اخبار القصص

تنبيه ماء مغلي

مرحبا 😍😍

٢٠٢٠/١٠/٥
الاثنين

______________

ملاحظة من الكاتبة زوكة اقروها كلها

♟🖤📌

توضيح آخر  و أخير ..

القصه قسمين ..  سحر / دعاره
خلص القسم الاول وهسه احنه بالثاني

يعني الي ضايفه لمكتبتها قصه مذكور بمقدمتها
( دعاره .. كلام بذيء.. الفاظ جريئه .. جنس )
لا تجي هسه تكول هنا
احنه ( مراهقات )

المراهقه شعدها تضيف قصص دعاره !!!

يعني الي دتقرا قصه مال بنيه مديرة ملهى وبتاويين ومن اول بارت وكلمتين مبينه هذيج وينها شنو مواضيعها ..
شتتوقع مثلا شنو يكون مكتوب !!

اكو فد توقع غير كل شي جريء !

واذا مثلا انكتب عنها فد تصرفات لبقه
وهادئه ورزنه وكلام كله حكم ودرر
هاي راح تكون وصف مرضي للمقابل عن
شخصيه ونوع بيئه ( الكحاب ) !

طبعاً راح اول رأي ينذكر بتعليق وهو انذكر باكثر من تعليق هم ..
( طلعوهه شريفه ومظلومه وهسه تطلع بعدهه بنيه )

اعتقد الكل موافق الرأي ..

تبقى شغله ..
اذا اكو بنات صغار و مايريدن هيج مواضيع تنذكر كدامهن
اني ماغفلت عنهن و باول القصه نبهت
وبوسطها هم وقبل البارت بيومين هم نبهت  وبالتعليقات هنا هم نبهت
وهي هم هذيج وينهه مبينه

الي تتجاهل هذا كله اني شأريد اسويلهه يعني !
هي بقناعتهه وفضولهه جايه تقرا
ليش بعد ما تتجاهل وتقرا كل التفاصيل
تجي تثير نقاش وجدل ما اله اي داعي
داخل قصه دعاره !

اذا هي غافله اني نبهتها واذا هي تجاهلت التنبيه وقرات واستحت وشافته شي خادش للحياء لا تتفاعل خليهه تابع بصمت

اني مو شغله عناد او قله حياء واكتب هيج مواضيع غصبا على اليرضى والي مايرضى

بس اني من اول مابديت اكتب القصه منطيه وعد .. وعدت اني اوصل كل شي مثل ما هي يعجبها وتريد يوصل

وهذا اني هم ذكرته بتوضيح الكم
كلتلكم هي كالت
' شدي راسج وطنشي '

هي تعرف راح يصير هوااي جدل
واني هم اعرف راح افقد هوااي نظرات محبه واحترام

بس الحقيقة لازم تنكتب وهذا ثمنها
شي عادي

..

هسه بالنسبه لل( سياسة)
حتى اني ضجت من نفسي من كد ما لحيت
وين مااروح اكول
' وكت السياسه شتسون بيه من احجي '

اكو بارت كامل حقائق سياسيه
من اصل الشارع العراقي
مو من جيب احد !!

اني اكتب لان اكو جهل
والقلم يخط للنور وتفتيح العقول
فلا يمكن اني اتراجع عن ذكر اي تفصيل
باعتراض اي طرف

هذا البارت هو قبل الاخير
يعني راح ينزل بارت بس 'حجي سياسي '
مو هم يصير اعتراض ' ماكو احداث .. خلصيها عاد '

هو من البدايه اني كتبتلكم المواضيع هنا هي
( سحر ..جنس .. سياسه .. تبعاات نفسيه )

كل بارت اخذ حقه بذكر موضوعه
ماكو بارت يتلخص بي سطرين عن موضوع هو كتب ماتكفيه لتوضيحه بحذافيره

شغلتين مفروضه على كل متابع لهذا البارت ..
- اذا هو اندافعي وتهجمي  بكلامه ويتعمد كتب الاساءه للاشخاص والطوائف  و الاحزاب والمذاهب والناس العامه والموتى ( لا يعلق ) يريد يناقش .. الخاص موجود تعال ناقشني بأي برنامج يعجبك بس أثاره جدل وتهجم ماارضاه  / ماامنعكم من الاعتراض والتوضيح لكن ( بدون مسبه ) هذا قصدي لا غير

- ممنوع الرد على التعليق لاي شخص الردود تصنع مشاكل رجاءً لا تحرجونا بيهن

( الرد ينحذف مهما كان )

اعذروني على حِدة كلامي وياكم هالمره بس للضروره احكام 🖤

_____
باقي ٣ بارت ونختم

ليش طولن ؟ لان التفاصيل كثرت
والبارت دارتبه لحد  ٦٠٠٠  لذلك صار بين يوم ويوم

اليوم بالليل اختمه والكم بي الحريه بالرأي
بس بالبارت الوراه  ( التزمو بالشروط لطفًا)

💕🌟

__________

تعليق من الكروب //

طبعا اول مرة انشر بس اريد اعرف شنو من بشر موجود بهالدنيا الي يعلقن عالواتباد ويكولن للكاتبه مسحي مخل للادب وحرام يعني متعجبه عالنفسيات مستحيل ثم مستحيل بكميه الوجع والمعاناه والاحول ولا قوة  تجي وحدة تنغري بهيج موقف وتشوفه مشهد جنسي شكد قاريه قصص كومه بس  ماثر بيه غير هالمشهد كميه الحقد العندي صار مو طبيعي وعالكل حتى على المرض نفسه حقدت انو ليش مانعدت وماتت ويا اختها وابوها وهسه تمرضت بي ورة كل العاشته والشافته ريري منهزمت من اهلها علمود واحد وبعدين صارت كحبه ولا طلعت عن الطريق وصارت كحبه اصلا حرام تساوة ويه هيج نماذج فله اشرف من الشرف نفسه وهي طفله بالسيارة طخو رجليها مقبلت بس اكول حسبي الله بكل طرف صار باذيتج

________

بنات شباب اليوم الكاتبه نهى حسون نزلت اعلان قصتها الجديدة كاتبة كلش متألقة وقصصها حلوة ضيفوها .

اذا تخلص قصة ماء مغلي انزل اخبارها هي شدكولون .؟

سؤال قصة زوجة اخي المجنونة حلوة لو لا شو اسم القصة ماحبيتها بس مااعرف محتواها شدكولون ؟؟؟؟