مع بدايه نسمات الفجر المكان هادئ والشوارع هادئه فقط يمتلئ بترتيلات اذان الفجر لتبشر النائيمين بلاستيقاذ ليوم جديد ولكن مع اصوات الاذان وفي هذا الهدوء يعلو اصوات صريخ عاليه قد تكون صاحبته قد انشقت احبالها الصوتيه من كثرته وقوته
استيقظ علي هذه الصرخات كل من يسكن بلبيت واولهم حسام احد ابطال الروايه..
حسام. هو ابن السيد عمر وهو صديق صاحب البيت المقرب. فذهب حسام ليوقظ والدته ويعرف منها ما هذه الاصوات (Naglaa helal)
استيقظت والده حسام.. السيده منيره وزوجه السيد عمر وليس لها ابناء غير حسام وابنه رضيعه
استيقظت وايقظت زوجها السيد عمر..
اصحي ياسي عمر باين الست فاتن بتولد وهي لوحدها
عمر..ايده ياساتر يارب هو الصويت ده من عندها
طيب اطلعلها انتي وانا هروح اشوف الحج خالد اصحيه ان مكنش صحي هو كمان.
منيره.. هو اكييد صحي بس تلاقي العقربه مراته عملاله مناحه ومش راضيه تخليه ينزل .
عمر.. ملكيش دعوه انتي بيها ملناش دعوه اطلعي انتي بسرعه و شوفي الست فاتن تلقيها تعبانه اوي
منيره حاضر اهو طالعه.
حسام.. انا كمان هطلع معاكي ياماما علشان اشوف النونه لما تيجي واشلها
منيره. لا ياواد هتطلع معايا فين بس عيب مينفعش اعود هنا مع اختك خلي بالك منها...
حسام. لا انا عايز اطلع مليش دعوه لازم اشوف النونه انا اول واحد ..
عمر والد حسام. اسمع الكلام ياحسام ولما ابله فاتن تولد هندهلك علي طول تشوفها...
حسام بزعل حاضر يابابا..
ذهبت السيده منيره الي شقه فاتن زوجه الحج خالد فأخذت ترن الجرس لعلها تستطيع ان تفتح لها الباب
داخل شقه فاتن.. وكأن نيران الدنيا مندلعه بجسدها والام شديده فسمعت صوت الجرس فتحاملت علي نفسها وهي تنهض لتفتح باب الشقه.
ومن خارج الباب تنادي عليها منيره حتي تفتح لها
منيره. فاتن يا فاتن افتحي ياحببتي افتحيلي وعلي مهلك براحه.. وفي لحظات بعيده فتح الباب ولكن بمجرد ان فتحته فاتن فقد خارت قواها ولم تستطيع ان تتمسك اكثر من ذلك
منيره.. يالهوي فاتن ياحببتي قومي معايا واسندي عليه وانا معاكي مش هسيبك.
واسندتها منيره الي الفراش لتحاول ان تنادي عل زوجها لكي يذهبو بها الي اقرب مستشفي..
فالسيده فاتن هي الزوجه الثانيه له فلقد تزوج بها لانها تكون ابنه احد اقاربه فلقد احبها وتعرف عليها ولكن بعد ما تزوج من الاولي فهي حنونه جدا وليست مثل زوجته الاولي تحبه من اجل ماله فقط
في شقه الحج خالد.. السيد عمر علي باب الشقه ينادي للحج خالد.
افتح ياحج خالد بسرعه الست فاتن بتولد
الحج خالد ايوه حاضر ايوه يا عمر انا لسه صاحي عل صوتها انا نازل اهو..
السيد عمر. بسرعه ياحج ديه بينها تعبانه اوي ولازم تروح المستشفي.
سمعت صوتهم من الداخل فخرجت لهم وبصوتها العالي.
هي مدين ديه اللي بتولد وهتودوها المستشفي
الحج خالد. ديه فاتن بتولد وتعبانه اوي يا ام شيماء
ام شيماء. هتوديها المستشفي علشان بتولد امال الدايه اللي ولدتني راحت فين ماهي موجوده ولا هي هي اللي هدجبلك اللي متجبش لما نشوف بسلمتها هتجبلك ايه ...
الحج خالد. ياستي حرام عليكي بنقولك تعبانه اوي مينفعش تولد في البيت...
ام شيماء زوجته. وانا قولت هتولد هنا في البيت يااما انت عارف اني معايا كل اوراق ملكيه البيت والارض بتعتك وهكتب كل حاجه بأسمي واطردهالك من البيت. وانت حر بقي ...
الحج خالد ياساتر منك ياشيخه اعوذ باالله منك
ذهب كل من الحج خالد وصديقه السيد عمر ليحضرو الدايه لتولد زوجته فاتن.
وجاءت الدايه ودخلت علي فاتن ومنيره وعندما راتها منيره خرجت مسرعه الي زوجها والحج خالد. وقالت
ايه ده ياحج خالد اذاي تجيب الست ديه انت مش عارف انها كبرت ومبقتش تولد كتير وفاتن تعبانه ومحتاجه لمستشفي ضروري ..
فأجابها السيد عمر زوجها مسرعأ في الرد لها
خلاص يامنيره انشاء الله هتولدها ومش هيحصل حاجه اتفألي خير ياستي روحي خشي معاها وخليكي جمبها ومتسبيهاش ..
وبعد لحظات وسعات طويله من الوقت مرو علي الحج خالد وكأنها اليوم بطوله سمعو بكاء المولود الجديد...
اسرعت السيده منيره لتزف البشاره للحج خالد
حمد الله عل سلامتها ياحج خالد ولكنها سكتت عندما سألها عن جنس المولود فخافت ان يحزن
الحج خالد. الله يسلمك ياست منيره هي عامله ايه وجابتلي ايه...
الست منيره ربنا رزقك ببنوته بس والله تقول بنت اجانب قمر ياحج قمر ..
الحج خالد. رغم حزنه لانه كان يتمني ان تنجب له ولد يحمل اسمه وبلذات منها الحمد لله علي اللي ربنا جابه ربنا يحميها ..
السيد عمر. يعني انت مش زعلان ياحج خالد
الحج خالد. مخبيش عليك انا كان نفسي تجبلي ولد يحمل اسمي وبلذات منها بس هقول ايه ده رزق ربنا بقي ياعمر وكمان كده يمكن يكون اهون شويه لان ام شيماء مكنتش هتسبها في حالها ابدا يمكن ربنا ليه حكمه في كده..
السيد عمر. ربنا يخليهالك ويحميها هي وامها
خرجت الدايه مسرعه اليهم. ..
ياحج خالد ياحج خالد الحقني بسرعه .
الحج خالد في ايه ياست ام عبده خير ..
اللحق ياحج الست فاتن تعبانه اوي ووشها مصفر ومحتاجه تروح المستشفي قوام..
دخل الحج خالد وشاهد زوجته وكأنها جثه هامده فأخذها بين زراعيه وحاول افاقتها ولكن دون رد
نادي علي صديقه السيد عمر ..
عمر اتصل علي الاسعاف بسرعه ياعمر بسرعه.
عمر انا اتصلت عليهم من بدري زمنهم علي وصول
وفي لحظات اتت سياره الاسعاف وبسرعه البرق حمل الحج خالد زوجته فاتن وركب معها سياره الاسعاف ولحق به صديقه عمر
اما السيده منيره فأخذت معها ابنه فاتن الي شقتها لحين الاطمئنان علي صديقتها فاتن وتعود الي ابنتها سالمه...
في شقه منيره. دخلت منيره شقتها وهي تحمل ابنه صديقتها فاتن.
فرائها حسام ابنها فأسرع اليها.. ماما انتي جبتي النونه بنت طنت فاتن مش قولتيلي محدش هيشفها غيرك ..
منيره. ماهو فعلا يابني محدش شافها لسه ولا ابوها ولا امها انا بس اللي شفتها ..
حسام. طيب وريهالي كده انا عايز اشلها ..
منيره لا لحسن تقع منك يا حسام ومامتها تزعل مننا
حسام. عيب عليكي ياماما هو انا صغير علشان تقع مني انا راجل وعندي تمن سنين ..
ضحكت منيره وقالت ههههههه والله يابني مش عارفه اضحك ولا اعيط هم يبكي وهم يضحك
حسام هتيها بقي انا هعد جمبك اهو وشيليهالي بقي
منيره حاضر خد اهي بس براحه عليها ..
حسام هاتي ياماما بسم الله الرحمن الرحيم مش كده صح ياماما اسمي قبل ما اشلها ..
منيره بابتسامه صح ياحبيبي جدع ..
فحملها حسام وكأنها سحرته من جمالها الملأكي
حسام الله ياماما ديه حلوه اوي مشاء الله ديه احلي من اختي بكتيير...
منيره بضحك بس ياواد عيب متقولش كده الاتنين حلوين ..
حسام حرام عليكي ياماما ديه اموره اوي هيسموها ايه ..
منيره لسه ياحبيبي معرفش لما امها تيجي بلسلامه من المستشفي هيسموها انشاء الله..
حسام وقد اخذ ينظر اليها في حب وقال انا بقي هدورلك عل اسم يكون حلو زيك كده وهحبك اوي وهجبلك حجات حلوه كتيير ومش هخلي حد يزعلك ابدا ابدا
ابتسمت له والدته وقالت ياعالم ياابني ايه اللي مكتوب ليها في الايام االي جايه ديه ربنا يعديها علي خير يارب..... 🙏❤
لانعرف ماهو مصيرنا ونحن صغار نلهو ونلعب. ونضحك دون ان نحمل في قلوبنا شر او هموم. ولانعرف ماذا تخبئ لنا الايام. ...
الي اللقاء في الفصل الثاني اتمني ان تنال اعجابكم 😍😘😘(Naglaa helal)
أنت تقرأ
تاني حب في حياتي. بقلم / Naglaa helal
Storie d'amoreرومانسيه كانت تعلو وجه ابتسامه صغيره ولهفه لمجرد رؤيته لابنه جيرانه عندما ولدت فأخذها بين زراعيه واحتضنها فقال لها ببراءه الاطفال انتي ستصبحين زوجتي وابنتي وسأحميكي من الجميع لم يعرف ماذا سيخفي لهم القدر عندما ينضجو هل ستتحقق احلامه ام ان للاحلام ر...
