ﺍﺗﻔﺎﺟﺌﺖ ﺑﻜﻼﻣﻪ ﻭﺭﺩﺓ ﻓﻌﻠﻪ ﻭﺍﺿﺢ ﻋﻠﻴﻪ ﻣﻘﻬﻮﺭ ﺑﺲ ﻣﺴﺘﻮﻋﺒﺖ ﺍﻟﻲ ﮔﺎﻟﻪ ﺟﺎﻭﺑﺘﻪ ﺍﺑﺮﻭﺩ
.. ﻟﻴﺶ ﺗﺤﭽﻲ ﻋﻠﻴﻪ ﻗﺎﺑﻞ ﺍﻧﺘﻮ ﺍﺣﺴﻦ ﻣﻨﻪ ﻉ ﺍﻷﻗﻞ ﻫﻮﻩ ﺍﻧﺴﺎﻥ ﻣﺘﻔﻬﻢ ﻣﻮ ﺗﻔﻜﻴﺮﻩ ﺭﺟﻌﻲ ﻣﺜﻠﻜﻢ ﺍﻧﺘﻮﻭ ﺷﻨﻮ ﺗﺮﺩﻭﻥ ﻣﻨﻲ ﻣﻜﺎﻓﻲ ﺍﻟﺸﻔﻨﺎﻩ ﻣﻨﻜﻢ ﺍﻧﺖ ﺷﺮﺍﻳﺪ ﺑﺎﻟﻀﺒﻂ ﻭﺛﺎﺭﻙ ﺍﻟﻲ ﻣﺎﺍﻋﺮﻑ ﻋﻠﻰ ﺷﻨﻮﻭ ﻧﺎﻭﻱ ﺗﺎﺧﺬﻩ ﻣﻨﻲ
.. ﺍﺣﺲ ﻋﻴﻮﻧﻲ ﺻﺎﺭﺕ ﻧﺎﺭ ﻣﻦ ﺣﭽﺖ ﻫﻴﭻ ﺑﺲ ﺍﻛﻮ ﺷﻲ ﺑﺪﺍﺧﻠﻲ ﺧﻼﻧﻲ ﺍﺳﻤﻌﻬﺎ ﺟﺎﻭﺑﺘﻬﺎ ﺍﺑﺮﻭﺩ
ﺍﺑﺪ ﻣﻮ ﺍﺣﺴﻦ ﻣﻨﻪ ﻫﻮﻩ ﺍﺣﺴﻦ ﻣﺜﻘﻒ ﻭﺍﺣﻨﻪ ﺗﻔﻜﻴﺮﻧﻪ ﺭﺟﻌﻲ ﺫﻭﻟﻲ ﺍﻟﺘﻔﻜﻴﺮﻫﻢ ﺭﺟﻌﻲ ﻭﺍﻟﻤﺎﻋﺠﺒﻴﭻ ﻭﺍﻧﻲ ﻣﻨﻬﻢ ﻟﻮ ﺍﻧﻲ ﻣﻜﺎﻥ ﺭﺟﻠﭻ ﺍﻟﺘﺤﻔﻪ ﭼﺎﻥ ﺧﻠﻴﺘﻬﻢ ﻳﺮﻣﻮﻧﻲ ﻭﻣﺎﺍﻧﻄﻴﭻ ﻉ ﺍﻷﻗﻞ ﺍﮔﻠﻬﻢ ﺍﻧﻲ ﻭﻳﺎﻫﺎ ﺍﺧﺬﻭﻧﻲ ﺳﻮﻩ ﻣﺴﺘﺤﻴﻞ ﺍﻟﺮﺟﻌﻲ ﻋﻠﻰ ﮔﻮﻟﺘﭻ ﻳﻌﻮﻓﭻ ﻭﻳﺸﺮﺩ ﺑﻌﻤﺮﻩ
ﻉ ﺍﻟﻌﻤﻮﻡ ﺍﻧﻲ ﺍﺗﺨﺒﻞ ﻣﻦ ﺳﺎﻟﻔﺔ ﺍﻟﻨﻬﻮﻩ ﻭﺧﺎﺻﺘﺎ ﺍﻟﺘﺰﻭﺝ ﺑﻌﺪ ﻫﺬﺍ ﻫﻮ ﻳﺴﻤﻮﻫﺎ ﻃﻠﻌﺖ ﻭﺍﻟﻜﻞ ﻫﻨﺎ ﻳﻌﺮﻓﻨﻲ ﺍﻧﻲ ﻟﻮ ﺍﺩﺧﻠﺖ ﺑﻬﻴﺞ ﻗﻀﺎﻳﺎ ﺍﺗﺪﺧﻞ ﺍﻟﺤﻠﻬﺎ ﻣﻮ ﺍﻛﺜﺮ ﺍﻟﻲ ﺻﺎﺭ ﻭﻳﺎﭺ ﺑﺪﻭﻥ ﻋﻠﻤﻲ ﻭﻣﺎﺭﺿﻴﺖ ﻋﻠﻲ ﺭﻏﻢ ﺍﻟﻐﻠﻂ ﻣﻮ ﻣﻨﻪ ﺍﻟﻐﻠﻂ ﺑﺄﻟﻮﺍﻟﺪﻩ ﺍﻟﻠﻪ ﻳﺤﻔﻈﻬﺎ ﻫﻬﻪ ﺿﺤﻜﺖ ﺑﺄﺳﺘﻬﺰﺍﺀ ﺑﻌﺪﻫﻲ ﻧﻔﺲ ﻣﺎﻫﻴﻪ ﻣﺘﺠﻮﺯ ﻣﻦ ﻋﻤﺎﻳﻠﻬﺎ ﻓﺎﺗﻠﻬﺎ ﻫﻮﺍﻱ ﻋﺒﺎﻟﻬﺎ ﻫﺬﻱ ﻫﻢ ﺗﻔﻮﺕ ﺍﻟﻬﺎ ﺑﺲ ﻣﻮ ﻛﻞ ﻣﺮﻩ ﺗﺴﻠﻢ ﺍﻟﺠﺮﻩ
.. ﭼﻨﺖ ﺍﺑﺠﻲ ﻣﻦ ﻛﻼﻣﻪ ﺻﺪﮒ ﺣﺴﻴﺖ ﺑﻀﻌﻒ ﻭﺷﻤﺎﺗﻪ ﺷﻠﻮﻥ ﻳﺘﺮﻛﻨﻲ ﻭﺣﺪﻱ ﭼﻨﺖ ﺍﺣﺲ ﺑﺎﻟﺨﺬﻻﻥ ﻭﺍﮔﻮﻝ ﻣﻦ ﺍﺭﺟﻊ ﺍﻻ ﺍﻋﺎﺗﺒﻪ ﻭﺍﺯﻋﻞ ﺷﻠﻮﻥ ﻳﺘﺮﻛﻨﻲ ﺑﻬﻴﭻ ﻣﻮﻗﻒ ﻭﺍﻣﻲ ﺷﻨﻮ ﻋﻼﻗﺘﻬﺎ ﻛﻞ ﺷﻮﻳﻪ ﻭﺟﺎﺑﻮ ﺳﻴﺮﺗﻬﺎ ﻋﺒﺎﻟﻚ ﺑﻴﻨﻬﻢ ﺷﻲ ﻣﺘﺄﻛﺪﻩ ﺍﻛﻮ ﺷﻲ ﺑﺲ ﺷﻨﻮ ﻣﺎﺍﻋﺮﻑ
ﺟﺎﻭﺑﺘﻪ ﻭﺍﻧﻲ ﺍﺷﻬﮓ
.. ﻣﻌﻠﻴﻚ ﺑﺄﻣﻲ ﺍﻧﺖ ﻟﻴﺶ ﺗﻜﺮﻫﻪ ﻫﻴﻪ ﺷﻨﻮ ﺳﻮﺗﻠﻚ ﻭﺍﻧﻲ ﺷﻨﻮ ﺫﻧﺒﻲ ﻭﺟﺎﻱ ﺍﺗﺤﺎﺳﺐ ﺑﺪﻝ ﻣﻨﻬﺎ
ﺍﺗﻨﻬﺪ ﺑﻘﻮﻩ ﺗﺄﺛﺮ ﺑﻜﻼﻣﻲ ﻭﺣﺴﻴﺘﻪ ﺿﺎﺝ
.. ﺍﻟﺒﻴﻨﻲ ﻭﺑﻴﻦ ﺍﻣﭻ ﻣﻮ ﻛﺮﻩ ﻭﺑﺲ ﻟﻮ ﻉ ﺍﻟﻜﺮﻩ ﺍﮔﻮﻝ ﺗﻬﻮﻥ ﺗﺮﻩ ﺍﺫﺍ ﻧﻜﺮﻩ ﻭﺍﺫﺍ ﺍﻧﺤﺐ ﻭﺍﺟﺐ ﻋﻠﻴﻨﻪ ﻧﺘﻌﺎﻳﺶ ﺑﺴﻼﻡ ﺍﻟﻴﻜﺮﻩ ﻭﺍﻟﻲ ﻳﺤﺐ ﻣﺸﺎﻋﺮﻩ ﻳﺨﻔﻴﻬﺎ ﺑﺪﺍﺧﻠﻪ ﻣﻴﻨﻄﻴﻨﻲ ﺍﻟﺤﻖ ﺍﺋﺬﻳﺞ ﻭﺃﺫﻱ ﺍﻣﭻ ﻷﻥ ﺍﻛﺮﻫﻪ ﻭﺑﺲ .. ﻣﻊ ﻫﺬﺍ ﺍﻧﻲ ﺍﺑﺪ ﻣﻤﺄﺫﻳﭻ ﺑﺎﻟﻌﻜﺲ ﺍﻧﻲ ﺿﺎﻳﺞ ﻋﻠﻴﭻ ﻭﺍﺣﺎﻭﻝ ﺍﺳﺎﻋﺪﭺ ﻭﻣﺮﺍﺡ ﺍﺗﺮﻛﭻ ﺑﺲ ﺍﻧﺘﻲ ﺍﺳﺘﻮﻋﺒﻲ ﺍﻟﻐﻠﻂ ﺑﺄﺧﺘﻴﺎﺭﭺ ﻣﻮ ﺑﻴﻨﻪ
