تحدث إليها نديم يُعتابها بقسوة شديدة تعهدها للتو مُلتقطاً بين يديه القلادة خاصتها :-
مكنتش بحب غيرك إنتي و السلسة ديه يا جميلة !! و إنتي كنتي عايزة تمشي وكنت هفضل أنا والسلسة لوحدنا ، وقتها بصيت للسلسلة علي إنها كنز وصلتله بعد تعب سنين و فرحت فرحة متتوصفش لما لقيت حاجة منك أخدها في حضني قبل ما أنام .. بس لما الحقيقة ظهرت و عرفت كل حاجة مبقتش حاسس بـ إنتمائي زي الأول للسلسة ديه ، مبقتش عايزها و لا بقيت عايزك إنتي كمان ، للأسف يا جميلة طريقنا بقي عبارة عن سكتين سفر عمرهم ما هيتقابلوا تاني !!
سارت جميلة بـ خطواتها في وهن شديد إلي أن وثبت قُبالته واضعة يديها أعلي كتفه تتحدث بصوت مُرتعش يجول به رغبة إلتماس الصفح عنها :-
وحياة ولادنا و عشرة السنين اللي بينا تسامحني يا نديم ،،، صدقني إنتَ مهما إتحبيت محدش هيحبك قدي والله العظيم ..
أبعد نديم يدها التي تعلو كتفيه بطريقة أهانتها بشدة يتحدث إليها في قوة ونظراته ترتعد أن تقابل عينيها كي لا ينهلك بهما :-
ما أعتقدش إنك في إحتياج لـ واحد بتكرهيه ومش قادرة تبصي في وشه !! ولا إيه ؟
جميلة بدموع تنهمر من عينيها في ندم حارق :-
كفاية يا نديم أبوس إيديك .. إنتَ كأنك بترفع روحي لـ سابع سما و بعدين بتهبدها تاني علي الأرض !
إبتسم نديم في قسوة لا يُجيدها إلا من أحب بصدق و يدرك أن السبيل الوحيد لـ بقاء الأشياء هو عدم التشبث بها كي لا يتمزق القلب :-
كل حاجة بتتجرد مع الوقت .. الصورة ، الصوت ، حتي الحب بيتجرد من القلب بمرور الزمن .. بس عارفة إيه اللي مبيتجردش مع مرور الزمن يا جميلة ؟!
جميلة بقلب يهلع من تلك النبرة التي يتحدث بها من أوجعت قلبه بـ فعلتها :-
إيه ؟!
الشعور يا جميلة .. الشئ الوحيد اللي مستحيل يتنسي هو الإحساس اللي بنحسه ناحية اللي حبناهم .. إنتي مكانش ناقصك أي حاجة .. قلبي !! مكانش بيدق غير عشانك وبس ، حضني !! خبيتك فيه من نسمة الهوا اللي كنت بخاف عليكي منها لأحسن تأذيكي .. بس إنتي اللي أنانية و مبتفكريش غير في نفسك وبس .. لحد دلوقتي مش مصدق إن كل اللي بينا هتكون ديه نهايته ، واللي مخلي النار تحرق في قلبي أكتر هو إن نهايتنا هتكون إيدي فيها فاضية مش متمسكة بأي حد ولا حتي متمسكة بـ أي حاجة ممكن تفكرني بيكي ..
دفع نديم القلادة خاصة جميلة بوجهها في عنف شديد عقب كلماته القاسية والتي لم تنتهي بعد بل ختمها بنهاية أحرقت الفؤاد :-
بس ياريت قصتنا إنتهت و أنا إيدي فاضية وبس .. ديه إنتهت و أنا فوق كتافي خيبة أمل ، و غدر ، و خيانة كمان ..
تابوت العشق ❤️
نديم & جميلة
أنا هبتدي أنزل في الرواية الجديدة علي الواتباد بس ولما تكمل هنزل في الجروبات بإذن الله لأن ده الشئ الوحيد اللي حسيت إنه لو نجح هتبسط و نفسيتي هتبقي أحسن وإن شاء الله الرواية ديه تنجح واتبسط بناجحها بسببكم .. وكمان هنزل معاها حلقات خاصة من نضجت عشقا في نفس الوقت
هخلي المواعيد السبت و التلات و الجمعة الساعة 10 بليل أن شاء الله شجعوني بقي عشان خاطري 🌺🌺🌺
