ساغيرك رغما عنك ❤

الحلقة الرابعة ❤

الفصل اللي فات نادر اقنع والده ووالدته بأسلوبه واقنعهم ان هايدي انسانه محترمه وهم وافقو بس كان شرط فوزي الدمنهوري ان البنت تعجبه بأحترامها وادبها واذا كانت غير اللي نادر قال عليه هيرفض الموضوع نادر كان في قمه سعادته وفرحه واتصل بهايدي وحصل
نادر : ايوا يا حبيبتي
هايدي : ايوا يا ندورتي احم يا نادر
نادر : لا لا اثبتي علي الاولي ايه نادر دي انا من هنا ورايح ندورتك
هايدي : ههههههه ماشي يا ندورتي عملت ايه مع والدك ووالدتك اكيد رفضو صح
نادر : اممممم تفتكري في حد ممكن يرفض ملاك زيك اكيد وافقو
هايدي : انت اكيد بتهزر
نادر : طب وحياتك عندي وافقو وعاوزين نيجي نقرأ الفاتحه مع اخوكي يوم الجمعه الجاي
هايدي : انت بتتكلم بجد يا نادر انا مش مصدقه نفسي بجد يعني انت هتيجي تتقدملي
نادر : وانا من امتي بهزر يا بت طول عمرنا رجاله واللي نقوله نعمله
هايدي : ههههههه ايوا طبعا طبعا انا هقول لاخويا بس ادعي ربنا ميمدش ايده عليا
نادر : مين ده محدش من النهارده يقدر يجي جنبك اصلا انتي هتبقي هايدي نادر الدمنهوري يعني اي حد يفكر مليون مره قبل ما يفكر يكلمك كلمه تدايقك انا جنبك من النهارده اوعي تخافي يا هايدي
هايدي : ربنا يخليك ليا يا ندورتي
وفضلو يتكلمو وهايدي قالت لاخوها وهو وافق وجه اليوم اللي هيروحو يقرو الفاتحه فيه و ....
صباح : لولولولولولولولولي الف مليون مبروك يا نادر بيه قمر يا ابني مشاء الله عليك يا بختها بيك يا بيه
نادر : بيه ايه يا صباح ده انتي اللي مربياني
صباح : ربنا يكرمك يا ابني ويسعدك مع اللي اخترتها
نادر : الله يخليكي يا صباح زغرطي كمان انا فرحان جدااا النهارده وبيني وبينك متدايق ومخنوق عشان حاسس ان ماما مش راضيه عن الجوازة
صباح : يا ابني متدايقش نفسك انت النهارده لازم تفرح وبعدين امنيه هانم مفيش اطيب واحن منها واكيد هتفرحلك وتتمنالك الفرحه ف كل خطوه ف حياتك وف كل قرار افرح يا ابني واوعي تشيل هم لولولولولولولوي
امنيه : ايه اللي انتي بتعمليه ده ايه الدوشه دي كلها
صباح : يا هانم كنت بزغرط عشان النهارده الفتحه يعني
امنيه بعصبيه : لا متزغرطيش ومقوليش فاتحه دي واجري شوفي شغلك يلا غوري انتي هتصاحبينا ايه اللي موقفك مع نادر اصلا اجري شوفي شغلك
صباح :اللي تشوفيه يا هانم
نادر : ليه كده يا ماما حرام عليكي هي معملتش حاجه لكل ده علي الاقل فرحنالي ومبسوطه ليا من قلبها وبرضو يا ماما انتي مصممه متجيش معايا ف يوم مهم زي ده
امنيه : واجي معاك ليه يا نادر بيه مش انت كبرت وبقيت بتاخد قرارات من نفسك وبتختار تكمل حياتك مع مين قولي هيكون اهميته ايه بقا لو جيت معاك
نادر : يا امي هيكون اهميته اني هحس اني مهم عندك ولو مره واحده ف حياتي احس انك مبسوطالي وفرحانه بجد وعلي كل حال يا امي انا مش هضغط عليكي زي ما تحبي
امنيه : تقصد ايه يا ولد ان انا مش بهتم بيك يعني وبعدين ايه امي دي بلدي اوي يعني
فوزي متداخلا في الحوار معهما : ايه يا امنيه متنكديش علي الولد ف يوم زي ده مش عاوزة تيجي براحتك انما متزعليش الولد ف يوم زي ده المفروض يكون فرحان فيه ويلاقيكي انتي جنبه وفرحانه حتي من قبلي انا
نادر : يا بابا خلاص مفيش داعي للكلام ده انا محترم رغبتها
امنيه علي مضض : ربنا يكرمك يا حبيبي و تنبسط مع البنت دي
نادر : ربنا يخليكي ليا يا ست الكل ادعيلي والنبي
فوزي : مش يلا بقا يا ابني كده هنتأخر علي الناس وانت عارفني مبحبش اتأخر عن معادي
نادر : معاك حق يا بابا يلا بينا
واتجه كلا منهما الي منزل هايدي وعندما وصلو ....
مازن ( شقيق هايدي ) : اهلا وسهلا بيكو اتفضلو اتفضلو
فوزي \ نادر : اهلا وسهلا
مازن : منورين يا جماعه والله احنا اسفين يعني البيت مش قد المقام
فوزي : لا يا ابني متقولش كده ده احنا هنبقي اهل
مازن : هايدي كانت قالتلي علي انكو هتيجو بس بصراحه مقالتليش تفاصيل
فوزي : والله يا ابني احنا جايين نطلب ايد هايدي اختك لنادر ابني
مازن وقد تغيرت ملامح وجهه الي الغضب وقد اعتدل في جلسته وعلت نبره صوته : انا اسف بس انا معنديش بنات للجواز
فوزي : ايه يا ابني اللي انت بتقوله ده
مازن : هو انا معنديش غير كده
فوزي : بس يا ابني حرام تحكم علي اختك انها متتجوزش وبعدين اكيد في سبب ورا الرفض ده مهو مش معقول تقول لا علي طول كده ده احنا لسه بنقول يا هادي وماتكلمناش ف تفاصيل
مازن : اه طبعا في سبب ممكن اعرف نادر بيه الدمنهوري ايه اللي خلاه يبص لاختي مهي مش معقوله مدير الشركه يطلب ايد السكرتيره تعالي معايا ف العدل وقولي حصل منك حاجه يا نادر بيه لاختي
نادر وقد اصابه الغضب الشديد فور سماع لهذه الكلمات : ما تتكلم عدل يا عم انت مش تحاسب علي كلامك انت بتتكلم عن اختك وهي اشرف من الشرف نفسه انت ازاي تتكلم كده عليها دي هتكون مراتي قبل ما هي اختك انت فاهم
مازن وقد وضع قدم علي الاخري : ههههههه انت اوام خليتها مراتك مش تصبر و تستهدي بالله لما اوافق الاول
نادر : وانت عاوز ايه انشاء الله عشان تتحفنا بموافقه حضرتك العظيمه
مازن : انا عاوز شبكه لاختي بنص مليون جنيه
فوزي مصدوم : ليه يا ابني كل ده مش شايف انو كتير
مازن : هو كده غير كده معنديش بنات للجواز ولو بتحبها يبقي تدفع
فوزي : ايوا بس كده كتير يا ابني وبعدين انت بتتكلم بالطريقه دي كده ليه ده احنا ضيوفك وف بيتك ما تحترم قعده راجل كبير زيي حتي
نادر وقد تذكر ما قالته هايدي عن جشع شقيقها : لا مهو غصب عنك او برضاك هنتجوز انا وهايدي وانا هتصرف ف اللي انت عاوزه بس تبعد عننا ومش عاوز اسمع منك اي رفض تاني لاانت فاهم وبعد الفرح تخرج من حياتي انا وهايدي تماما انت فاهم
فوزي : تتصرف ايه يا ابني مع واحد بالشكل ده
نادر : متقلقش يا بابا انا كل اللي يهمني هايدي مش مهم الفلوس
فوزي : لا مش ممكن اقبل ان حاجه زي دي تحصل ده يبقي اسمه استغلال وبعدين مش قلتلك ان لو الوضع معجبنيش انا هكنسل الموضوع
نادر هامسا : بابا لو سمحت شوف البنت الاول وبعدين الفلوس دي اعتبرها من نصيبي انا ثم وجه الحوار لمازن : الشبكه هننزل نشتريها بعد بكرا انا وهايدي
مازن : هههههههه شااطر كده تبقي حبيبي
نادر : وطبعا انت كده موافق ومبسوط مهو انت معتبر اختك سلعه للي يدفع اكتر بذمتك مش مكسوف من نفسك انت كده راجل يعني
مازن : ههههههه طبعا راجل و كده يبقي انت فهمتني الشربااات يا عروسه
هايدي : اهلا وسهلا شرفتونا
فوزي : اهلا يا بنتي
هايدي : لو تسمح يا عمي ممكن كلمه في البلكونه دقيقه
فوزي مستغربا : ماشي يا بنتي
عندما ذهب فوزي مع هايدي ..
هايدي : انا اسفه جدا يا عمي علي اللي حصل برا ده وانا عاوزة اقول لحضرتك هو قالي انو هيوافق بس لو انتو وافقتو تجيبو الشبكه اللي هو قال عليها وكمان قالي اني طلاما عاوزة اتجوز نادر يبقي بعد ما تجيبو الشبكه دي هو هياخدها مني وهيبيعها ويصرفها ع الهباب اللي بيشربه وهددني اني لو قلت لحضرتك او لنادر هيرفض الجوازة وهياخدني من هنا ونسافر مكان تاني وانا بصراحه مرضيتش اكدب علي حضرتك وابدأ علاقه جديده مع ناس وتكون مبنيه علي الكدب وقلت انو الصح انك تعرف انا والله لو عليا انا عارفه ان اخويا ده انسان جشع ومبيهموش غير الفلوس ومادي جدا بس اعمل ايه هو الواصي عليا منو لله انا والدي لو كان عايش كان زمانو طرده من زمان
فوزي وقد شعر بالشفقه نحوها : يا بنتي انتي ممكن تعتبريني والدك التاني بعد كده قوليلي يا بابا علي طول واي حاجه محتجاها اطلبيها مني من غير ما تترددي انا فعلا كنت مش موافق علي الجوازة دي يا بنتي مش هكدب عليكي بس انتي اقنعتيني بأدبك واخلاقك واهلا بيكي في عيلتنا يا بنتي
هايدي بفرح : بجد يا عمي
فوزي : هااا مش قلت بابا
هايدي بدموع : حاضر يا بابا
نادر محاولا تلطيف الاجواء : لا انتو كده خدتو علي بعض اه يا قلبي انا كده بقا طلعت من المولد بلا حمص لا مش قادر اصدق اللي بيحصل
فوزي : احترم نفسك يا ولد
نادر : لامؤخذه يا حاج مش يلا ندخل بقا بدل سيد قشطا اللي برا ده يتحول انتي مستحملاه ازاي ده يا بنتي
كلهم : هههههههه
وقرأو الفاتحه واتفقو ان مفيش خطوبه وان الفرح علي طول كمان اسبوعين والرأي ده رجحو فوزي ونادر عشان يخلصو هايدي من اخوها خصوصا بعد ا عرفو شخصيتو الحقيقيه ثم ذهب كلا هايدي ونادر لشراء الشبكه التي كانت شرط مازن وخلال الفتره دي هايدي بقت مش بتتصل بنادر كتير ولما بيكلمها بتقوله انها تعبانه من تحضيرات الفرح لحد ما ف يوم ...
نادر : الو ايوا يا حبيبتي
هايدي : ايوا يا حبيبي عامل ايه
نادر : الحمد لله يا احلي عروسه انشاء الله بكره هعدي عليكي عند الكوافير اخدك علشان نروح القاعه سوا
هايدي بأرتباك : ها لالا بلاش انا هاجي لوحدي عاوزة اخليهالك مفاجأه
نادر : انتي بتتكلمي ازاي يا هايدي ازاي تيجي لوحدك مستحيل ده يحصل
هايدي : عشان خاطري يا نادر بلاش تيجي تاخدني انا عاوزة افاجئك
نادر : هايدي انتي مخبيه عني حاجه
هايدي بارتباك : ها حاجه حاجه زي ايه يا نادر
نادر : يعني مبقتيش بتتصلي بيا وكل ما اكلمك تقفلي علي الكلام وتحاولي تتهربي مني في ايه يا هايدي هو اخوكي ده عملك حاجه
هايدي (بكذب ) : يا حبيبي والله ابدا انت عارف اننا حددنا معاد الفرح بسرعه ف كان صعب عليا اني احضر كل هدومي والحاجه بتاعتي كلها وكمان تحضيرات الفرح والفستان والميك اب وكمان كان نفسي ماما تكون جنبي اوي ف اليوم ده يا نادر والله هو ده اللي كنت اقصده مش اكتر
نادر : يا حبيبتي ايه بس اللي خلاكي تعملي كل ده انا كنت هجبلك الفستان والبيوتي سنتر كله لحد عندك وبعدين اعتبريني من النهارده مامتك وباباكي يا هايدي وبراحتك يا ستي انا هتفاجئ بيكي بس علي الاققل خليني ابعتلك السواق يجيبك بالعربيه عشان ابقي متطمن عليكي
هايدي : ماشي يا حبيبي عشان متقلقش عليا بس
نادر : زي ما تحبي يا احلي عرووسه
وفضلو يتكلمو كتير لحد لما نامو وتاني يوووم
كلو كان بيستعد للفرح وفوزي الدمنهوري عزم كل معارفه كان فرح كبيير وحضروه اكبر رجال الاعمال وزوجاتهم وكانت الفرحه مليانه الاجواء ولكن كان مزاج احدهم معكرا ولم يكن يرغب في التواجد بهذا المكان وهي امنيه والده نادر لانها كانت لا تتمني لابنها ان يتزوج فتاه بهذا المستوي
ف نفس الوقت كان نادر واقف مستني هايدي وكل ما يتصل علي موبايلها يلاقيه مقفول وحصل ...
نادر : اممم كده بدأت تتأخر وكمان قافله موبايلك في ايه يا هايدي انا كده هقلق عليكي اما اتصل بالسواق اشفهم وصلو لحد فين
نادر وقد اخرج هاتفه وبدأ بالاتصال بعم محمد ( السواق الخاص به )
نادر : ايوا يا عم محمد
محمد : ايوا يا نادر بيه
نادر : ايه يا عم محمد اتأخرتو ليه
محمد : يا باشا انا رحت العنوان اللي قلتلي عليه وبقالي ساعه واقف تحت البيت مفيش حد نزل قلت اما اسئل عليهم قالولي انهم كانو واخدين الشقه دي ايجار كام شهر وتقريبا مشيو بس النو منور ف الشقه جوا يا بيه انا كده افضل والا امشي !
نادر وهو في حاله صدمه : ايييه مشيو ازاي
محمد : هو ده اللي قالهولي البواب و الجيران يا باشه
نادر : طيب يا عم محمد كتر خيرك تقدر تمشي
ثم اغلق الخط و كان نادر في حاله صدمه وخوف علي هايدي ايمكن ان يكون حدث لها مكروه ..!
وبدأ في الاتجاه خارج القاعه وعندها رأي فوزي ولده متجها خارج القاعه ويبدو علي وجهه معالم الغضب الشديد والخوف
فوزي : نادر انت رايح فين يا ابني وسايب فرحك والمعازيم وبعدين فين عروستك الساعه بقت 9 ونص وايه اللي خلاك تسيبها تيجي مع السواق مش كان مفروض تروح انت تجيبها
نادر بعصبيه : مش عارف يا بابا هي فين انا لازم اروحها البيت اكيد الزفت اللي اسمه مازن ده عمل فيها حاجه
فوزي بصدمه : يعني ايه مش عارف هي فين مش المفروض انها جايه مع السواق دلوقتي
نادر : ايوا مانا كلمته قالي انو راح هناك بس هي منزلتش ولما طلع عشان يشوف هم فين فضل يرن الجرس ويخبط علي باب الشقه كتير اوي ومحدش رد سأل الجيران قالوله انهم كانو واخدينها ايجار وتقريبا مشيو والغريبه ان النور كان مفتوح ... اقسم بالله لو كان الكلب ده لمس منها شعره مش هيحصلو مني طيب
فوزي : غريبه يا ابني متستبعدش انو اجبرها متجيش الفرح وبعدين هنسيب الفرح والمعازيم
نادر بصوت مرتفع نسبيا : ملعون ابو الفرح علي المعازيم انا عاوز اتطمن عليها هي
فوزي : طيب يلا بينا يا ابني لازم برضو نشوف هي فين ممكن يكون الحيوان ده اذاها
توجه كلا من فوزي ونادر حيث تسكن هايدي ثم صعدوا الي الطابق التي توجد بها الشقه وعندما اقترب ناحيه الباب قرر كسره واقتحام ذلك المنزل اللعين ولكن اوقفه صوت هايدي وهي تتحدث
هايدي : تمام اوي كده اكيد الاهبل اللي اسمه نادر ف الفرح دلوقتي وعقبال ما يفوق لنفسه هنكون احنا هجينا برا البلد بالفلوس
مازن :هههههههه ايوا كده اخيرا فهمتي لا وانتي كنتي بتمثلي جامد ده اخويا وهو الواصي عليا
هايدي : لا بس تصدق هيصعب عليا الواد ده حبني بجد
مازن : لا لا احنا هنحن والا ايه خلاص ظهرت فيكي ذره نبل وبعدين مانا بحبك اهو
هايدي : ههههههه انت تحبني يا ابني انت بتحب حاجه واحده بس اللي انت بتشربه تحب الفلوس ماشي تحب النصب ع الناس اصدقك انما تحبني صعبه دي تدخل دماغي شويه
مازن : طبعا هو في احلي من كده احلي حاجه في الدنيا وبعدين خلصي بقا خلينا نمشي خلينا نخلص لسه في كذا اسم كده علي مخطط النصب الطويييل هنظبتهم زي اخوكي نادر كده والكام نفر اللي قبله
هايدي بضحكه رقيعه : هههههههه ده احنا لو نصبنا علي كل دول ياااه هنبقي مليارديرات يلا انا خلصت كل حاجه اهو مش ناقص غير اننا نمشي استعنا ع الشقي بالله
كان نادر في حاله صدمه مما يسمع اهذه الفتاه التي تتحدث هي من احب اهي من كان علي استعداد ان يواجه بها والدته اهي من اعطاها كل هذا الحب اهي التي تتحدث لم يكن يصدق انه وقع في شباك تلك الحقيره اكان ضحيه هذا المخطط لم يصدق انه كان بهذه السذاجه كانت كل هذه التساؤلات تدور في ذهنه لم يشعر بالم كالذي شعره في هذه اليله ولكن سرعان ما تملك منه الغضب وقرر ان يكسر هذا الباب الذي يفصل بينه وبين من جعلومنه اضحوكه ....
نادر بصوت جهوري : لا الاهبل جه اهو قلت اجي احتفل معاكو بحفلتكو الصغيره دي والا انتي رأيك ايه يا عروسه بلاش نحتفل وسط الناس والدوشه هنا هدوء انا عاوز افهم ايه اللي بيحصل هنااااا بالظبط
هايدي بخضه : ايه ده نادر انت انت
نادر : ايوا نادر نادر اللي ضحكتي عليه يا بنت ال xxxxxxxx* ويا تري انا بقي كنت رقم كام علي الخريطه بتاعتك لا وانا عمال اقولك محترمه وملاك وبحبك وانتي متستاهليش غير انك يتقال عليكي شيطان
هايدي : لا بص بصراحه حقك مش هلومك انا شيطان فعلا بس انت كنت بتمثل دور الملاك بالظبط في حد ساذج زيك كده دلوقتي يا ابني مفيش حاجه اسمها حب اصلا وبعدين صح صح كده برضو كنت هتنسيني اعرفك مازن حبيبي وخطيبي بذمتك مش كيوت اه وبالنسبه للفتحه اللي قريتها فدي ملهاش اي اهميه عندي انا نصبت عليك وانت وقعت يا حلو واشتريت الشبكه زي العبيط يلا بقا اتفضل شايف الباب اللي هناك ده عاوزة اشوف كتافك مرسومه عليه بقا
نادر وقد توجه نحوها وجذبها من شعرها : يا بجاحتك يا شيخه وتقوليلي ساذج لا انا مش حقير زيك انتي شايفه الحب سذاجه عشان انتي كل اللي في قلبك كره وحقد وغل انتي انسانه معقده اصلا انا مش عارف انا حبيتك ازاي ده انتي تنفعي ممثلا فعلا برافو لعبتي الدور صح بس انا بقا مش هسيبكو الا اما اخد حقي انتي فاهمه
هايدي : ااه اوعي كده سيبني حق هههههههه حق ايه يا ابو حق انت اصلا ملكش حاجه عندي ومفقيش اي دليل ضدنا يا حبيبي هتبلغ البوليس هقولك انا بقا هيكون ايه ردي ومتنساش تقولي رأيك طبعا في الحوار بص يا سيدي كننا مخطوبين وقلتلي اني مش من مستواك ومش هينفع نكمل وفسخنا الخطوبه ورجعتلك شبكتك وخلصنا و همشي عشان انا البنت المصدومه المخدوعه في خطيبها وصدقني لو اي حد من سكان المنطقه شافك هنا مش هيسيبك الا لما يديك كلمتين ف عضمك وريني بقا فين حقك يا حلو
فوزي : اه يا ثعبانه يا عقربه انت وانا اللي صدقت انك انسانه محترمه ومؤدبه لا ده انتي طلعتي واحده قذره
نادر : انا هموتكو انتو الاتنين هنا وانتي يا بنت ال xxxxxxxx*
وكان لسه هيمد ايده عليها بس مازن مسك ايده
مازن : لا استهدي بالله كده يا حبيبي عشان انت متعرفنيش
واخذوا يضربوا بعضا تعرض مازن للعديد اللكمات حتي اخذ ينزف من وجهه الي ان امسك مازن بزهريه ثقيله والقاها علي رأس نادر بكل قوته فسقط نادر ارضا
ثم اسرع والد نادر ونقله للسياره وقاد سيراته بأسرع ما يمكن اللي اقرب مشفي
مازن : اه يا ابن الكلب ده انت بوظت وشي طب خد بقا
هايدي : ايه اللي انت عملته ده يا مازن احنا ما تفقناش علي كده
فوزي : اه يا ابن ال xxxxxxxx* انا هطلبلكو البوليس ناادر ابني فوووق يا حبيبي بصلي
مازن وقد امسك يد هايدي : يلا بينا من هنا بسررررعه قبل ما يفوق
فوزي وقد اخذ نادر الي اقرب مشفي
كان نادر شبه غير حي كان كمن علي قيد الحياه ولكن لا يمكنه استيعاب ما يدور حوله كان يشعر انه قد فقد قلبه ثم تحول هذا الحزن الكبير الي كره عميق فقد يذهب الالم ولكن اثره لن يذهب سيظل الدهر كله عندما خرج من المشفي توعد لاي فتاه يلقاها اخذ عهد علي نفسه انه سينتقم من كل من يقترب منه اصبح كعود الكبريت الذي يشتعل لاتفه الاسباب ثم ترك الشركه واهمل في صلاته وبدأ يبتعد عن طريق الله وتعرف علي شادي واخذ يسهر معه كل يوم حتي يحل الصباح ثم يعود الي منزله مترنحا وغير متحكما بنفسه بسبب كميه ما يتعاطاه اصبح كالحي الميت ...!
بااااك للوقت الحالي
افاق نادر علي صوت رنين هاتفه و ..
نادر بعد ان افاق من شروده : الو
امنيه : الحقني يا نادر ابوك بيمووووووت
وحصل ...