ابن عمي

النهاية

ج2/10

ديانا
ثاني يوم رحت ع وكت انتظرت على ما اجه علي

علي اوو اليوم قبلي

ديانا ايي جنت منتظرتك

كعدنا و سولفنا سوالف عادية معرفت شلون افتح الموضوع بس ساعدني هو

علي ايي و لشوكت يالله تحجين

باوعتلة بخجل كتلة

ديانا باع انا احترمك كولش و احسني داميل الك اخذت نفس يعني احبك بس

قاطعني عوفج من البس خلي استمتع بجملة اولشي

ضحكت و كتلة

ديانا لا جديات اكو شي لازم تعرفة

باوعلي

علي عيونج و خجلج ما دا يكلولي انج رافضة

ديانا لااا مرافضه بس انا جنت بعلاقة

قاطعني
علي و يعني بعدكم سويا

جاوبت بسرعة

ديانا لااا ولله اصلا حتى قبل لا اعرفك نفصلنا

علي لعد ميهمني اعرف المهم هسه انتي تحبيني ؟ ترديني يعني

باوعتلة بخجل و هزيت راسي

قربلي و همس

علي نخطب و نتعرف ازيد لو نتعرف ازيد بعدين نخطب

ديانا بخجل بكيفك

…

بعد كم اسبوع سمعت نور طلكت خابرتها و نزلت ع باقر و اهلة دوسة و نص مشكلة انا من طرف ذولة و من طرف هاية بس انا اعرفة باقر ساقط و ابو بنات من البداية فانا وي صاحبتي طبعاً ..

بعدها بفترة قليلة عزمونا على خطوبة احمد .. معرف ليش ضجت او يمكن استغربت
معقولة هيج يصير بدنيا سمحت لذاكرتي ترجعني هناك لايامي بيتهم لبداية علاقتنا لخجلي و جرئة
فجئة ذاكرتي ودتني ليوم اعترافي اله لمن غاب و تاخر خوفي علي و وعدة الي فرحتي وكت الي عرفته رايح يزور و يدعي اصيرلة

اخذت نفس جانت ايام حلوة رغم ختامها بارد
وكت الي دورت بذاكرتي مذكرت انفصالنا
احنا منفصلنا احنا اصلا المفروض رجعنا بس باخر محادثة ليكنا انو احنا بطلنا متفاهمين ..
جان المفروض انا و هو سويا بس مترهم لو مكملين يمكن نهايتنا تكون اقسى من نهاية نور و باقر وكت الي تحجي نور عن باقر تحجي بكره على كد ما وجعها هو رغم شكد جانوا واحد يحب الثاني بس همة مجانوا متفاهمين من البداية .. باقر جان الشخص الخطأ الها من البداية مثل ما احمد الشخص الخطأ الي

علي مريح دافي ممكن اسمي بلسم ويا اعيش انا ديانا بطبيعتي كولش احبه و كل مشاعري اله
احمد ذكريات حلوة و بس ذكريات
الله يوفقة.

بخطوبتة مرحت معرف ليش بس محبيت اروح ..

بعدها بفترة ازوج بنفس الاسبوع جانت خطوبتي مرحت انا لعرسة همات و لا مرته او هو اجه لخطوبتي بس تبارك اجت حتى نور ما اجت لان هيلين و عمتي اجت و هي بعدها ما باردة سالفتها ..