سوو تاكات اكو خبر مهم بخصوص قصة جديدة للكاتبة تابعوا وياي
بنات راح انشرلكم اخبار ريري من الكاتبة من اول شي على ما اوصل لاخر خبر الها موتخربطون بالسكرينات لان اني دخت ___
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(الكاتبة)
صباح الخير 🌟🌟
اخبار فله اليوم..
تكول ما نامت الليل كله تسمع قرآن و حيدر كاعد وياهه يشجعها ومخابرلها على اهله هم حاجين وياهه ..ابوه وامه هواي دعولها وهو مبوسها وعايفها تنام بس هي ضاله كاعده عينها ماخذت نوم
تكول اكثر شي افكر بي هو اهلي شنو حالهم هسه ؟ وتمنيت لو صدك واحد بس واحد منهم يمي موجود هالليله واحضنه
تكول دعيتلهم وما دعيت لنفسي اصير زينه او تنجح العمليه بدون مضاعفات ما يهمني المسألة عندي مجرد تجربه علاج لازم اسويهه ورحت سويتها وشيصير خلي يصير بس اهلي ضليت ادعيلهم اخاف محتاجين دعاء واروح ومحد يبقى يدعيلهم ويذكرهم
تكول رضا دك باب غرفتها من ساعه اربعه ونص الفجر ومكعدهم .. فهي رايحه مغسله ومبدله وطالعه كاعده يمهم ...
حيدر طلب تكسي من الفندق ورضا طلب من عنده يعوفهم يحجون شويه وحدهم بين مايوصل تكسي كايله دقايق وانزلهه وراكم ..
فتكول طالع حيدر وريتا وبقى رضا هي كلتله .. شكو بعد نحجي كلشي عرفت وسوالف الشجاعه كلهن حفظتهن ومخليتهه على الله بعد شتريدون اسوي وماسويته !
