سلام ، بداية هاي القصة جزء ثاني من ابن عمي الجزء الاول هناية zz4506322
هذا الحساب نسيت الباسورد و الايمل فـ مكدر افتحة ..
ليش كتبت هاية القصة
بفترة معينة جنت ادور على قصة معينة تكون علاقات بين اقارب تكون رومانسية و دافية نوعاً ما ملكيت الي جنت اريد عجبوني هواية بنفس اللون بس محسيتهم واقعين بلاخص وكت الي يدخل طرف ثالث او رابع او او او او مجنت اشوف بلواقع هلكد خبث بصراحة فردت شي واقعي الرومانسية و الحب و انو واحد ميكدر يكمل حياة بدون الاخ حسيتهم يبالغون هواية بلاخص وكت الي يبينون الحب مو لازم بي كرامة و انا اشوف من اسس الحب الكرامة شلون يحبني و عادي يهين كرامتي ؟ بلواقع كومة عالم ترتبط و عادي تنفصل و ترتبط مرة ثانية بالقصص هشي ميصير و اذا صار البطلة او البطل ينكر انو علاقتة الي بلبداية حب ! هشي محبيته همات
بقصتي حاولت ابين المشاعر المتناقضة الي هواية يعيشوها ..
مجنت متوقعة تنحب بلاخص الجزء الاول لان بنهاية جانت مشاعر عشتها انا او عاشوها ناس اعرفهم يعني انا مو كاتبة ..
... المراهقات الي يقرن
بالبداية كل الحب الكم
اكو شي لازم تعرفوا القصص الي تقروها و ان كان بيها جزء حقيقي ( احياناً ) فهي مبالغ بيها حتى تجذب قراء ازيد (معرف اذا وصلت الفكرة او لا ) بالواقع ماكو عالم تحارب علمود عالم بطرق الي يبينوها بعض القصص و داحجي بصورة عامة مو عن قصة او رواية محددة
هواية قصص بينون الحب بمراهقة و انو البنية تترك دراستها علمودة او تترك شغلها لنو هو ميقبل و هشي كلش خطا مو حب انو هي تلغي نفسها علمود اكو الي ياخذون من تخلف المجتمع محتوى و يبينون انو عادي و وضع طبيعي ( مثل قصص الفصليات الي هية اهانة النا كنساء ) طبعاً مدا اقصد الي ياخذون الموضوع و يعالجوا او يبينون شكد هو ظلم قصدي الي يطلعون البطلة انسانة مريضة تترك دراستها حياتها تنهان تنضرب و تحبة بنهاية هشيء ميصير للناس الطبيعية
اهم شي انتي و الدراسة تزيدج و ترفع منج مو مشكلة انو انتي صارت الج ضروف و تركتيها عادي تكدرين تثقفين نفسج ع اقل بتلفون الي عندج تقرين كتب تثقفج كلشي بس المهم لتصيرين مجرد زوجة لواحد متخلف كل شغلج كنس و مسح و طبخ
الكنس و المسح مو عيب او اشياء متخلفة و اصلا الطبخ فن بس التخلف انو كل وجودج بلحياة يقتصر عليهن كلهن نسويهن و نسوي وياهن كل الاشياء الي احنا نحبها رسم كتابة خط .. اي موهبة اشتغلي على نفسج و على عقلج لتصير فرد من هلمجتمع المتخلف فدوا .
حبيت احجي هشي لنو داحس العالم المتخلفة تزيد
الجزء الثاني من الرواية 10 باراتات و كولهن خلص كملن التنزيل يومي كل يوم ساعة 10 م
بكيفكم تتفاعلون او لا انا اريد اخلص هلرواية و احذف التطبيق
ختام الرواية كتشويق 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
معرف اذا يشوق بصراحة 😂😂 المهم قصتي حاولت اخليها واقعية و حلوة و متضوج هواية ( اشك بصراحة 😂😭) بحيث مخليت طرف ثالث بعلاقة المشاكل من الطرفين 😂😂
