ملاذي الأمن

2

للكاتبه:فاطمه العساف
..................................
شد الدهر وياي
شده بشبابي كل ما اكول
تهون يكثر عذابي 😔🥀
.........................
هيلين. منو الي ماتو؟!
ها قصدك السياره الي جانت ورانه وسوت حادث
ماتو الي بيها يا خطيه الله يرحمهم
بس بابه اني جاي اسئل عن هوار والباقين مو جنهم تأخرو اباوع على أبويه  مايكدر يسيطر على وكفته تقربت منه بابا شبيك شنو صار
محجه وياي شي بس مشه بتجاه باب وراد يطلع
ركضت وره بابا وين رايح وعافني وحدي

ابو هيلين. اكو خطأ اي اكيد اكو خطأ شنو يكلول ماتو خلي اروح لمستشفى

هيلين . آخذني وياك بابا فدوة
رحت ويا ابويه لمستشفى   بس اني أبد ولا مقتنعه بي الي حجى ابويه ولا مصدكه من وصلت لمستشفى
لكيت عمامي كلهم كدامنه
واجه دكتور حجى ويا ابويه  بس اني اريد بس افهم شنو الي جاي يصير أدور بعيوني على واحد من اخواني واباوع على كل مكان
بس مشفت واحد منهم شويه واجه ولد  مااعرف دكتور مااعرف منو المهم  شخص يشتغل بمستشفى يمي كلي امشي وياي  أسئلته بعدم فهم
وين اروح وياك ؟!
محجه شي مشيت وره الولد دخلت مثل لغرفه بيهة
مثلا لجرارات الجبيره
بقيت مستغربه شنو هل غرفه اول مرة
بحياتي ادخل هيج مكان بعدني واكفه والولد كام فتح اربع جرارات كبار وكلي هذولة وعافني وطلع مشيت بهدوء واني مامصدكه الي شفته من رفعت الغطه الأبيض وطلعت امي بقيت بس اباوع بس مصدكه
دنكت وكعدت بكاع
اجحي بس اني عقلي موعندي  بهاي اللحظه
وب هاذه الموقف ماجيت ابد بقيت بس احجي جني وحدة مجنونه ماما يمه شنو تسوين هنا ليش نايمه هنا ؟!
دكومي نروح لبيتنه نامي هناك ب بيته تلمست وجه امي بارررررررد حيل مثل الثلج
حتى الغرفه   بارده بقيت اصرخ طلعو امي منا ... امي تبرد بساع  هي من النوع بساع تستبرد ماتحمل هيج برودة  هي بيتنه إذا تنام على المبردة تكول طفوها بارده  مو هنا
هنا كلش بارده  والله اعرف امي ماتحمل  هسا طبعا اكيد راح تنشل لو تمرض جان يم امي هوار
يوي.. يوي سوده عليا شفته زرككككه المكان بارد عليهم هوار  هوار  كوم انت متنام هيج وقت  مو كل يوم تنام وقت الفجر  شبيك اليوم نايم من هسا كوم وياي امي مقبل تكعد من النوم
كوم خلي نكعدها اني وياك  مو احجي وياك والله تره اصيح ابويه عليك  واخلي يجرك من قميصك ويكعدك  مثل كل مره  بقيت شكد احجي واتوسل بيهم كل الي صار واني مامستوعبه الي صار وبعدني عبالي يجذبون عليا من يكلولي اهلج ماتو
لو متوقعه  هذا مقلب من اهلي
من قوه اصراخي عليهم اريدهم يمشون وياي وتهسترت من الصراخ حسيت ب شخص سحبني من الغرفه
بس اني بقيت ادفع مااريد اروح وحدي
شفت عمي يسحب بيه بس اني عاندت اطلع بقيت بس ادفع بي  واصرخ على
اتركني خلي اكعدهم مااريد اروح وحدي لك ذوله اهلللي وخر مني هيج
صعدني بسياره كوه ورجع بيه  لبيت بس
شكد دفعت باب السيارة ولا انفتح الي من وصلت لبيته
شفت اكو جادرن ناصبين ب باب البيت وأكو هوايه زلم واكفين ب الباب وهوسه واني بعدني اكول
لا هذا كله جذب اكيد حلم اي حلم اني دائما احلم احلام تخوف
دخلت لبيته  واسمع صوت صريخ النسوان بيته بقيت كاعده بيناتهم بدون اي حركه مني بس هادء
اسمع النسوان يكولن ياخيه شوف اشلون من الصدمه حتى متحجي شي ولا تبجي
وبيهة يكولن خطيه منو بقالها هسا راح تروح يم بره ابوها وتشبعا ضيم
بس اني ولا يمهن فاصله عن العالم كله  بقيت اليل كله منتظره واحد منهم يجي ومتئمله الصبح اكعد واشوفهم بس خابت آمالي من صارالصبح وهمه ماكو ماتقبلت الفكره لحد مااجت اساور لبيتنه
وحظنتي وبقت تبجي  وتكلي مات الي حبيته
اني هنا بعد حسيت الوضع صدك بجيت بجي بحياتي ماباجيه بكده حسيت عيوني راح ينعمن من كد ما بجيت
مرت ايام الفاتحه مااعرف اشلون  وب يا گلب خلصت الفاتحه 
ومن خلصت الفاتحه وكلها راحت وخفت الهوسه
جنت نايمه بغرفتي رابع يوم الفاتحه وردت اروح لحمام مريت من يم الترك سمعت عمي ومرته يحجون اسمعها تكله انت وين تريد تأخذها ويانه
هو احنه بيتنه كله 3غرف وحدة احنة  وحده لبنات وحده
ل لولد والبنات كوه مكفيتهن الغرفه  خلي واحد من اخوانك ياخذها غيرك
ابتسمت ورجعت لغرفتي  والله زمن هيج اني صرت
وين جنت قبل وين هسا
رجعت نمت لانو مالي خلك ل اي شي للعصر
واجهتني عمتي