ساغيرك رغما عنك ❤

الحلقه الثامنه عشر 😇

كان طلب فوزي من مدير المشفي ان يقوم بأعاده مايا اللي المشفي ولكنه رفض ذلك
عندها قرر فوزي الخروج من تلك المستشفي ثم صمم ان تكون المشرفه الوحيده علي حالته هي تلك الطبيبه الشجاعه التي كانت علي استعداد بالتضحيه بعملها من اجل مساعده تلك الممرضه ثم توجه فوزي اللي الفيلا الخاصه به بمساعده نادر وامنيه ثم طلب من نادر ان يساعده في الصعود اللي غرفته ليتمكن من الحصول علي قسط من الراحه و..
نادر بعد ان ساعد والده في الدخول اللي غرفته : بسسس تعالي يا بابا هنا نام شويه
فوزي بتعب : ااه ماشي يا ابني الله يكرمك بص يا نادر انا عاوز البنت دي هتكون هي اللي مشرفه عليا
نادر : حاضر يا بابا بس المشكله هنوصلها ازاي
فوزي : من شئؤن العاملين من حد من صاحباتها ف المستشفي اتصرف يا نادر دي مش هتكون حاجه كبيره عليك انت لازم تجيب رقم البنت وتتصل بيها تقولها اني عاوزها تكون المشرفه عليا هنا انت فاهم يا نادر
نادر : حااضر يا بابا .. عن اذنك انا هسيبك ترتاح شويه
فوزي : اتفضل يا ابني واندهلي والدتك انا عاوز اتكلم معاها ف حاجه مهمه
نادر : عيوني يا حاج
خرج نادر من الغرفه ثم اخبر والدته بأن فوزي منتظرها بالاعلي ويريد ان يتحدث معها علي امر مهم مما اثار فضول وقلق امنيه ثم صعدت اللي الطابق الثاني ودلفت اللي الغرفه التي يوجد بها فوزي و .....
امنيه وقد دلفت اللي الداخل : في ايه يا فوزي قلقتني
فوزي : لا لا مفيش قلق والا حاجه بصي يا امنيه في حاجه مهمه عاوز اكلمك يها بخصوص نادر
امنيه : مالو نادر
فوزي : شفتي كان بيتكلم ازاي عن الدكتورة دي
امنيه بأستغراب ازاي يا فوزي عادي يعني مفهاش حاجه هو كان عاوزك ترجعها عشان هي ساعدتنا كتير مش اكتر
فوزي : لا يا امنيه انا حاسس ان في حاجه تاني نادر كان بيتكلم عنها كويس اوي وكنت حاسس انو مهتم بأنه يرجعها شغلها اوي انا عاوزك تقوليلي ايه اللي حصل بالظبط بين نادر وبين البنت دي وانا ف الغيبوبه
امنيه : مع اني مش متفقه معاك ف انو في حاجه زي ما انت بتقول بس ماشي هقولك لو كان ده هيريحك بص يا فوزي كل الحكايه ان لما احنا رحنا بيك المستشفي دي كان علاء هو اللي مشرف علي حالتك بس اليوم اللي بعدو لقينا دكتورة مايا دي بصراحه انا اعجبت بيها اوي وارتحتلها اكتر من اللي اسمه علاء ده المهم لما عرفنا انك دخلت ف غيبوبه نادر مكانش مصدق وقال انو لازم يدخل يتطمن عليك ف العنايه وانا حاولت اوقفه بس مسمعش كلامي و تقريبا لما دخل عمل مشاده مع مايا لانها رفضت انها تدخله وانت عارف ابنك عندي زيي ومش بيحب حد يمشي كلامه عليه ف تاني يوم حاول انو يبوظ سمعه البنت دي بأنو وزع صور ليها هي وواحد تاني علي الناس اللي كانت واقفه بعد ما اتلمو عليهم بسبب خناقه تاني عملوها بس البنت وقفتو عند حدو كويس اوي وضربته بالقلم وبعدها مشيت والا كأنه واقف بس وبعدها لقيته خارج من الفيلا وش الفجر ف قلت اكيد راجع تاني للقرف بتاعه بس طلع رايحلك انت وبعدها لقيتو رجع علي المغرب وتقريبا ف اليوم ده البنت اتطردت لاني رحت قبليها وكانت موجوده والنهارده مش موجوده وقالو انها اتطردت بس وكل ده عرفتو من نادر هو حكالي علي اللي حصل
فوزي : ياااه بقا كل ده يحصل وانا نايم ف العنايه وازاي نادر يقدر يجرحها بالشكل ده ويعمل فيها حركه زباله زي دي بس والله برافو عليها شكلها كده ب 100 راجل لا انتي حمستيني اوي اني ااقابل البنت دي وبقيت مصر اكتر علي ان هي اللي تشرف عليا
امنيه : ااه لو اعرف بس بتفكر ف ايه
فوزي بأبتسامه : هتعرفي كل حاجه ف الوقت المناسب
امنيه : مااشي بس اهم حاجه دلوقتي انت تنام وترتاح علشان حالتك لسه مش مستقره اوي
فوزي : حااضر يا فندم
امنيه : ههههههه تصبح علي خير
ثم خرجت امنيه من الغرفه ليتمكن فوزي من ان يحصل علي قسط من الراحه ثم بدأت في التفكير فيما قاله فوزي وقررت ان تسأل نادر
اتجهت امنيه نحو غرفه نادر ثم طرقت علي باب الغرفه برفق حتي اذن لها نادر بالدخول و ...
امنيه : بقولك ايه يا نادر
نادر : اتفضلي يا امي
امنيه : هي الدكتورة اللي اسمها مايا دي انا شيفاك يعني متحمس اوي انها ترجع شغلها هو في حاجه والا ايه
نادر وقد فهم ما تقصده والدته : بصي يا امي انا حسيت اني ظلمت البنت دي وانا ممكن اكون اتغيرت وبقيت مش بتحمل مسؤليه وبسهر وكل ده بس مش هقدر اشوف حد مظلوم واسكت لاني اتظلمت قبل كده والظلم وحش اوي يا ماما ف ما بالك بقا اني انا اللي ظلمتها ا ..انا اه ف ساعتها اتسرعت وحكمت عليها غلط واللي انا عملته ده مكانش لازم يتعمل بس لما راجعت نفسي اكتشفت اني كنت غلطان وانا دلوقتي افضل اني اموت والا اني اعتذر لحد وف نفس الوقت كنت عاوز اصلح اللي انا عملته بس ف لما لقيت انها اتفصلت من شغلها قلت اهي فرصه اني ارجعها متخافيش يا ماما انا مش هغلط الغلط بتاع زمان ومش هسمح اني اخد علي حد بسرعه زي ما عملت وبعدين ده انا كل ما اقابلها نتخانق ازاي هيكون في حاجه بقا زي ما بتقولي وانا وهي عاملين زي ناقر ونقير بس بابا بقراره ده كده مش هيكون ليها شغل ف مكان محدد
امنيه : والله يا ابني ما حدش فينا عارف ابوك بيفكر ف ايه والا ناوي علي ايه
نادر : مش فاهم تقصدي ايه
امنيه : ها لا مفيش يلا انا هسيبك تنام بقا واطلع اقعد برا شويه
نادر : لا يا ماما انا مش هنام دلوقتي
امنيه : خلاص تعالي اقعد معايا
نادر : لا مهو انا مش هقعد برا
امنيه : مش هتنام ومش هتقعد امال هتطير يا ابني
نادر : ههههههه لا يا ماما انا هروح اجيب رقم مايا من المستشفي
امنيه : طب ما تخليها للصبح يا نادر دي الساعه 11 هتروح امتي وتيجي امتي
نادر : عادي بقا يا ماما هرجع بسرعه بس ادعيلي اعرف اجيبه من شئون العاملين
امنيه بأستغراب : ربنا معاك يا حبيبي وابقي اتصل طمنني انك جبته البنت دي فعلا تعبت معانا واحنا لازم نرجعها شغلها
نادر بأبتسامه : بالظبط كده يا مونني يلا باي باي
امنيه : سلام يا ابني
عند مايا
كانت مايا غارقه في نومها عندما سمعت صوت طرقات الباب فأستيقظت من نومها واذنت للطارق بالدخول و ...
ادهم : قووومي يا اوزعه بقا جبتلك الاكل من بدري بس كنت سايبك تنامي شويه لو فضلتي اكتر من كده هيبوظ وفلوسي هتروح ع الفاضي
مايا : في حد يصحي حد من النوم كده
ادهم : انا غلطااان نامي نامي خلي الحلم ينفعك انا رايح اكل البيتزا واحلي بالشيكولاته والدنيا تبقي تمام
مايا : لا لا انت صدقت والا ايه خد هنا بس بالاكل اللي معاك ده
ادهم : ههههههه ماشي يا اوزعه خدي بالهنا والشفا
ثم بدأت مايا في تناول الطعام اللي ان شبعت تماما لان البيتزا هي اكلتها المفضله وهي لم تأكل منذ يومين و ..
ادهم مازحا : خلاص يخربيت طفاستك سيبيلي حته اكلها
مايا : الله واكبر يا اخي ده انا مكلتش كتير حتي وانا اقول مش حاسه بطعم الاكل ليه اتاريك باصصلي ف اللقمه
ادهم مازحا : لقمه ايه اللي باصصلك فيها ده انتي ناقص تبلعي بيا يلا بالهنا والشفا اتكل انا بقا
مايا غامزة : تتكل فين يا اخ انت اولا عاوزة الشيكولاته ثانيا ايه بقا النظام
ادهم بعدم فهم : نظام ايه لامؤخذه مش فاهم
مايا : النظاااام ياااض الجو
ادهم : ااااه تقصدي ندي يعني
مايا : ااه اقصد ندي يعني
ادهم : وانتي مالك يا اوزعه انتي لما تكبري هفهمك
مايا بنرفزة : يعني مش عاوز تقولي يا ادهم
ادهم : بصراحه اه هتنقي فيها بقا وانا لسه بقول يا هادي انتي صغيره ع الحجات دي يا اوزعه
مايا : ااااه قولي كده بقاا ياعم مخافش مش بحسد وبعدين ده انا اللي ساعدتك شوف يا اخي البنيئادم
ادهم : تؤتؤ برضو مش هقولك حاجه
مايا : طب برا اوضتي بقا بالصلاه ع النبي كده
ادهم : انتي بتطرديني يا اوزعه
مايا : ايووون بالظبط كده
ادهم : ماشي يا اوزعه انا خارج بس بمذاجي هاا
مايا : يا شيخ اجري بس كده
ادهم : افتكريها افتكريها
مايا وهي تخرج له لسانها : هفتكرها يا رخم
خرج ادهم من الغرفه ثم ترك مايا لتنام وخلد كل من في المنزل اللي النوم ولكن مايا فزعت مره اخري بسبب المنام ذاته
مايا بفزع وهي تبتلع ريقها بصعوبه : لاا بقا كده كتير مش كل يووم انا مرعوبه من الحلم ده مش فاهمه يعني ايه اصلا اوووف ياارب بق وكمان ف نفس الوقت الفجر انا احسن حاجه اعملها اقوم اصلي وانام تاني
قامت مايا لاداء صلاه الفجر ثم خلدت الي النوم مره اخري ولكنها افاقت علي رنين هاتفها و ..
مايا بصوت ناعس : الو
المتصل : الو دكتور مايا
مايا وقد انتبهت : ايوا انا مين حضرتك
المتصل : انا ابقي ....
وحصصصصل..........

😄😄😄😄😄😄😄😄😄😄😄😄