ملاذي الأمن

7

للكاتبه :فاطمه العساف
......................................

:أخبرينــــــــــي أيتها الايام مآذا فعلنآ....!!! لنستحق گــــــــــــل هذآ الألــــــــــــــــــــم💔🥀
.........................

هيلين : ب لحظتها اجتني حاله كأبه حاده وفول
و خليت تلفوني بجنطه و اريد اي شي اطلع بي ضوجتي مالكيت ف قررت اغسل الكافتيريا
وفعلا ب لحظتها جانت فارغه مابيها زبائن
حاجيت العمال وطلعتهم بره كتلهم فد ساعتين وارجعوا وصدك كبل رفعت الكراسي وقفلت البيبان كلها
ومديت صونده وبديت اغسل وره شوية يمكن نص ساعه واسمع احد دك الباب. فتحت الشباك باوعت منه شفت الولد نفسه اجه شكو شتريد
اشوفه اجه وكام يحجي وياي من الشباك

غيث. افتحي الباب خلي ادخل

هيلين. ماافتح الباب الكاع كلها منگعه مي
واين اخليك

غيث. خليني على رأسج

هيلين. مو على اساس انت شامبو واخليك على راسي

غيث. خليني محترمج ومنطيج قيمه ف افتحي الباب احسلج

هيلين. مو على اساس اني لازمه بيدي ماعون تمن حتى تنطيني قيمه

غيث. ربي كفيني شر عبادك لا انعل ولديهم
خايبة نعل افتحي الباب بس احجي وياج شويه
واروح

هيلين. مااريد

غيث. طبع لعناد هذا اني ماأحبه ف بدلي طبعج احسلج

هيلين. إذا ميعجبك طبعي روح استنسخ واطبع ب محل ثاني

غيث. دواج يمي بس خلي الزمج
ويصير خير

هيلين. ههههه والله يالله عود ليش الولد من يعصب يتحول صيدلاني دواج يمي علاجج عندي ولا يستقر مستر بندول
خايب ماتكد راحه

غيث. بيج خير وبت ابوج اطلعيلي بره الكافتيريا

هيلين. كلت بگلبي شنو ما اريد روحي حتى اطلع
جانت بيدي صونده كمت ورشيته بيها وهو بقى يكمز ويحجي

غيث. نكعتي ملابسي بت السطل

هيلين. طس وادلف من ويهي
مادام عليك النفس طيبه

غيث. والله انتي مخبله قسم بالله مخبله ومو صاحيه اكص ايديه اثنينهن إذا انتي صاحيه

هيلين. صدك ضحكت من شفته اشلون يكمز من المي وراح لسيارته ركض
والله هو اني كوه طايقه روحي وجايني هذا
ينك فوك راسي
على كولته صجيجه

مر يومين وبهذا الوقت ماشفت بيها هذا الولد
ولا حجيت ويا اساور احس روحي بعدني ضايجه منها
ومره جان عندي امتحان صعب بشكل
بيومها اليل كله ولا شفت النوم شنو
رحت ثاني يوم لمدرسه بس اني شنو ماضابطه الماده
وخايفة ارسب خلص اول درس ف رحت ل استاذ الماده وحجيت ويا و أجلت الامتحانات لغير يوم
ومن رجعت من المدرسه حست راسي افتر ودخت كمت حتى مااكدر اشوف واضع ف كعدت على أقرب مسطبه بشارع وغمضت عيوني ورجعت راسي ل وره شويه وفزيت مخترعه وحسيت كلبي راح يوكف
هيئ يمه