عند مالك وسيف ...
طبعا مالك و سيف عايشين في نفس الحوش بحكم ان جدهم حالف ان يتبرا من ولاده لو سكنوا برا حوشه
.
.
.
وهما عيله فلوس تتكون من زوز ولاد
(بو مالك و بو سيف)
.
.
طبعا بو مالك اسمه فتحي
و امه اسمها مريم
وهما الزوز طيبين وعلي نياتهم لاكن فتحي صعب بس فيه حنية حلوة
.
.
وعنده خو واحد و زوز خوات
خوه هيثم
وخواته نسرين و هبة
.
.
بو سيف اسمه طارق
وامه اسمها مروة
وهما الزوز برضوا طيبين ويحبوا عيلت خوه هلبا وعندهم من غير سيف زوز ولاد و بنت ولي هما
اسامه و
محمد و
مسرة
وطبعا كل اللولاد من العيلتين يحبوا بعض زي الخوت لا اكتر ومعتبيرن روحهم خوت من الام والبو
.
.
.
.
.
عسند ميس ونور
طبعا ميس كانت عايشة مع عيلة عمها سالم يلي هوا بو نور بحكم ان بوها وامها ميتين وعندها زوز خوت
سند و
سندس
ونور عندها زوز خوت ولاد و اخت وحدة وهما احمد و علا و نورس
وكانت حياتهم حلوة ومرت عمهم ( يلي هيا ام نور واسمها فتحية ) تحبهم زي ولادها واكتر وعندهم عم وعمة تانين واسمهم فاضل و اوسمه وميحبوش عيلة سالم ابدا بسبب انهم مخلوهمش ياخدوا شيء من ورث بو ميس يلي مرضاش عمهم سالم يمشي لغير صغاره (يعني ياخدوا صغاره هوا ميس و سند و سندس )
.
.
.
في الصبح عند مالك وسيف
.
.
علي طاولة لفطور
فتحي: مالك مش قلت عندنا سفقة يوم الاربعاء اني موصلني شيء
مالك: مش مهم الموضوع عندي متخافش
هيثم: ماهو هدا يلي يخوف انها عندك انا توا كان عند الدجاج راهو مقلنا شيء 😅🤣
مروة ( مرت عمه ):هيا خيركم علي ولدي امشوا ...
هبة و نسرين و طارق و مريم :🤣🤣
فتحي: واللهي يا مرت خوي انت يلي مفستيهم بالدلع زيه زي سيف
سيف: سمعت اسمي
هيثم: مالك كان يسب فيك توا
هبة ونسرين:🤣🤣
سيف:مالك خوي ونعرفه
هيثم: متنساش انه ولد عمك وخوي مش العكس
مالك و سيف :😒
مالك: هيا سيف وقت علينا
سيف: هيا
فتحي: في امان الله
طارق: انشالله خير هي حتا حني بنمشوا يا فتحي
وطلعوا كلهم من الفيلا واتجه فتحي و طارق للشركة و مالك و سيف للصالة بتع الرياضة (طبعا هما عندهم صالة رياضة حتي في حوشهم بس يبوا يطلعوا بش يتفرجوا علي لبنات ...🙃😳 )
في مكان تاني عند ميس و نور
نور ناضت من النوم علي صوت المنبة :حي هيا ميسو نوضي وقت علينا لازم نمشوا لنادي المدير لما يبهدلنا
ميس: خلي نرقد خمسة دقايق
نور: معش فيها كيف لازم انلحقوا بسرعة الساعة 9 ونص
ميس: بصدمة كييف تسعة حي علينا هي بسرعة بسرعة وخشت كل وحدة منهم خيرت ولبس و نزلوا لوطا
كانت العيلة كلها متجمع تفطر وسمعوا صوت عياط من الدروج
سند: اهم جو بدوشتهم
علا: تو بيبدوا في الهبال من توا منيش موصل حد
احمد: ولا اني متشبحوليش
سند: طلعوني منها لحكاية
فتحية: هادم خواتكم بتوصلوهم وين ما يبوا وغصبن عليكم
نزلوا ميس ونور من الدروج يجروا
ميس: عمي اليوم مستعجلين هلبا ومفيش كيف نستنوا واحد منهم بش يمكيج و يوتي روحه بش انزفوه
نور: تقصد بش يوصلنا
سندس و نورس:🤣🤣🤣
علا: بدت تخرط من قلت النوم
سالم: اسكتوا علي بنتي يلا وشبح لي ميس وكيف الحل
ميس: عطيني مفتاح السيارة توا نمشوا بروحنا
سند و احمد وعلا بصوت موحد و عالي: لا وين تحلمي
سالم: انتم مدخلكمش بروا يا بناويتي تلقوه علي المدخل
ميس و نور بصوت عالي: خشييي
سند: ناقص غر تحلقي وتبي عزري
نور: برا يا بتع مياسم برا مدخلكش فينا
كلهم:🤣🤣🤣
سند: فنص في نور بيمعنا اسكتي وهو وجه هكي👈😳
.
.
.
وطلعوا ميس ونور مشوا لي نادي الحداد وشوفوا الصدفة وين
.
.
عند مالك وسيف في السيارة
سيف يكلم في التلفون: لا يا را خيرك بعيد غادي
معتز: مفيش كيف لكبيدة تخدم غادي ضروري نشوفها
سيف: باهي يا حصلة انا وكبيدتك غر انشالله فيها ما يتصبح
معتز فيها فيها هي باي
سيف: بصوت بنت نتلاقوا بيبي اممموح بااي
معتز: هههههع باهي تو اتشوف
سيف: طير وسكر
مالك: وين المكان
سيف: في......
مالك: بعيد الزح
سيف: قتله قال لكبيدة تخدم غادي ولازم انشوفها
مالك: تو انوريه الرية مش الكبد شن اسم النادي
سيف: نادي الحداد
مالك: تمام
.
.
بعد شويا وصلوا السيارتين مع بعض وكان في موقف واحد وبصدفة جو بيدرسوا في نفس لمكان وبوووم😱😱يخبطوا في بعض نزلوا من السيارات
ميس: خيرك احول انتاا متشوفش ولا شن موضوعك
مالك: كان هايم فيها بعدين حس علي روحه... انتي يلي خيرك ضربتي فيا
نور: مصح ولا وجهك هيا طير من وجهي خير ما نقتلك انت وياه
سيف: حي فوق من انك حلوة الزح عندك لسان يلعب هلبا
نور كانت جنب سيف وفيدها طاست قهوة دافيا لاكن وبحركة مقصودة بزعطها علي وجها وقالت: سن رابك امشي تغسل عيونك بش تشوف كويس
سيف مسح علي وجها وهوا ماكنطي : تعرفي اني منو انتي
ميس: ولد جحا ...منعرفوش ومنبوش نعرفوا هيا طير خلي ندرس وحركت المفتاح في لهوا لي نور بمعنى اركبي
مالك: قصدي انتي شكلك متشوفيش اني جيت قبلك ولا شن موضوعك
ميس نحت يدها من علي الباب وقرب من مالك لحد ما لصقت فيه: متلعبش بديلك خير يا استاد جحا تمام وبعدت وركبوا السيارة ودرستها ونزلوا لي النادي
مالك و سيف قعدوا مصدومين من حركاتهم ويشبحوا لبعض هكي 👈😲😱
طبعا معتز صاحبهم شاف كل شيء وسمع كل شيء ومدخلش بعدين جي وبحركة خير ارادية قعد يضحك ويقول: معقوله زوز بنات دارو فيكم هكي ههههههههه
مالك وسيف بغير العادة شبحوا لبعض ويطلقوا ضحكة الرقصات علي طول حسهم
مالك: شفت اللبوة هديكا شن دارت فيا
سيف: شن يقولوا عليها دارتلي حمام قهوة
معتز: غر خشو لي حمام النادي بدلوا وانتم منضركم دقول عتاريس الزح 🤣🤣🤣
.
.
.
وخشوا غيروا ودقخلوا اصالة النادي يلي فيها الالات وهني كانت الصدمة😱😱
أنت تقرأ
لماذا انا (روايات ليبية)
عشوائيقصة كتبتها الراوية ...اتوو الزنتاني من الخيال بس احداتها من الواقع قراءة ممتعة
