ﺃﺿﻤﻬﻦ ﺑﺎﻟﮕﻠﺐ ﺑﺲ ﻋﻴﻨﻲ ﺗﺤﭽﻴﻬﻦ
ﻳﻠﭽﻤﻨﻲ ﺍﻟﻌﺼﺮ ﺑﺎﻟﻠﻴﻞ ﺍﻏﻨﻴﻬﻦ
ﻛﻠﻬﺎ ﺍﻟﻨﺎﺱ ﺗﺪﺭﻱ ﻋﻴﻮﻧﻲ ﺑﻴﻬﻦ ﺷﻲ
ﺑﺲ ﻣﺤﺪ ﺳﺄﻟﻨﻲ ﺟﺮﻭﺣﻚ ﺷﺒﻴﻬﻦ
ﺑﻌﺪ ﻣﺎﻃﺎﺣﺖ ﻭﺷﻠﺘﻬﺎ ﺑﺲ ﺳﻴﻄﺮﺕ ﻋﻠﻴﻬﺎ ﻭﺷﻔﺘﻬﺎ ﺍﻧﺘﺒﻬﺖ ﺍﻧﻪ ﻃﻠﻌﺖ ﺍﺣﺲ ﺭﻭﺣﻲ ﻣﺨﻨﻮﮒ ﻟﻴﺶ ﺍﻟﺮﺟﻔﻪ ﺍﻟﺒﻴﻬﺎ ﺗﺼﻴﺮ ﺑﮕﻠﺒﻲ ﺍﺣﺴﻬﺎ ﺣﺘﻪ ﺍﻟﻨﻔﺲ ﺍﮔﻄﻌﻪ ﻣﻨﺎ ﻟﻤﻦ ﺗﺼﺤﺎ ﻳﻠﻠﻪ ﺍﻧﺘﺒﻪ ﻋﻠﻰ ﺭﻭﺣﻲ ﻭﺍﺗﻨﻔﺲ ﻃﺒﻴﻌﻲ ﺑﺲ ﻣﻮ ﻧﻔﺲ ﻋﺎﺩﻱ ﻻ ﺍﺟﺮ ﺍﻟﻨﻔﺲ ﮔﻮﻩ ﺍﺣﺲ ﺭﻭﺣﻲ ﺗﺘﻌﻠﻌﻞ ﻭﻳﺎﻫﺎ
ﺍﻷﺣﺴﺎﺱ ﺍﻟﺒﻴﻪ ﻋﻄﻒ ﻋﻠﻰ ﺣﺎﻟﻬﺎ ﻟﻮ ﺍﻧﻲ ﺣﺒﻴﺘﻬﺎ
ﺍﺣﺲ ﺭﻭﺣﻲ ﺑﺼﺮﺍﻉ ﺻﺎﺭ ﺍﻛﺜﺮ ﻣﻦ ﺷﻬﺮﻳﻦ ﻣﻦ ﺗﺤﺎﭼﻴﻨﻪ ﻭﺑﻌﺪ ﻛﻤﺖ ﺍﺗﺤﺎﺷﻬﺎ ﻛﻞ ﻣﺎﺗﺒﻌﺪ ﺍﺣﺲ ﺭﻭﺣﻲ ﺗﺮﻳﺪﻫﺎ
ﻳﻤﻜﻦ ﻋﺎﻗﺒﺘﻬﺎ ﻭﻳﻤﻜﻦ ﻋﺎﻗﺒﺖ ﺭﻭﺣﻲ ﻋﻼﺟﻬﺎ ﻋﻨﺪﻱ ﻳﻮﻣﻴﻪ ﺑﻴﺪ ﺍﻓﻴﺎﺀ ﺍﻭﺩﻳﻠﻬﺎ ﺍﻟﻌﻼﺝ ﻭﻣﺎﺍﺭﺗﺎﺡ ﻟﻤﻦ ﺍﻋﺮﻑ ﻫﻴﻪ ﺷﺮﺑﺘﻪ
ﺑﻴﻮﻡ ﻣﻦ ﺍﻷﻳﺎﻡ ﺳﺎﻓﺮﺕ ﻟﻠﺒﺼﺮﻩ ﻋﺪﻧﻪ ﻃﻼﺑﻪ ﻭﺍﺟﺐ ﻧﺤﻠﻬﺎ ﺍﻧﻪ ﺑﻨﺺ ﺍﻟﺪﻳﻮﺍﻥ ﻭﺗﺬﻛﺮﺕ ﻋﻼﺟﻬﺎ ﺍﻱ ﻫﺬﺍ ﻭﻛﺘﻪ ﺧﺎﻑ ﻳﻨﺴﻮﻧﻬﺎ
ﺗﺮﺧﺼﺖ ﻣﻦ ﺍﻟﮕﺎﻋﺪﻳﻦ ﻭﻃﻠﻌﺖ ﺧﺎﺑﺮﺕ ﺍﻣﻲ ﻭﮔﺘﻠﻬﺎ ﺍﻧﻄﻴﻨﻲ ﺍﻓﻴﺎﺀ ﺫﻛﺮﺗﻬﺎ ﺑﻌﻼﺟﻬﺎ ﻭﻣﺎﺳﺪﻳﺘﻪ ﻟﻤﻦ ﺷﺮﺑﺘﻪ
ﺍﻋﺮﻑ ﺣﺎﻟﺘﻬﺎ ﺍﺫﺍ ﺧﺮﺑﻄﺖ ﺑﻌﻼﺟﻬﺎ ﺭﺍﺡ ﺗﺘﺄﺫﻩ
ﺑﻌﺪ ﻣﺎﺭﺟﻌﺖ ﻟﻠﺪﻳﻮﺍﻥ ﺍﻧﻪ ﺍﺳﺘﻐﺮﺑﺖ ﺭﻭﺣﻲ ﺷﻨﻬﻲ ﺍﻟﻲ ﻳﺨﻠﻴﻨﻲ ﻫﻴﺞ ﺍﻫﺘﻢ ﺍﻧﻪ ﺍﺑﻮﻱ ﻣﺎﻣﺴﻮﻳﻠﻪ ﻫﻴﺞ ﻭﻣﻦ ﺍﺳﺎﻓﺮ ﺍﻋﺮﻑ ﻏﻴﺮﻱ ﻣﻮﺟﻮﺩ ﻭﻳﺘﻜﻔﻞ ﻋﻼﺟﻪ ﻟﻴﺶ ﻭﻳﺎﻫﺎ ﻣﺎﺍﻗﺘﻨﻊ ﺍﻛﻮ ﻣﻦ ﻳﺪﺍﺭﻳﻬﺎ ﻏﻴﺮﻱ
ﺍﻧﻪ ﺍﻓﻜﺮ ﻭﮔﻄﻊ ﺍﻓﻜﺎﺭﻱ ﺭﻧﺔ ﺟﻬﺎﺯﻱ ﺭﺍﻓﻊ ﺍﺗﺼﻞ ﺑﻴﻪ ﺧﺠﻼﻥ ﻣﻨﻪ ﺍﻟﻴﻮﻡ ﺍﻟﻤﻔﺮﻭﺽ ﺍﻧﻪ ﻭﻳﺎﻩ ﺟﺎﻭﺑﺘﻪ ﻭﻃﻠﻊ ﻳﻌﺮﻑ ﺑﻌﻠﻴﺎﺀ ﺗﺨﺮﺑﻄﺖ ﺳﺄﻟﻨﻲ ﻋﻠﻴﻬﺎ ﻭﻧﻬﻴﻨﻪ ﺍﻷﺗﺼﺎﻝ ﺑﻌﺪﻫﺎ ﻗﺮﺭﺕ ﺍﺭﺟﻊ ﻟﻠﺒﻴﺖ ﺑﺲ ﺻﻮﺭﺗﻬﺎ ﻣﺎﺗﺮﻭﺡ ﻣﻦ ﺑﺎﻟﻲ ﻣﻮ ﭼﺎﻥ ﺍﻋﺠﺎﺏ ﺑﻴﻬﺎ ﻭﺑﺲ ﻻ ﺍﺣﺲ ﺭﻭﺣﻲ ﺍﻧﺠﺮﺣﺖ ﻭﺍﻟﻮﺟﻊ ﺍﻟﻲ ﺑﮕﻠﺒﻲ ﻏﻄﻪ ﻋﻠﻰ ﺻﻮﺭﺗﻬﺎ ﺍﻟﺤﻠﻮﻩ ﺍﻟﺒﻌﻴﻨﻲ ﻟﻴﺶ ﺗﻮﺻﻞ ﺍﻟﻬﺎﻟﻤﻮﺍﺻﻴﻞ ﺷﻨﻬﻲ ﺍﻟﺴﻮﺗﻪ ﻫﺎﻱ ﺍﻟﺒﻨﻴﻪ ﻭﻫﻴﺞ ﺗﻌﻠﻌﻠﺖ ﺯﻳﻦ ﺍﻧﻪ ﺷﻔﺘﻬﺎ ﺍﻱ ﺷﻔﺖ ﻛﻠﺸﻲ ﺷﻠﻮﻥ ﺍﻣﺴﺢ ﺻﻮﺭﺗﻬﺎ ﻣﻦ ﺑﺎﻟﻲ ﻟﻤﺤﻪ ﻫﻴﻪ ﻣﺎﻃﻮﻟﺖ ﺑﻴﻬﺎ ﺑﺲ ﺍﻧﻄﺒﻌﺖ ﺑﺬﺍﻛﺮﺗﻲ ﺑﻮﻛﺘﻬﺎ ﻟﻮ ﻣﻮ ﺍﻧﻪ ﻣﻮﺟﻮﺩ ﻣﻨﻬﻮ ﻳﺼﻴﺮ ﺑﻤﻜﺎﻧﻲ ﻭﻳﺸﻮﻑ ﺍﻷﻧﻪ ﺷﻔﺘﻪ ﺻﻌﺒﻪ ﻛﻠﺶ ﺻﻌﺒﻪ ﻋﺎﻳﺸﻪ ﻭﻳﺎﻧﻪ ﺑﻨﻔﺲ ﺍﻟﺒﻴﺖ ﻭﺣﺎﻟﻬﺎ ﻣﺎﻳﺴﺮ ﺍﺑﺪ
