.. لو سمحتي
نورا : نعم
معتز : انتي ماشية لوحدك ليه
نورا :....
معتز : مش بعاكس والله بس انا دايما بشوفك ماشية مع حد
نورا : دا انت متابع بقا
معتز : هو... بصراحة اه
نورا : طيب عن اذنك
معتز : لا استني عن اذنك ايه دا انا لما صدقت شفتك لوحدك
نورا : مش فاهمة يعني حضرتك عايز ايه
معتز : هو انتي مش عارفاني انا جاركم بيتنا في الشارع اللي جنبكم
نورا : لا اعرفك بس انا مش فاهمة انت عايز ايه
معتز : ثواني كدا (خد نفس طويل وبدأ يغني) أنا ولا عارف ولا عارف انا مالي ولا ايه اللي جرالي بحباااك
نورا : ثواني بس انت موقفني علشان تغني (وسبته ومشيت)
معتز : انا قولت هتفهميني
(تاني يوم)
معتز : نورا
نورا : خير تاني والله انا مش Arab gotalnt
معتز : لا مش هغني اسمعيني بس
نورا : اتفضل
معتز : عذبة أنت كالطفولة كالأحلام كاللحن كالصبح الجديد... كالسماء الضحوك كالليلة القمراء كالورد كابتسام الوليد... يا لها من وداعة وجمال وشباب منعم أملود... يا لها مـن طهارة تبعث التقديس في مهجة الشقي العنيد... يا لها من رقة تكاد يرف الورد منها في الصخرة الجلمود... أي شيء تراك؟ هل أنت فينيس تهادت بين الورى من جديد... لتعيد الشباب والفرح المعسول للعالم التعيس العميد
نورا : هو شعر جميل وكل حاجة انت اللي كاتبه
معتز : هههههه لأ دا لأبي القاسم الشابي
نورا : اها شعره جميل بس برده انا مش فاهمة انت بتلقيه ليا ليه انا مش بكتشف المواهب (وبرده مشيت)
معتز : احدفها بطوبة في دماغها يمكن تفهم
(اليوم اللي بعده)
معتز وقفها برده
نورا : المرة دي هتغني ولا هتقول شعر ولا هتلعب بوكس
معتز : شوفي بقا علشان صبري نفد وعمال المح وانتي نو استيعاب بصي علي بلاطة كدا خديلي ميعاد من الوالد علشان اجي اشرب معاه الشاي
نورا : دا كله علشان تيجي تشرب شاي ما تشربه في بيتكم
معتز : انتي بجد غبية كدا
نورا : انت هتغلط ما تقول عايز ايه واخلص
معتز : احم... انا بحبك
نورا : ما انا عارفة
معتز : عارفة!!
نورا وهي ماشية : هنستناكم بكرة بعد صلاة العشاء
(في الرؤية الشرعية)
معتز : انا عايز اعرف بقا انتي عارفة منين
نورا : من مواهبك اللي كنت بتسعرضها قدامي هههه
معتز : يعني كنتي فاهمة تلميحاتي
نورا : اهاا
معتز : ومقولتيش ليه
نورا : والله؟! اقولك ايه يا كابتن ما تحترم ذاتك
معتز : هههه المهم انك دلوقتي قاعدة قدامي وكلها يومين ودبلتي تنور ايدك
نورا : ومين قالك اني موافقة
معتز : قلبي اللي قالي
نورا : بيكدب عليك
معتز : طب وعيونك
نورا : مالهم
معتز : هم كمان أكدولي انك موافقة هم كمان كدابين
نورا : هو.. يعني... أناا..
معتز : ششش.. انا خلاص عرفت
نورا : طيب كمل استعرض مواهبك يلا واشجيني
معتز : امممممممم... لو مكنتيش تحلفي بس
أضعتُ في عرض الصحراء قافلتي وجئتُ أبحثُ في عينيكِ عن ذاتي
نورا : بس انتم مش مربين معيز
معتز : مش فاهم
نورا : مش انت بتدور عن عنزاتك والعنزة اللي هي معزة صح
معتز :.....
نورا : مالك فيه ايه
معتز : حاسس بأعراض شلل داخلة عليا
نورا : بعد الشر عنك اجبلك دكتور
معتز : لا استعرضي انتي كمان مواهبك
نورا : اغاني ولا شعر
معتز : اللي يطلع منك قمر
نورا : اسمع بقا الجمال علي أصله...
أُعلّلُ قَلبي في الغرامِ وأكتمُ
ولكنَّ حالي عن هَوايَ يُترجمُ
وكنتُ خَليّاً لستُ أَعرفُ ما الهوى
فأصبحتُ حَيّاً والفؤادُ متيّمُ
معتز : عيدي كدا تاني
نورا : على فكرة شوية وبابا هيجي يطردك دي مش مسابقة مواهب دي رؤية شرعية
معتز : خلاص علي بركة الله كتب الكتاب الاسبوع اللي بعد الجاي
.......
نورا : تعرف يا معتز انت لما وقفتني اول مرة وغنيت كنت ماسكة نفسي من الضحك بالعافية بقا ياراجل في واحد يوقف بنت ويغنيلها انت فاكر نفسك تامر حسني في عمرو وسلمي
معتز : ههههههه ما انا مكنتش عارف المحلك ازاي
نورا : انا كنت عارفة من قبل ما تلمح
معتز : اثبتي كدا.. كنتي عارفة من قبلها ازاي
نورا : كنت ملاحظة انك متابعني كل ما امشي من قدامكم علشان كدا كنت بحاول اقلل مشاويري اللي من الطريق دا
معتز : ليه ما مفترية انا كنت كل شوية اطلع اشوف الطريق
نورا : كنت لما بلمحك بتوتر وكنت خايفة يبان عليا
معتز : انا كنت فاكرك مش واخدة بالك مني خالص آه يا اروبة.. بس فرحت اول مرة شفت لوحدك قولت الحمد لله اخيرا شفتها لوحدها قبل ما اطلع ع المعاش
نورا : ههههه علشان كدا اليومين اللي بعدهم اصريت اني اخرج لوحدي علشان تتلحلح
معتز : هههههه دا كله يطلع منك ولا يبان عليكي... تعرفي
نورا : اعرف ايه
معتز : اني عديت مراحل الحب وبقيت بعشقك
نورا : انا اكتر.. اقولك حاجة اخيرة بقا تعرف اهم سب خلاني اوافق اتجوزك
معتز : انك حبتيني
نورا : لا مس دا السبب هههههه... السبب علشان اعمل زي احمد حلمي في ظرف طارق واقولك معتز الحقني يا معتز هههههه
معتز : مشفتش في تفاهتك
نورا : مش هخليك تشوف غيري اصلا
#نورا_المسلمي 🌸🐬
