انتقام_أمل 🔞

4

يوسف: تعال اقعد بعدين نتم كلامنا
أحمد: مستعجل والله بس بنتلاقى تاني  يلا ب الأذن
يوسف: خير ف شنو بينك وبين أحمد مش كنتو أعز أصحاب
أحمد: ابداً م ف شي
أمل: خير مالكم وشوشكم متغيره
أنس: انا تعبان خلينا نرجع البيت
لمار: متين قعدنا هو
أنس: بكرا عندي اجتماع بدري ولازم ارتاح
أمل:طيب ح أجيب سليم ونطلع
أنس: طيب منتظركم ف العربيه
لمار: انا بقيت م فاهمه شي
يوسف: ولا انا بس متأكد ف حاجه بين أنس وأحمد ولازم اعرف
أمل: من طلعنا من المطعم وانت ساكت حصل شنو وانا م ف
أنس: م ف شي حصل
أمل: انا بعرفك كويس احكي لي
أنس: بصوت عالي قلت ليك م ف شي وبطلي اسئله
أمل: طيب
وصلو البيت وكل زول دخل غرفتو
أمل : "دي اول مره انس يتكلم معاي ب الطريقه دي انا لازم أعرف الحصل شنو لما مشيت وخليتهم " فكرت واتصلت ع لمار
أمل: لمار كيفك ووصلتو كيف
لمار: الحمدلله بخير وانتو
أمل: معليش طلعنا سرعه وخليناكم
لمار: ابداً م مشكله عادي
أمل: م عارفه أنس فجأه مالو مزاجو اتغير مع انو كان مبسوط ب القعده
لمار: والله من جا أحمد مزاجو اتغير
أمل: أحمد منو
لمار: أحمد صاحبهم دفعتهم ف الجامعه
أمل: أحمد !! وجا يعمل شنو
لمار: جا ب الصدفه بس
الباب بدق
أمل: طيب تصبحي ع خير ونتلاقى بكرا
لمار: طيب وقفلت
أمل: اتفضل
أنس: م اكون صحيتك
أمل: اصلاً م نمت
أنس: انا آسف عشان علييت صوتي عليك م تزعلي مني
أمل: م زعلانه منك
أنس: متأكده!؟
أمل: ايوه بس ليه م قلت لي انو أحمد جا المطعم
أنس: وعرفتي كيف انتي
أمل: م مهم مش ع اساس انو م ح نخبي شي ع بعض!
أنس: كنت خايف عليك تلاقيه
أمل: وأخاف ليه هو اللازم يخاف مش ده كلامك!!
أنس: ايوه انا اسف م ح اخبي عليك شي تاني
أمل: طيب حصل خير
أنس: اخليك تاخدي راحتك تصبحي ع خير
أمل: تلاقي الخير
تاني يوم ف السوق أمل مع لمار
لمار: م حكيتي لي اتعرفتو كيف
أمل: أنا ومنو
لمار: انتي وأنس طبعا لانو انس ده من زمن الجامعه كنا مخطوبين انا ويوسف م عندو حاجه ل البنات وم بتجذب ليهم
امل: اا ابدا اتلاقينا عادي وجا اتقدم ل طوالي
لمار: ب البساطه دي !!
أمل: ايوه
لمار: امم بس شكلو بحبك جداً
أمل: وعرفتي كيف
لمار: من عيونو ظاهر عليه بموت فيك م شفتي نظراتو ليك لما كنتي معانا كل م تتلفتي بكون سرحان فيك ومبتسم
أمل: ب ضحكه خفيفه مش مرتو
لمار: نيالك بيه
أمل سرحت ف كلام لمار وكلمتها القالتها " مش مرتو " انا طول الوقت ده بسأل نفسي ليه أنس بعمل معاي كده معقوله كلام لمار يكون صاح
قاطعتها لمار : هيي سرحتي وين
أمل: ابداً معاك
لمار: خلينا نقوم نكمل لف
أمل: انا تعبت نرجع البيت كفايه كده
لمار تلفونها برن هسي كنا ف سيرتك
أنس: ان شاء الله خير
لمار: خير احكي عايز شنو
أنس: بتصل ف تلفون أمل مغلق قلقت عليها
لمار: تقلق ليه ماشه مع كيس جوافه
أنس: م قصدي
لمار: خلاص اتفضل دي هي معاك
أنس: كويسه انتي تلفونك مغلق ليه
أمل: ايوه فاصل شحن انت عارف بطاريه تلفوني كعبه
أنس: كان تاخدي الباور بانك معاك
أمل: اصلا خلصنا وراجعين ع البيت ح اشحنو
أنس: ح اجي ارجعكم
أمل: لا ح نرجع ب تكس خليك ف شغلك
أنس: طيب خلي بالك من نفسك
أمل: حاضر باي
لمار: ي عيني ي عيني ع الخوف
أمل: بططلي خلينا نرجع

المساء أنس جا داخل البيت ومعاه كيس
أنس: اتفضلي
أمل: ده شنو
أنس: افتحيه
أمل: تلفون جديد
أنس: ايوه عشان م ممكن اتصل والقى تلفونك مقفول واموت من القلق عليك
أمل: م كان ف داعي
أنس: لا في وامشي اشحنيه وحولي حاجاتك فيه
أمل: شكراً
أنس: ع شنو هبله انتي دي ابسط حاجه اعملها ليك يلا انا تعبان داخل ارتاح
أمل: ارتاح وح اجهز ليك الغداء

" دايما ربنا بعوضنا ب حاجات م متوقعين انها ف يوم ممكن تكون عوض لينا 💛"

عدا شهر واحوالهم ماشه تمام
ف يوم جا حادث سير بين عربيتين واحده شايله سُياح والتانيه أسره والمستشفى كان جايط وبحاولو يسعفوهم

دكتور هشام: أمل خلي الفي ايدك وامشي ل المصاب ف غرفه العمليات 5
  Leave what is in your hands and go to the patient in the operating room 5
أمل:  حاضر دكتور
Ok doctor
اتحركت ع غرفه العمليات لقت مرا مليانه دم بتكورك وباين ف ملامحها انها سودانيه
أمل: ف شنو ي امي اهدي
ي بتي ولدي جوه عليك الله انقذيه
أمل: م تخافي ح يكون بخير
لو حصل عليه شي انا بموت الله يرضى عليك ساعديه
أمل: حاضر اتطمني ح يقوم ب السلامه
ي رب ي رب ألطف ب ولدي
أمل : ي ممرضه المريض جاهز !؟
is the patent ready ?!
الممرضه: ايوه كل حاجه جاهزه
Yes everything is ready
أمل: تمام خلينا ندخل
Ok.Let's get in
الممرضه: ok .. حسناً
أمل: وهي بتجهز بتلبس ف لبس العمليات ركزوا ع النبض والضغط م عايزين اي غلطه مفهوم
Focus on pressure and pulse, we don't want any understandable mistakes
الممرضه: yeah
أمل اتلفتت ع المصاب وأتجمدت ف مكانها بعد م شافتو
الممرضه: are you OK doctor !?
أمل رجعت خطوتين ل ورا