ساغيرك رغما عنك ❤

الحلقه العشرون 💖

كانت مايا تتحدث مع والدتها واخبرتها بالحلم الذي يطاردها دائما ويتسبب لها بالذعر
مايا بصي يا ماما انا كل يوم بحلم حلم غريب اوي ومش عارفه معناه والمشكله ان الحلم ده بعد ما بيخلص كل يوم بصحي مفزوعه منو بلاقي الفجر اذن انا خايفه لتكون رؤيه يا ماما
سميره : ايه الحلم ده يا بنتي قلقتيني انشاء الله خير
مايا : بصي يا ماما علي طول بحلم اني ماشيه جنب الميا وبسمع صوت بيقولي
سااعديني ساعديننني انا محتاجلك ولما بحاول ادور علي مصدر الصوت مش بلاقيه ومره واحده بلاقي حد زي ما يكون بيغرق ف نص الميا وبيقولي ساعديني انا بغرق بس انا بخاف من الميا اصلا ومش بعرف اعوم بس بنزل الميا وخلاص وبحاول اوصله واول ما ببقي خلاص هقرب منه واعرف احدد ملامحه بتعب وبقف ومش بعرف اوصله وبتيجي موجه كبيره اوي تغرقنا انا وهو
سميره : اممممم ايه يا بنتي الحلم ده غريب فعلا
مايا : بالله عليكي لو هتعرفي تفسريهولي فسريه
سميره : بصي هو انا مش بفهم اوي ف الحجات دي اوي بس اللي انا فهمتو يعني ان في حد هيكون محتاج مساعدتك وانتي هتحاولي تساعديه بس خدي بالك لو مكانش عندك اصرار انك تكملي وتوصليله وتساعديه هتبعدو عن بعض ومش هتقدري تساعديه لانو هيكون في ظروف كتير اوي بتبعدكو عن بعض اللي هي الموجه الكبيره ده
مايا : اهااا بس مين ده يا ماما اللي انا لازم اساعده ومحتاجني
سميره : معرفش والله يا بنتي انا محتاره اكتر منك بس اكيد لو ربنا كاتبلك تساعدي حد هيخليكي تعرفيه
مايا : خلاص يا ماما مش مشكله انا هقوم البس وانزل عشان الحق اروح لفوزي الدمنهوري
سميره : ربنا معاكي يا بنتي وخدي بالك من نفسك
مايا : حاضر يا ماما
خرجت سميره من غرفه مايا ...ثم قامت مايا بتبديل ملابسها ثم خرجت من غرفتها هي الاخري و
مايا : انا جهزت يلا يا ادهم
ادهم : تمام هو فين الفيلا دي
مايا : في المعادي
ادهم : طيب يلا بينا
ذهب كلا من مايا وادهم نحو المكان المشار اليه في العنوان الذي ارسله نادر لمايا في رساله و عندما وصلو ...
ادهم : هي الفيلا اللي هناك دي صح
مايا : اه يا ادهم هو نفس الرقم اللي ف الرساله
ادهم : تمام يلا انزلي انتي بقا وقبل لما تمشي كلميني عشان هاجي اخدك
مايا : تمام بس والنبي يا ادهم متتأخرش
ادهم : برضو يا مايا لسه خايفه يا حبيبتي انا وبابا معاكي وده شغلك يا مايا
وياما هتشوفي وبعدين والععععه معاكي بقا فيلا وهتكوني الدكتورة المشرفه علي فوزي الدمنهوري اللي كل رجال الاعمال بتتمني تقعد معاه والاعلام بيستني منو كلمه ايوااا بقااا
مايا : هههههه ماشي يا ادهم انشاء الله هكلمك قبل لما اخلص بشويه عشان تيجي تاخدني اوك
ادهم : اوك يلا سلام يا دوك وجمدي قلبك كده ومتخافيش
مايا : حااضر يلا سلام
ما ان ودعت مايا ادهم حتي اتجهت نحو باب الفيلا و ...
الحارس 1 : ايوه يا فندم حضرتك رايحه فين
مايا : انا ابقي الدكتورة مايا عادل اللي هتكون مشرفه علي استاذ فوزي وهو طلبني امبارح
الحارس 1 : ثانيه واحده يا فندم شوف يا ابني كده امنيه هانم او نادر بيه اسئلهم لو مستنين حد
الحارس 2 : اوك ثانيه واحده
بعد بضعه ثوان
الحارس 2 : اتفضلي يا دكتور احنا متأسفين اوي اننا اضطرينا نخليلكي تستني اتفضلي يا دكتور
مايا : لا ولا يهمك محصلش حاجه
دلفت مايا داخل الفيلا ثم اتجهت نحو الباب العريض الموضوع في اخر الجنينه الذي خلفه المبني الضخم الذي يوجد بداخله عائله الدمنهوري و ...
صباح : اهلا وسهلا يا دكتور اتفضلي يا هانم
مايا : ميرسي
صباح : انا ابقي صباح يا هانم لو عوزتي اي حاجه وانتي موجوده هنا اندهي عليا بس
مايا وقد فهمت قصد صباح : حاضر بس ممكن اطلب منك طلب صغير
صباح : اتفضلي طبعا يا دكتوره
مايا : طول ما انا هنا لا تقوليلي دكتور ولا هانم قوليلي مايا
صباح : ودي تيجي برضو يا دكتور
مايا : هاا برضو دكتورة ده انا زي بنتك يا صباح
صباح : ربنا يكرمك يا بنتي
مايا : طيب ممكن تقوليلي فين الاستاذ فوزي
صباح : تعالي معايا يا بنتي
صعدت صباح درجات السلم وكانت تتبعها مايا كانت مايا تتأمل تفاصيل ذلك المبني الضخم الملئ باللوحات والتحف
مايا في نفسها : الفيلا حلوة وكبيره مشاء الله ربنا يزيدهم يارب
ثم قطع تفكيرها صوت صباح تناديها و..
صباح : وصلنا يا دكتورة مايا
مايا وقد التفتت لها : اهاا
قامت صباح بفتح باب الغرفه وما ان دخلت مايا اللي الداخل حتي اغلقت صباح باب الغرفه خلف مايا دلفت مايا داخل تلك الغرفه الفارهه واخذت تقترب حيث يجلس فوزي ونادر و ..
مايا : صبااح الخير يا فندم
فوزي وقد التفت لها : صباح الخير يا دكتور
مايا : اخبار صحه حضرتك ايه النهارده في اي الم
فوزي : لا الحمد لله كلو تمام
مايا : طيب الحمد لله لو تسمح يا استاذ نادر ممكن تتفضل عشان اعرف اشرف علي والدك
نادر : هو هنا كمان هتطلعيني برا اوضه ابويا شويه شويه وتطرديني برا الفيلا كلها بقا
مايا : لا انا مقصدش والله بس يعني هناك كانت مستشفي وهنا ايوا ف البيت بس والد حضرتك لسه حالته مش مستقره
فوزي : اسمع الكلام يا ولد واطلع برا
نادر : بقا كده يا بابا طيييب انشاء الله يا دكتور معاد الزياره امتي عشان بس الحق اجهز نفسي واجيب معايا 2 كيلو برتقان بصره واتطمن عليه
مايا وهي تحاول اخفاء ابتسامتها : احم .. انشاء الله ع الساعه 4 كده يكون معاد الزياره اتفتح
ثم خرج نادر من الغرفه وبدأت مايا في الاشراف علي حاله فوزي ولكن كانت المفاجئه لها ان تلك الغرفه كانت مجهزة بجميع الاجهزة التي كانت مايا في احتياجها لم تكن تتوقع ذلك ولكن ايضا الممرضه التي كانت تعمل معها و ...
فوزي : انا حاسسس ان في حاجه عاوزة تقوليها يا دكتور صح
مايا : هاا .. بصراحه يا فندم ايوا
فوزي : قولي يا بنتي متخافيش
مايا : انا كنت عاوزة اشكر حضرتك علي انك خليتني يعني المشرفه عليك بجد ميرسي اووي يا فندم مش عارفه اشكر حضرتك ازاي
فوزي : لا يا بنتي متقوليش كده وعلي فكره انتي تستاهلي اكتر بكتير وانا انشاء الله بس اشد حيلي كده واول ما اقوم من التعب ده هعينك في احسن مستشفي في البلد
مايا بعدم تصديق : ها .. يا فندم والله كفايا عندي اني اشرف علي حضرتك واتطمن علي حاله حضرتك الصحيه
فوزي : لا يا دكتور انا مصمم اني هعينك في احسن مستشفي بس لما اقوم ده انتي اللي ساعدتيني ثم ارجع رأسه اللي الخلف قليلا ثم قال : ولسسه
مايا : ها .. لسه ايه يا فندم
فوزي :ها .. لا لا مفيش حاجه
مايا بأبتسامه : اوك
اخذت مايا تتابع حاله فوزي من حيث ضغط الدم ونبضات القلب وغيرها وبعد ان انتهت
مايا : بسس كده خلصنا حضرتك لازم ترتاح وكمان مش لازم اي حد يزعجك لانو الفترة دي مطلوبه الراحه التاامه
فوزي : حاضر يا دكتوره
مايا : انا دلوقتي خلصت ولازم اسيب حضرتك ترتاح وميرسي مره تانيه يا فندم
فوزي بأبتسامه : انا اللي متشكر اوي يا بنتي
مايا بأبتسامه : عن اذن حضرتك
فوزي : اتفضلي
خرجت مايا من غرفه فوزي ثم اغلقت الباب خلفها ليتمكن من الحصول علي قسط من الراحه
وما ان خرجت حتي وجدت امنيه في انتظارها
امنيه بأبتسامه : ازيك يا دكتور
مايا : امنيه هاانم ازي حضرتك يا فندم
امنيه : انا تمام الحمد لله طمنيني حاله فوزي اخباره ايه دلوقتي
مايا : الحمد لله في تقدم كبير اوي
امنيه : صدقيني يا دكتور لما فاق اول ما عرف اللي حصل معاكي قرر انك لازم تكوني المشرفه عليه ومشي من المستشفي ساعتها وجه علي هنا بسرعه وطلب من نادر انو يوصلك بأي طريقه عشان تكوني المشرفه عليه
مايا : والله يا فندم انا مش عارفه اشكركو ازاي بجد انا متشكره اوي
امنيه بأبتسامه : لا يا مايا انتي تستاهلي اكتر من كده بكتيير
مايا : ميرسي يا امنيه هانم
امنيه : طيب انتي في حد هيجي ياخدك والا ابعتلك السواق مخصوص يروحك
مايا : لا لا ملوش لزوم انا اخويا كلها عشر دقايق ويوصل انشاء الله يا دووب الحق استناه برا
امنيه بأبتسامه : زي ما تحبي يا دكتور عن اذنك
مايا : اتفضلي
انهت مايا محادثتها مع امنيه ثم توجهت اللي الجنينه لتنتظر ادهم عندما يأتي ثم تذهب معه اللي المنزل
اخرجت مايا هاتفها لتتحدث مع ادهم
مايا : الو
ادهم : ايوا يا مايا
مايا : انا خلصت اهو يا ادهم ومستنياك انت قدامك كتير
ادهم : لا لا قربت اجي خلاص اهو قدامي عشر دقايق
مايا : اوك انا مستنياك اهو يلا باي
ادهم : باي
رأي نادر مايا بمفردها في الجنينه ففكر ان يقوم بمشاجره خفيفه معها فهو اصبح يحب المشاجرات معها و ..
نادر : منوره الفيلا يا دكتور
مايا علي مضض : منورة بأصحابها
نادر : امممم يعني مسمعتكيش قلتي شكرا والا حاجه
مايا : واقول شكرا ليه انا
نادر : يعني بيتهيئلي كده اني رجعتك شغلك
مايا : ااه علي فكره بقا انت مرجعتنيش شغلي والا حاجه وانا شكرت الشخص اللي خلاني اشرف عليه
نادر : بقاااا كدده مهو من غير ما انا اقوله كان زمانه ميعرفكيش من اصلو
مايا : واهو ده اللي حصل وشكرته وخلاص
نادر محاولا اغاظتها : علي فكره انتي جبانه
مايا بعصبيه : افندم جبانه ازاي
نادر : اه جبانه وخايفه تشكريني انا غلطان اصلا اني رجعتك شغلك
مايا بعصبيه : بص يا استاذ نادر حضرتك مع اني معرفكش لقيتك مرة واحده داخل حياتي وكل مره اشوفك فيها تحصلي مصيبه اكبر من اللي قبلها ف ارجوك ابعد عني احسن ليك تمام
نادر : ده احنا بنخربش اهو طب ولو مبعدتش يعني هتعملي ايه
مايا : هعمل كددده
كان كلا من مايا ونادر علي مقربه من البسين وما ان استفزها نادر حتي اوقعت به البسين و ...
مايا : ههههههههه يخربيت منظرك
نادر : الحقيييني انا مش بعرف اعووم يا مايا ايه اللي انتي هببتيه ده
مايا بفزع وقد تذكرت الحلم الذي يراودها : ايييييه مش بتعرف تعوم طيب انا هتصرف ازاي دلوقتي يارب انا كمان مش بعرف اعوووم بص طيب حاول تطلع نفسك
نادر : اطلع نفسي وانا لو كنت عارف اطلع نفسي كان زماني قلتلك هااتي ايدك بسرعه خرجيني انتي لسه هتتفرجي عاجبك شكلي وانا شبه الكتكوت الغرقان كده
مايا وقد مدت له يدها : اهو هاات ايدك بقا
اتجه نادر نحوها وامسك بيدها وما ان امسك بيدها حتي سحبها لداخل المسبح و ..
مايا : ايييه ده يخربييييتك انا بقولك هات ايدك اطلعك مش هات ايدك وغرقني
نادر : ههههههههه عشان تعرفي بس بتتعاملي مع مين
مايا : كح كح لا ده انت مجنون انا بغرررق وبعدين ايه ده انت بتعرف تعووم
نادر : اااه بعرف اعوم مفاجأه صح وبعدين تغرقي ايه ده الارض تحتك اهي
مايا : اوعي كده انا عاوزة اطلع من القرف ده
نادر : هههههههه اطلعي اطلعي يا دكتور بس ابقي سلميلي علي برستيجك اللي ضاااع
مايا بعد ان خرجت من البسين : كح كح منك لله يا شيخ بهدلتني ع الاخر
كانت امنيه متجهه اللي غرفتها عندما رأت ما فعله نادر و ..
امنيه : ايييييه ده ايه اللي حصل وايه اللي عمل فيكي كده يا دكتور
نادر : لا يا ماما مفيش ده هي كانت بس ماشيه واتزحلقت ووقعت ف البسين وانا طلعتها مش كده يا دكتور والا ايه
مايا وهي تنظر له بغيظ شديد : ايووا يا امنيه هانم هو ده اللي حصل بالظبط
امنيه : طب ده انتي كده مش هتعرفي تروحي وبعدين ده الدنيا برد وشتا
مايا : لا يا امنيه هانم انا كده تمام واخويا زمانه علي وصول عن اذنك
امنيه : ايوا يا دكتور بس مينفعش تمشي بالمنظر ده
مايا : عادي يا هانم عن اذنك
امنيه : خلاص اللي يريحك
نادر وهو يضحك : ههههههه سلااام يا دوك
مايا في نفسها : اااه يا ابن ال طييييب استلقي وعدك مني بقا انت اللي جبتو لنفسك
وحصصصصل ...

💜💜💜💜💜💜💜💜💜💜💜💜