ابن عمي

جزء الثاني / 2

ج٢/٢

احمد
طفل صغير جاي يركض بنتيجته الي طالع بيها اول .. رايح لامة يبشرها و يفرحها و اول موصل اخذتها امه و شكتها قطعة .. قطعة ..
هيج سوت ديانا بيا وكت الي رفضتني اخذت كلبي و داسته
لاول مرا بحياتي اكون بهجدية بهذا الموضوع و اول مرا بحياتي انكسر بهطريقة
مجنت متخيل اكثر انسانة حبيتها ماخذة علاقتنا لعب !
بين يوم و ليلة صغرت بعيني هواي .
ما اعرف شلون و ليش بس حاس كل حماسي الها قل
داشوفها وحدة رخيصه ترفض العفة .
قذرة بطريقه مرايد ارتبط بيها انا الي جنت اموت بيها ..

كذا مرا اتصلت اكذب اذا كلت ما مشتاق الها او مرايد احجي وياها و اعاتبها و اكلها ليش علقتيني بيج اذا مترديني من البداية و ارجع و اكول متستاهل ..

اي انا مجنت ملاك بس ما اتصور ارتكبت خطيئة مثل الي هي ارتكبتها ما اتصور جنت وي وحدة بطريقه الي جانت هي وياي ، دائماً جنت اخاف ذنوبي تبعدني عنها مجنت متصورها حتكون هي الذنب و الخطيئة

و داحاول اعود كلبي على غيابها شايل هم بس ترجع داوم شلون شايل هم اذا شفتها شلون ما اضعف و انا و هي بعيدة و ممتحمل ..

حتى شغلي الي يهد الحيل هد صرت اشوفه نعمة يشغلني عنها .

.
.
.
.
.

تبارك لاء معجبني

ادم امشي نروح لهناك اعرف محل اثاث احلى

هزيت راسي و مشيت .. دانغير بيتنا ع اساس ذوقي احسة يحاول يرضيني و يكسبني انا هم داحسني داستلطفه .. مو احبه لاء بعدا السافل الي هددني بس داستلطفه و احيان داعذرا يجوز لان حبني بس ارجع و اكول لاء جان اكو الف طريقه و لا هلطريقه هي ..

بين تصميم و تصميم و من محل لمحل اختارينا كم شي بس بعد ورانا كومة

ادم تعبتي نرجع

تبارك رجلية مدحس بيهن بس بعد كومة

ادم امشي نرجع عود غير مرا نطلع بكل الاحوال منخلص اليوم

هزيت راسي و مشينا مسافه بين موصلنا لمكان صاف بي السيارة

صعدت انا و هو كلي ثواني و ارجع ..

اجه بيدا علاكة و داشمع ريحة بيتزا و اشياء

تبارك اوووف جبت اكل

ادم ايي اكيد جعتي

تبارك ايي فدنوب اخذت العلاكة داريد اكل

ادم ديربالج توصخين السيارة صدكي اخليج انتي تنظفيها نوصل و اكلي

تبارك باوعتله بنص عين و كعدت منتظرا نوصل ..

مشينا و انا و لا منتبهة لطريق لحد ما وكفت السيارة باب بيتنا

تبارك صفنت شوية بعدين كلت / ادم شنسوي جاين بيتك