"لم نحصل في هذه المرة علي الحب الذي كنا نستحقه."
••
" في سنو فلجه العالي درجة روحو عاجبة طغيان براه ي عنيا .. الليله من وين .. الليله من وين ي عنيا "
تعالت أصوات " الدلوكه" و الزغاريت .. اصوات الضحك والونسة
البيت كان مُنظم بطريقة حلوة وانيقة ..
كان في طاولات خشبية عالية عليهم مفارش بالأسود في الهول والصالة والحوش
اترصت حوالينهم كراسي خشبيه ملبسه بالأسود .
الشيالات مرصوصه بطريقه فنية ..موزعة بين الضيوف .
غادة وآخر قشرة هي واخواتها
الونسة الكانت برستيج مصطنع ..
وصفية واهلها ما كانو أقل منهم .
لحظات وطلبو من الضيوف يرتصو حوالين الطاولات .
أي شي كان فخم ومبالغ فيه .
بعد العشاء :
_ ان شاء الله يوم ١٢ الشهر الجاي ح يكون العرس
: بإذن الله.. الله يسهل
بعد الخبر دة البيت اتملا تاني بالزغاريت والاغاني
..
يوم ١٢
" عرس محمد وورد "
صيوان كبير مُزين بطريقه جميلة ومقفل كلو .. على اطرافو في مكيفات متحركه .. قافل الشارع من بدايتو .. والعربات .. كمية الناس كبيرة جدا
الاهالي من البلد
أصدقاء محمد وفؤاد .. غير اصدقاء النور.
الساعه ١٢ .. بعد صلاة الجمعه.. في الجامع القريب من البيت كانو سامعين تفاصيل العقد .
" زوجتك موكلتي ......."
••
لحظات وصوت العيار الناري اتعالى واتواصل لغاية ما وصلو البيت
اصحاب محمد شايلين كلاشات وبيضربو نار في الهوا ..
" أبشر ي عريس .. أبشر "
الجملة كانت بتتردد كتير
وداك محمد العريس جاي من بعيد حوالينو أصحابو.. جنبو اخوه فؤاد
محننين يدينهم ..
لابس جلابية بيضاء مع عمة أطرافة مطرزة بالأسود .. على كتفو شال مطرز بالأسود وشبط أسود
" نقطة مهمه يعني .. الجلابية محتاجه طول وعلا 🙂🙈 وشكراً "
••
في البيت صفيه في نص اخواتها .. مع دموع الفرح والمباركات
دخلت فاطمة وفي يدها شيالة فيها بلح
: خلو البكا .. وشيلو بلح العقد وادعو للبايرة فداء تتخارج بسرعه
سكينة: اي ي بتي وندعيلك كمان الله يخارجك بسرعه
فاطمة: لسه بدري ي خالتو .. انا عايزة اقرا🙈
