عودته "His Return "

الفصل الثالث

فى منزل نيره

يحل الصمت المكان بعد تفجير هذه المفاجئاه وكانت الصدمه من نصيب نيره وشريف فقطع هذا الصمت صوت والد نيره وهو يقول

= طبعا طبعا وانا هلاقى مين احسن من شريف ل نيره بنتى يصونها ويحميها ويحافظ عليها

فقالت نيره بصدمه

= حضرتك بتقول اى يا بابا حضرتك مفاتحتنيش فى الموضوع ده قبل كدا ولا جبتلى سيره خالص

فقال والدها

= اصل شوقى باشا فاتحنى فى الموضوع ده من كام يوم كدا وعلى ما فكرت ودورت على شريف ولاقيته شخص مناسب وماشاء الله عليه مركز فوافقت واهم بيتقدموا دلوقتى

قال شريف بعد صمت كبير يستمع الل ما يدور من حوله

= تمام يا نادر باشا انا موافق جدا بس ممكن اقعد واتكلم مع الانسه نيره شويه علل انفراد

فوافق والده ووالدها على الفور وتركوهما بمفردهم فقالت نيره بحده

= انت اى يا بنى ادم تعرفنى منين انت على شان توافق اصلا هو على شان شوفتنى مره خلاص ولا اى وانا رافضاك اساسا

فنظر لها بلامبالاه وقال لها

=خلصتى طب تمام انا اصلا مكنتش اعرف ان والدى هيحطنى فى الموقف ده بس طبعا لازم مسببش ليه اى احراج ووافقت على طلبه مش هيجرى حاجه من فتره خطوبه واصلا انا كنت مقبل على الخطوه دى

وغمز لها بطرف عينه فى مشاكسه ففغرت فاها من افعاله وقالت

= قصدك ان انا كنت هحط بابا فى موقف محرج وان حضرتك الى عرفت تتصرف مش كدا

علت الدهشه ملامحه كان دائما يسمع عن هرمونات السيدات وكيفيه التأثير على تفكيرهم ولكن اول مره فى حياته يرى هذا عملى امامه فقال لها

= هو ده الى لقطيه من كلامى كله لابجد شابووه ليكى تفكير ستات من الدرجه الاولى

ومن ثم انفجر فى نوبه ضحك شديده سيطر على ضحكه ومن ثم حمحم قائلا

= خلينا ندخل فى الجد بقا انا اسمى شريف شوقى المنشاوى  عندى ٢٩ سنه مقدم فى القوات الخاصه طبعا انتى عارفه ان مهنتنا تحتم علينا ان حياتنا دايما فى خطر وان حياتى مش ملكى وعلى كف عفريت ومستنى انى انول الشهاده و..

كاد ان يكمل كلامه لولا مقاطعتها له وهى تقول

= بس بس اى كل ده هو المفروض كده ان انت بتحببنى فيك وروحى على كف عفريت واستشهاد اى يا ابنى كل دا وانا مالى اعرف كل دا انا اصلا مبحبش مهنتكوا لا وانت جيت تكحلها عميتها مشاء الله عليك .

جيت احكلها عميتها!!!!!!

قالها فى صدمه شديده من حديثها وعلم انه سوف يتعب مع هذه الفتاه ليجعلها تتعامل معه ببعض من الاحترام ..