🔥 Les amoureux dans le Saint Valentin🔥
💫By:Bakhta Lahouichi 💫
📎Épisode 7📎
بقات قاعدة زعما تعب مع الاستاذ....وهيا في الحقيقة سطر لي في رجلها غير يزيد....وزيد تستنى فيهم يوصلو....
#بعد__5__دقائق...
جا زاكي مع حنان وسهيلة....غير شافو ريحاب تخلعو....وهيا طلعت حاجبها تع راك تشوف شح....
الاستاذ:اخرجو بين 3 جيبو لبي...
زاكي بلا ميشوف في الاستاذ يرفد الورقة....والبنات ورولو دفتر المراسلة....
الاستاذ:روحو اقعدو....
كل وحدة قاعدة مع حنونها....
جازت هديك الساعة....غير خرج الاستاذ راحو لبنات عند ريحاب....
سهيلة:كيفاش....
حنان:بصح كنتي من لور كيفاش دخلتي....
ريحاب:كي تكوني مترجلة تقدري ديري كلش....انا على الأقل دخلت بروحي....ماشي باسم بابا....
أوس:خلاص ريحاب....
كانت راح تهدر حتى عيطو لاوس....
أوس:ريحاب نرد ونجي....
ريحاب:اوكي....
غير راح اوس جا عندها زاكي....
زاكي:كي يكون عندك باباك ولا خوك امبعد ولي ادخلي باسمهم....
ضربها ديركت وين الجرح....
ريحاب:هههه صح معنديش بابا وخويا....بصح معتمدة على روحي ماشي كيفك....راجل قد الحيط ومزالك تعتمد على باباك....يخي 106....
زاكي:قحبة كيفك تقلي 106....
ورفد يدو راح يضربها....حتى شدتها حنان....ورفدت يدها وعطاتو كف قدام الكلاسة كامل لي كانو يشوفو في العرض....
حنان:واش تحسب روحك باش ترفد يدك على ختي وتقلها قحبة....علبالك واش معناها معندكش باباك....علبالك واش معناها واحد يعايرك بحاجة جرحاتك....علبالك نت واش تحس طفلة كي يكون معندهاش بابا....تحس بلي العالم كامل يظلمها ونت تجي تحب تتقوى عليها....شوف اعرف بلي قبل متوصل لريحاب ولا سهيلة انا راح نكون في وجهك.....
زاكي:علجالها ضربتيني....
حنان:وعلجالها نقتلك عادي....ننسى كامل شكون نت....وديجا لي بيني وبينك هنا خلاص....اي حاجة كانت بينتنا هنا وخلاص....
⚠️Bakhta⚠️

أنت تقرأ
Les amoureux dans le Saint Valentin(باللهجة الجزائرية🇩🇿🇩🇿 كاملة 💋)
Romanceهدا لكرونيك راح يكون مختلف باسكو راح يكون جاي من الواقع وقصير راح نحكي على لي كوبل في عيد الحب كل كوبل وكيفاش جاز عليه عيد الحب راح نحاول نخليه بطابع كوميدي رومنسي أن شاء الله يعجبكم برك🤦🏻♀️🤦🏻♀️ راح تكون قصيرة اصلا فيها غير 12 حلقة وراح ن...
