#انتقام2 🔞
ف المطار ف قاعه الانتظار أمل مودعه البلد بنظرات كلها ذكريات حزينه سرحت ورجعت تتذكر
أنس: ي دكتور بقت كيف
الدكتور: حالياً هي ف حاله صدمه قويه وده ممكن يأثر سلباً ع الجنين
أنس: جنين!؟
الدكتور: ايوه المدام حامل ف اول ايامها
أنس: كيف مستحيل
الدكتور : بتقول ف حاجه
أنس: لا ابداً شكرا
الدكتور: طيب عن اذنك
أنس: دي مصيبه شنو وده شنو العملتو ي أحمد وانا الكنت فاكرك اتغيرت وبقيت راجل
أمل: انا وين
أنس: ف المستشفى وشويه وح نطلع
أمل: انت جبتني ليه كان تخليني أموت
أنس: تموتي انتي والفي بطنك
أمل: الفي بطني
أنس: ايوه الدكتور فحص عليك وطلعتي حامل
أمل: انت مجنون بتقول ف شنو
أنس: ده الحصل
أمل: اتذكرت يوم كانت مع أحمد وبقت تبكي ح اقول ل اهلي شنو هسي انا وح امشي وين انا اتفضحت وضيعت شرفي وشرف اهلي ولو عرفوا ح يروحو فيها بقت تصرخ وفكت الدرب من ايدها وقالت الا تنتحر انس مسكها ونادى ع الدكتور اداها حقنه مهدئه
الدكتور: الحقنه ح تنومها ل ساعتين بس م لازم تكون براها عشان م تتهور تاني
أنس: طيب ي دكتور انا عندي مشوار ضروري لمده ساعه م ح اتأخر وطلع ركب عربيتو ومشى ع بيتهم وقف برا اخد نفس ودخل
سناء: جاي بدري الليله
أنس: مش ي امي طوالي بتقولي نفسك تفرحي بي
سناء: ده يوم المنى بس انت الراكب راس ورافض
أنس: انا موافق وعندي واحده ف بالي
سناء: دي. منو القدرت تقنعك دي
أنس: اسمها أمل بتدرس طب هنا بس اهلها ف ولايه تانيه بت محترمه جدا
سناء: طالما هي عاجباك م عندي شك ف اختيارك جهز نفسك بس
انس: انا جاهز وعايز العرس يكون خلال اسبوع
سناء: مستعجل كده مالك ف تجهيزات والبت كمان اهلهم عندهم راي
انس: هي م عندها مشكله وم عايزين جوطه عقد بس وخلاص
سناء: انا مستغربه فيك
انس: وافقي بس انتي وم عليك
سناء: طيب حدد موعد مع اهلها
خالد: موعد شنو
سناء: اخوك عايز يتزوج
خالد: مبروووك اخيراً
انس: الله يبارك فيك انا عندي مشوار عن اذنكم طلع ورجع المستشفى منتظر أمل تفوق
أمل: انت لسه هنا
أنس: شدي حيلك وقومي عشان نطلع من هنا
أمل: وبعد نطلع ح امشي وين ب فضيحتي دي
أنس: م تخافي انا حليت اي شي
أمل:كيف
أنس: هسي خلينا نطلع من هنا ع الداخليه وشيلي حاجاتك
فعلا بعد ساعتين طلعوا ع الداخليه شالت حاجاتها ووصلو مبنى فيه شقه دخلوا
أمل: نحن جينا هنا ليه
أنس: دي شقتي كنت مشتريها اتزوج فيها وحاليا فاضيه ح تقعدي فيها لما تتحسني وترجعي ل اهلك
أمل: انا م ح اقدر ارجع مستحيل اقول ليهم شنو
أنس: ح ترجعي وح تحددي لي معاهم موعد عشان اجي اتقدم ليك
أمل: انت بتقول ف شنو!؟
أنس: يمكن صحبي غلط بس انا م عديم رجوله زيو عشان اخليك تواجهي المجتمع ب غلطه م عندك ذنب فيها
أمل: انت بتعمل معاي كده ليه
أنس: م عارف بس ربنا كاتب ل اكون ف طريقك
أمل: ح تضيع حياتك مع واحده زيي
انس: الاكل ف التلاجه واخدي حبوبك ف وقتها وم تنسي تاخدي موعد مع اهلك ولما تحسي نفسك احسن وقادره ترجعي ل اهلك اتصلي علي رقمي ف الورقه دي وم تفتحي الباب ل زول وطلع
أمل انهارت وبقت تبكي مشت اتوضت صلت وبقت تستغفر وتدعي ربنا يغفر ليها
قاطعها صوت أنس
أنس : يلا ي أمل ح نتأخر ع الطياره
أمل: طيب
ف الطياره رجعت تتذكر
طول فتره وجودها انس كان مهتم بيها لما سافرت ل اهلها
حاج النور: حمدلله ع السلامه ي دكتوره
أمل: الله يسلمك ي ابوي
فاطمه: مالك ي بتي ضعفتي كده وصحتك ف النازل
أمل: دي القرايه بس ي امي
فاطمه : امشي ارتاحي لما اجهز ليك لقمه تاكليها
أمل: طيب بس دقيقه حكيتي ل ابوي
حاج النور: اي ي بتي وطالما ولد ناس وجاي ب الباب يتفضل ف اي وقت
أمل: هو مستعجل عشان شغلو كتير ينفع يجي الجمعه
حاج النور: الفيه الخير يقدموا ربنا
دخلت غرفتها اتصلت ع أنس
انس: وصلتي كيف
أمل: الحمدلله انا كلمت ابوي ومنتظرك يوم الجمعه
أنس: خير
أمل: ارجع فكر م تربط مصيرك بي لانو انا م استاهلك
أنس: انا وراي شغل كتير عن اذنك نتلاقى يوم الجمعه
فاطمه: دقت الباب ودخلت يلا تعالي اكلي واحكي لي عن صاحب النصيب
أمل: والله ي امي تعبانه خليني آكل وانوم بكرا نتكلم
فاطمه: طيب خليتك
ف لندن الساعه 8 هبطت طيارتهم ف المطار كان منتظرهم يوسف صاحب أنس
يوسف: حمدلله ع السلامه
أنس: الله يسلمك
يوسف: أمل صح أنس حكى ل عنك كتير اتشرفنا
أمل: ل الشرف تعبناك معانا
يوسف: م ف اي تعب انا م صدقت انو اخيراً سودانين ف البلد دي
أنس: خلونا نتحرك لانو سولي ده نايم وتقيل خلاص بقى
أمل: يلا نمشي ركبوا العربيه وبتونسوا
يوسف: ب المناسبه لاقيت أحمد قبل اسبوع هنا
أنس: أحمد منو!؟
يوسف: أحمد عبدالمجيد دفعتنا
أمل: أحمد
" مهما حاولنا نهرب من اقدارنا ف الآخر لازم نواجهها "
أنت تقرأ
انتقام_أمل 🔞
Mystery / Thrillerاغتصاب أمل غير طريق حياتها اتحولت من البت المسالمه ل البت البتفتش ل الانتقام 💔 فهل أمل ح تقدر تنتقم وتجيب حقها وحق اهلها والطفل الما عندو ذنب !؟ بقلمي: Etho Khalid 📝
