زيد:هههههه منيش نتمسخر منهار الاول شفتك فيه حطيتك في راسي مش انا لي ق#### يطيحو مقيمتي
رونق:😭😭 لعبت بيا ورميتي
زيد:كلشي بالارادتك ولا كان في بالك بصح نتزوجك هذيك فالمنامك ومتصراش
خرج وخلاها مرمية وراه تبكي على واش صرا فيها
في جهة اخرى قاعدين متكيين فالفراش تشوف فيه يشرب في دواه تبسمت بالشر وشافت فيه وملامح وجها قلبتهم للجدية
ليزا:ليث باغية نقولك حاجة
شاففيها بالنص عين
ليث:لي هي
ليزا:باغية نطلقو
الماء لي كان يشرب فيه خرجله مالنيفه
ليث:مزال منحيتي لحكاية هذي مراصك
ليزا:خاطر مزال مأمنتك
ليث:كيفاه مزال مامنتيني باغية تهبليني
ليزا:نقولك حاجة
ليث:متقوليش
ليزا:اوكي منقولش ونتا دبر راسك
ناض مبلاصته خارج وهي رجعت تكات في بلاصتها تضحك عليه
ليزا:صبر عليا غير نهبلك
ميليس:دانييل دانيييل نوووض
دانييل:بسم الله الرحمن الرحيم مال#### واش كاين
ميليس:حسنة لي ديتها راحت في ذاك شي
دانييل:واش كاين شعال راها الساعة علاش نوضتيني
ميليس:راها 8 عجبك رقاد نوض تخدم
شاف فيها بالشك
دانييل:موينتا كنتي تنوضيني نخدم
قرب لوجها وهي قاعدة تهرب بعينيها بعيد عليه
دانييل:ولا باغية تولي زوجة صالحة
ميليس:متفرحش بزاف نوض باغية لفراز مع لكريم 🍧
دانييل:م#### نتي تتوحمي غير على صوالح تع صيف
ميليس:اي مطيحليش وزيد لولدك مش ليا
دانييل:ديريها بالعاني باش نشريلك منعرف شكون حياكل صوالح هذو
ميليس:مغيار راك تغير مني
دانييل:نغير ملهبال تاعك وقيلا هههههه
شافت فيه وتبسمت
ميليس:قالولك بلي ضحكتك تهبل
قعد يشوف فيها مخلوع زاد قربلها
دانييل:علابالي
وقت رجعلها عقلها لراسها بعداته عليه وهو مزال يتبسم
ميليس:نوض نوض وبركا ما تتبسم كي لبهاليل مغرور حاسب روحك
دانييل:عندك انفصام شخصية نتي غير درك كنتي تقوليلي ضحكتك تهبل
ميليس: 😤😤 راك تجيب بيا الوقت قتلك نوض شريلي
دانييل:مين نجي جاي مالخدمة نجيبلك
ميليس:نو حابة درك درك
دانييل:عندي خدمة مب...
ميليس:خلاص متجيبليش نروح عند ليث و ولدي نقوله باباك مكانش يبغي يشريلك صوالح لي تحبهم
دانييل:مين تسلطتي عليا نتي
ميليس:نتا سلطتني على روحك 🙂
تبسمت بانتصار ناض دوش وخرج لاف منشفة على وسطو قرب ليها باش يبوسها ناضت تجي لدوش ترجع لحقها يشوف واش بيها
خرجت وتسح في فمها وحاطة يدها على كرشها
أنت تقرأ
وقعت في جحيمه (باللهجة الجزائرية)مكتملة
Acakكيف لي ان اتخلى عن بسمتها....... كيف لي ان اتخلى عن غروره........ وقعت في جحيمي انتقامه.........في جحيمي حبه.......غروره يكفي في قتلي.......بسمتها تكفي ان تحييني.....
