🔥 Les amoureux dans le Saint Valentin🔥
💫By:Bakhta Lahouichi 💫
📎Épisode 8📎
قالت هكدا وخرجت من لكلاسة....ريحاب تبعتها....جات تجي معاها سهيلة مخلتهاش....
ريحاب:حابة نحكي معاها وحدي....
سهيلة:اوكي....
راحت تبعتها وصلت عندها....كانت في كلاسة وحدها وتبكي.... راحت عندها ريحاب....
ريحاب:علاش درتي هكدا....علاش حبستي معاه ونتي تحبيه....حرام عليك تحبسي معاه علجالي....دوكا طول عمري وانا نحس بالذنب....باسكو علبالي تحبو بعضاهم....دوكا نحس روحي سبة في تفراق لي كوبل....
دارت عندها حنان....
حنان:ايه نحبو....لالا نعشقو نتي تعرفي شحال عندي نحبو.... شوفي ليوم كيفاش راني لابسة كلش حمر غير علجالو....رآهم يقولو عليا بهلولة وكافية لبست كلش باش تبين بلي تحبو.... وباش هو يحبها....من قبيلة وانا نسمع البنات يضحكو عليا على لبستي وكامل قالولي حلابة....بصح انا متهمني حتى وحدة.... كاين نتي وسهيلة وزاكي وولديا لي يهموني لباقي والو.... بصح معندوش الحق كل مرة يجرحك....كل مرة يحب يغلط معاك.... نحبو بصح منقدرش نسمحلو يهين ختي....وزيد ناوي يضربك.... نتي ختي توجور واقفة معايا....دوكا صاحبي يجي يضربك وانا ساكتة منقدرش....كنت توجور نشوفو يغلط معاك ونسكت....بصح خلاص نتي ختي....محال نزيد نسمحلو يجرحك....
بقات تسمع فيها....وعنقتها وبدات حنان تبكي....
ريحاب:اسمحلي ختي اسمحلي....
حنان:تزيدي تقولي سميحلي نضربك....
ريحاب:ههه اوكي اي روحي اغسلي وجهك ونروحو نقراو....
حنان:عادي بلا منغسل....
مسحت وجها وراحت.... وريحاب ولات تمشي بالسيف من رجلها....غير دخلت لقات لكلاسة مڨلبة....اوس يضرب في زاكي....ورياض في الوسط يحاول يسلك....بصح مقدرتش.... كل واحد يضرب لاخر....بصح اوس كان يضرب فيه كتر....
⚠️Bakhta⚠️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
Les amoureux dans le Saint Valentin(باللهجة الجزائرية🇩🇿🇩🇿 كاملة 💋)
Romanceهدا لكرونيك راح يكون مختلف باسكو راح يكون جاي من الواقع وقصير راح نحكي على لي كوبل في عيد الحب كل كوبل وكيفاش جاز عليه عيد الحب راح نحاول نخليه بطابع كوميدي رومنسي أن شاء الله يعجبكم برك🤦🏻♀️🤦🏻♀️ راح تكون قصيرة اصلا فيها غير 12 حلقة وراح ن...
