليزا: حابة نخدم
دانييل: متخلونيش ناكل نتوما صبحتو عليا واش تخدمي
ليزا:نخدم فالشركة تاعكم عندي حق فيها ياك
دانييل:ليزا رنكي عليا خلوني في حالي
ليزا:منيش نتمسخر باغية نخرج منا غملت وانا مالجمعة فالدار
دانييل:لكان جيتي تدخلي للكوزينة وطيبي متغمليش
ليزا:سمعلي نفهمك حاجة لمرا مش تع الكوزينة ولفراش وتع تربية كيما تبالكم نتوما
دانييل:حتارمي خوك كبير عليك وطيري عليا
ليزا:باغية حقوقي كالامراة
دانييل:روحي عليا
ليزا:باغية نخرج
دانييل:شتخدمي يرحم باباك طيري عليا راني نقول
ليزا:ديرلي بيرو نتفرج فلي رايح ولي جاي ومنقعدش هنا
دانييل:قولي راكي باغية تشوفي راجلك مشي
ليزا:متخلطش باغية نخرج
دانييل:وبنتك ليمن تخليها متقوليش تخليها لزينب وجماعتها
ليزا:نديها لجداتها نتا متخممش بزاف
دانييل:نخخم ايا روحي قهوتي بردت كي ####
ليزا:واش تخمم خطبوك وراك تخمم عيط قولهم يوجدو بيرو وانا نروح نجمع فيه نعسلك للموظفين كامل متخممش
دانييل:عداتك ميليس ولا لسانك طويل كيفها
ليزا:اييه خاكر توالفتو ليزا البكايا نولي كيفها مليح هكا
دانييل:صبر ياربي صبر
أنت تقرأ
وقعت في جحيمه (باللهجة الجزائرية)مكتملة
Randomكيف لي ان اتخلى عن بسمتها....... كيف لي ان اتخلى عن غروره........ وقعت في جحيمي انتقامه.........في جحيمي حبه.......غروره يكفي في قتلي.......بسمتها تكفي ان تحييني.....
