طبعا عرفتوا المره إللي فاتت روحوا كلهم البيت مره واحده
بيت مصطفي البنهاوي
مصطفي فتح الباب:أدخلي يا مكة
امل بخوف: براحه ي حبيبتي خلي بالك من نفسك وبعد كده انا رايحه احضرلك حاجه تكليها
مكة بإستغراب: هي بتعمل معايا كده ليه يا بابا مع إن انا مش بنتها إللي مخلفاها
مصطفي:دي إللي ربتك وأمك مش موجوده هي بتحبك اوي وبتشيلك جوه عنيها من جوه
مكة: اه عندك حق انا بحبها اووي وهي كمان بردو كده
راحت أمل جت
امل:،يلا الاكل يلاا عشان تاكلو يلاا ي مكة يلاا ي مصطفي
مصطفي:لا هروح الشغل هغير هدومي مدام مروحتش الشغل وأبدلها بلبس جديد
أمل:ماشي يا مصطفي اه صح مصطفي
مصطفي:اي
امل:صاحبتي سعاد طلعت يبقي حماها (تميم باشا)انت كنت تعرف
مصطفي:اه اعرف امال دا اوقات بتيجي الشركه هي وأبنها
امل:طيب خلاص هي اعتذرت و قالتولي إننا جايين من ورا حماها(تميم باشا)قالت هناك في البيت إنهم راحو البيت عادي ولا حاجه حصلت
مصطفي بضحك في سرو:دا لو عرف هيخرب الدنيا مش هقولو حاجه بدل ما الدنيا ما تخرب
مكة: ماهو يحيي أعتذر مني هي سعاد تبقي .......
امل:ايوه صاحبتي ........
وأمل قالتلها علي كل حاجه
مصطفي: طيب انا ماشي عشان اغير ورايا شغل
مكة وامل:ماشي
مصطفي راح يشوف بيعمل أي
********************
قصر تميم باشا
سعاد:الحمد لله وصلنا البيت من غير ما حد يعرف
رحيم: انا كنت في مكان انتو عارفين هو فين
يحيي:انا وعمر وهدي كنا في المدرسه
رحيم: هنمشي اليوم عادي جدا بكره هروح لمدير المدرسه أعتذر منه علي إللي حصل افهمو كل حاجه حتي عشان جدي لو راح المدرسه يسألو علي مستواكو يقولهم إنهم مغبوش يوم عن المدرسه يلاا ننزل علي العربيه
*******************
شقه رودينا ونرمين
نرمين:ادخلي ي استاذه رودي
رودينا:شكرا ي استاذه نيمو
نرمين:اتفضلي استريحي عشان انتي تعبانه عقبال ما اجيب حاجه تكليها من الثلاجه
رودينا كانت عارفه إن مفيش حاجه في التلاجه خالص نرمين فتحت باب الثلاجه ملقتش حاجه غير بضين🤷♀️
نرمين:اي دا مفيش حاجه
رودينا: انا لازما ادور علي شغل
نرمين:شغل أي انا قولتلك انا مش عايزه اروح المدرسه ولا اكمل تعليمي
رودينا:بابا وماما موصيني إن احافظ عليكي
نرمين:بس
رودينا:ششششش انا هدور علي شغل
نرمين:،محدش قالك دخليني المدرسه دي المدرسه دي بتاعت بشوات زاي مكة كده
رودينا:عايزاني أعمل أي يعني المدينه إللي احنا فيها مفيهاش غير مدرستين مدرسه انتي فيها دلوقتي والتاني المدرسه العاديه إللي حصل فيها زلزال واتهدت لو انتي عايزه مدرسه زاي بتاعت الغلابه انا مستعده بس دا سفر وتكاليف بره المدينه اغلي من تكاليف المدرسه نفسها والمدير وافق إنه يرخص التكاليف المدرسه علينا اعمل أي اكتر من كده ي نرمين انا داخله انام
رودينا دخلت الاوضه وقفلت باب عليها وقفت ادام المرايا شافت الخبطه إللي في رأسها إفتكرت رحيم
رودينا بعصبيه:انت إنسان مستفز بكرهك
********************
قصر تميم باشا
شيماء مامت عمر
شيماء:انا مش لاقيه محمد من ساعت ما وصل هدي المدرسه الصبح وهو لسه مرجعش الساعه بقت ١٠ بليل حمايه لو جيه وحس إنه مش موجود هيطربق البيت علي إللي في
رحيم:الحمد لله إن في الشغل لو جيه ولقه مش موجود كان البيت دا اتشقلب
سعاد:طب هنعمل أي
رحيم:هنقولو نام فوق
عمر:يا خفيف لو محمد جيه من بره متأخر كده ودخل من باب البيت انت هتعرف جدي بقي
رحيم:لا انا هتصرف متخفش
******************
محمد جالس في حديقه أمامها بحر
محمد قاعد زعلان وبيفتكر كلام هدي لما قالتلو انت مدمن مخدرات انت اتجننت من ساعت ما ليلي ما ماتت
محمد قال:والله اخلي رحيم يندم علي إللي عملو في ليلي دا
وقعد يفتكر هو قابل ليلي ازاي اول مره كانت ليلي ماشيه في في الشارع في نص الطريق محمد كان راكب العربيه وهو عمال يضرب كلاكس وينده عليها وراسو بره الشباك بتاع العربيه
ليلي:والله مش هتحرك عشان دا مش اسلوب
محمد:طيب اوعي بدل ما أخبطك بالعربيه تموتي
ليلي:لو راجل أعملها
محمد التعصب ونزل من العربيه ومسكها من إيديها
محمد بعصبيه: انا راجل غصب عن أي حد انا من عيله تميم باشا
بعد كده محمد زقها وقعت علي الارض وأتعورت في رجليها
قطع خيط افكارو روح ليلي وهي بتكلموا
ليلي:انت لسه بتفكر فيا
محمد:خمس سنين مش ناسيكي ابدا
ليلي: كمل فاكر لما سبتني علي الارض واقعه وخد العربيه ومشيت روحت الجامعه عملت فيك أي
محمد ضحك:اه فاكر اتخنقتي معايا و كل الجامعه اتفرجت علينا
ليلي:بعد كده رجعنا في نفس الوقت اعتذرنا لبعض
محمد:ودي كانت اول مقابله تعارف ما بينا
ليلي:والمقابله إنتهت
محمد بص لها :بتقولي أي
بص جمبو ملقاش ليلي جالسه بجانبه
يحيي جيه من بعيد بينده عليه:ي محمددد
يحيي بينهج من الجري:انت فينك كل دا يلاا عشان جدك
محمد:عايز اروح
يحيي:يلاا انت شارب ولا أي
محمد:لا انا فايق فايق
يحيي:لا انت شارب يلاا نروح
يحيي راح شالو علي كتفو ومشي وروح بيه
في القصر
.............
رحيم :لقيتو في المكان إللي هو بيحب يروح فيه
يحيي: ايوه يلاا شيل معايا عشان هو دايخ اوي
رحيم ويحيي طلعو نايم بيخرف في الكلام بيقول سبتيني ليه ي ليلي
رحيم:يلاا نمشي دا تأثير الكحول
سابو ومشيو
*************
تاني يوم
يحيي كان نايم وتسرين رنت عليه رد عليها وهو مش فايق
يحيي:الو مين
نسرين:هيكون مين
يحيي:طب اقفلي عشان انا تعبان
راح قفل السكه في وشها وراح كمل نوم نسي انه هيقابل مكة ويخدها معاه المدرسه
يحيي بفزع:ينهار اسود
لبس ونزل تحت
يحيي:ازيك ي جدو
هدي:كنت لسه هصحيك
تميم:الحمد لله اقعد افطر
يحيي: لا انا مستعجل واحد صاحبي مستنيني عشان نروح مع بعض المدرسه
تميم:طيب عملت أي في المدرسه إمبارح
يحيي بص علي مامتو وهدي وعمر
يحيي:كان يوم حلو بالذات الصحاب الجديده إللي عرفتهم
تميم:طب استني عمر خدو معاك هو هدي
يحيي:لا صاحبي رن عليا وبيقولي تعالي بسرعه انا مستعجل
تميم:طيب ي أبني
يحيي:يلا سلام
بعد كده راح بص علي هدي و عمر
يحيي:الحمد لله إنك معرفش حاجه
تميم:امال فين محمد
هدي:مش راضي يقوم من النوم
تميم:خلاص سيبي يمكن تعبان
محمد نازل من علي السلم تعبان ودايخ ودماغو بتوجعو
هدي عملت إنها نسيت تجيب حاجه من فوق علي اساس إنها قبلت محمد صدفه
هدي: محمد اطلع فوق عشان لو جدك شافك مش هيسكت انت باين عليك التعب
محمد بعصبيه: انتي ابعدي بعيد عني انا كويس
راح سابها ومشي وبان إنه مفيش حاجه واليوم عدي عادي
*************
بيت مصطفي
مكة:صباح الخير يا بابا وماما
امل ومصطفي:صباح النور
مكة:هو فين محمد مشوفتهوش من ساعت ما جيت البيت إمبارح
امل:جيه إمبارح بليل بعد ما نمتي كان عند زياد صاحبو
مكة:طيب هطلع اتكلم معاه
امل:ماشي ي حبيبتي
مصطفي راح مقرب من امل :انتي متأكدة مش هيمسكو في خناق بعض ههههه
امل:بس بقي متبقاش عنيك وحشه هيبقو كويسين مع بعض ههههه
مصطفي:طيب مينفعش نبقي احنا كويسين مع بعض 😂
أمل:بس بقي احنا كبرنا علي الكلام دا ههههه
روحوا ملناش دي بقي بحد😂........
****************
إنتظروا البارت التاسع بخط إيدي شهد عبدالله♥️🥰
أنت تقرأ
جمعنا القدر
Фанфикالروايه باللغه العاميه ولا يوجد فيها كلمه واحده لغة عربية الفصحة😇 دي اول روايه ليا اتمني تشجعوني عشان اكمل 🥰 ~~~~~~~~~~ وصف قصير من القصة اتمني تنال اعجابكم♥️ *************** حب جمع بينهم وجمعهم الصدف والقدر لكي يعيشه سعداء ولكن من رغم كل هذا...
