هلووو حبايب قلبي
شلونكم شخباركم
مشتاقتلكم
#دخيلة...😘😘
#للكاتبة.MareAil
"يشعرُ المرء بالإمتنان كلما وجد من يهتم لتفاصيله الصغيرة، تلك التي لا يمكن لأحدٍ أن يلاحظها."
ولاء،،،كعدت صبح ع صوت صياح وبجي كمت غسلت وجهي ولفيت شالي عدل ونزلت شفت زلم تركض وسلاح بيدها ونسوان بجي واكو وحدة موتت نفسها من عياط وصيح ابني راح مني
اني ماتقربت بقيت بعيدة شوية ومرة وكعت رحت جبت مي واطيتها باوعت علية وشكرتني بس وحدة دفعتني حيل
.....انتي وجه فكر بس حطيني رجلج بلبيت جبتي مصايب وياج اولها هيج الله يستر من تاليها
ام وليد،،،استهدي برحمن خية بنية شلها دخل موضوع قديم وهسة رجع
.....لا هي فكر
منار،،،اكول ماسكتين تلومين بنية ع شغله مالها دخل بيها الي يريد يكعد هنا يكعد بحترام والي مايعجبه باب موجود
....تطرديني من بيت خاطر هاي
منار،،،ام جاسم (اصير مرت اخوها)اني ماطردت بس كلت لا تقللين من مكانت احد هنا
تعالي ولاء وياء
ولاء،،،اشوفهن شلون يحجن عليه بس مااكدر اردهن لان اكبار احترام عمرهن بس خالتي ومنار كفن رحا وية منار للمطبخ
منار،،،انتي ليش سكتيلهن
ولاء،،،نسوان كبار شجاوبهن عيب
منار،،،عيب ربي مين بلاني بوحدة مثلج هاي ناس ماتعرف عيب لو تاخذين حكج بيدج لو تنوكلين
ولاء،،،من هاي تعاركتي وياها
منار،،مرت اخوي
ولاء،،،ليش مومثل خالتي ام وليد وام علي حبابات
منار،،،طبيعتها هيج
ولاء،،،وهاي الي تبجي شبي ابنها وليش هل بجي وسلاح
منار،،،اعرف بيج خايفه من الي شفتي بس بلنسبة النه عادي مو اول مرة يكولون متعرضين اله بطريق وهوة هسة بلمستشفى ومانعرق وضعه شنو
ولاء،،،خطية مابي غير عافية
للضهر وناس بعدها ولد محد رجع يطمنهم صبو غدة كلها تاكل محد مهتم وامه خطية موتت روحها من بجي شفتها كاعدة بدون اكل رحت يمها
خالة ليش ماتاكلين موزين عليج راح توكعين
ام فيصل ،،يمه مالي نفس وابني مااعرف خبر عنه
ولاء،،،بس خاله اذا وكعتي منو يكلج خبر عن ابنج مفروض انتي هسة تاكلين حتى تروحين شوفي ويستمد قوة منج اذا شافج هيج يزعل
ام فيصل ،،مااشتهي يمه اوليدي شلونك
ولاء،،،انتي مو تكليلي يمه يعني اني مثل بنتج راح تردين بنتج
قنعتها تاكل بعد تعب اكلت شوية عفتها ع راحتها رحت وية منار خطية بس هي تشتغل بنات كلها كاعدة مايتحركن اشتغلت وياها وكع مي ع ملابسي ماهتميت من خلصتهن درت وجهي وشفت وليد واكف ارتبكت ماكو احد غيرنه هنا هوة ماحجه وياي من اول مااجيت
وليد ،،،ممكن تطيني مي
ولاء،،،حاضر اطيته مي واشوفه شلون يباوع علية انتبهت ع نفسي ملابسي بيها مي ومبين جسمي ترخصت منه ورحت للغرفه ابدل غيرت ملابسي طبعن سمحتلي منار البس منها لغايت ما اهلي يدزون الي ملابسي او ارجع وياهم شوية وشفت بنات اثنين فاتن
سمر،،انت شعندج وية شيخ
ولاء،،ها ماعندي شي
حلا،،،ولج شفناج شلون تطي مي وداري لا عبالج يكلب وحدة مثلج ترة عندة بنات عم هواي ومايخذ غريبه لاضلين تتلوكين
ولاء،،،بس اني مااتلوك لحد هوة طلب مني ارفض
سمر،،،اي ترفضين لان وليد الي سمعتي الي والي تقرب منه الله ماخلقها واشوفها عذاب بحياتها ماشافته فاتقي شري وبعدي عنه
ولاء،،،بعدي عني انتي منو سمحلج تتعدين حدوج لاشوفيني ساكته عبالج مااكدر ادافع عن نفسي لا غلطانه اني اكبر واحد مايوكف بوجهي
سمر،،،والله وطلعلج لسان اي عفية وهسة تعالي
ولاء،،، مااحس الة وحدة لزمتني وثانية تضرب بية حيل واني اعيط من ضرب من صدك وجعتني عمري محد ضاربني هل ضرب وايد بعدها توجعني وهي ضربنتي عليها صحت كل قوتي مااحس اله انفتح باب وشفت وليد كلت لاتعوفني صار ضباب وبعد ماشفت شي.......
وليد،،اجه وكت اعرفكم عن نفسي اسمي وليد والدي والدتي ربي يحفضهم جدي الله يرحمه بس جديتي عايشة ويانه اني ايد ابوية ليمين و شيخ من بعدة عندي اخ واحد اني لازم كل حلال مالتنه مبتعد عن نسوان حيل لان حبيت بنت خالتي وماصارت قسمه واخذها ابن عمها نهى عليها ماريد كلبي يحب مرة ثانية ويتعذب مرة كاعدين بلديوان وفاتت علية وضعها مايطمن ماقبلت احد يشيلها غيري فوتتها للبيت جبت دكتورة كالت خدش بطلقه بكتفها ضلينه ننتضر لحد ماكعدت سولفت قصتها النه اني ماحجيت وياها ابد ماعرف بس تجنبت اي حجي سوة اجوي اخوتي ولدعمي ضحك وسوالف وياهم بس اني ضجت ليش ماعرف وحتى من اخلي راسب ع مخدة طيفها يجي كدامي رجعت من مستشفى ابن عمي تعرضولة بلطريق رطعت تعبان جانت هي بلمطبخ طلبت مي جابت بدون صوت بس شفت ملابسها ردت احجي بس هي راحت زين حست ع نفسها صعدت للغرفه ابدل حتى اطلع سمعت صوت عيطه قوية احنه بناتنه مالهن صوت وخصوصا اذا اني موجود عاد مو هيج طلعت واني متعصب حيل ع صاحبه صوت وصلت لغرفه عمتي فتحت باب بس مقفول شوية وصوت بعد اعلى دفعت بابا قوي كسرته شفتها شلون عيونها حمر من بجي وشعرها مبين مكتوله اباوع سمر وحلا اكيد هن ورة هاي شغلة بس وكفني صوتها لا تعوفني تتحامه بيه وكعت صحت بيهن برة والله الي اشوفها هنا احش رجليجن حش صيحي عمتي يلة
منار،،،ها وليد ص...يمه بنية شبيها
وليد،،،ماعرف فتت شفتها هيج ساعديني وبس
منار،،،هذا خايفه منه ماكفاهن صبح هسة كم
لن عليها خطية
وليد ،،،ليش شصار صبح
منار،،،مرت عمك مابقت كلمه ماكالتها لهاي بنية وهي ضلت ساكته وهسة بناتهن كملن
وليد،،،شلون يتجازين عليها وهي دخيلة عدنه
عالجي جروحها هسة اجي
نزلت وشفت كل مجتمع
حلا سمر
والله اذا سمعت واصلات يم ولاء او كايلات كلمه بحقها اخليجن تطلعن من بيت جنازة ماتستحن بنت خطار هيج سون بيها
ام جاسم،،،شبيك يمه هيج هاد ع بنات عمك لخاطر وحدة غريبه مفروض توكف وياهن اكيد هي جذب
وليد ،،،صدك اني شفتهن بعيني شسون بيها حاضر يعلم غايب هي يحمايتي والي يمسها حسابه يمي
مفهوم عفتهم وصعدت غيرت لبسي اريد اطلع اؤجع للمستشفى رحت عليها شفت عمتي كلت شلون صارت
منار،،، والله ماعرف شكلك بس حيل تعبانه هسة ترتاح شوية وتكوم مابيها شي بس يبعدن عنها
وليد،،،بلغتهم لاتخافين اني رايح اي شي يصير خابريني ماشي
منار،،،ماشي
وليد،،،رحت للمستشفى وبالي يمها طلع ابن عمي عمليات بس حالته مامستقرة ضلينه طةل اليوم يمه لحد ماكعد لليل رجعت خبر للبيت هوة كعد من بنج بس بعد اضرار بجسمه رجعت للبيت ضلو ولد يمه ماكو صوت يمكن نايمين لان وقت تاخر رحت غرفتي بس رجلي اخذتني يمها اريد اطمن عليها فتحت باب ضوة من شباك ع وجها مبين تعب عليها كربت منها
سمعتها تحجي بهمس حطيت ايدي ع راسها جمر بنية صخونه نار صايرة كعدت منار اني ماصيحلها عمة منار
منار،،،نعم
وليد،،،بنية صايرة جمر يمج كومي ساعديني
منار،،،وانت شعندك هنا
وليد،،،مو وكتج ساعديني
منار،،،اخذها ع حمام تغسل بمي بارد حتى تفك صخونه
وليد،،،اخذتها وحطيتها بلحمام كلت لمنار تلزمها بس ماكدرت عليها اني لزمتها هي رجفت بين ادية من برد اثنينه سبحنه بلمي لان حضنتها وحطيتها جوة مي شلتها وحطت راسها ع صدري ونفسها حار اني مستحمل هذا كله ربي صبرني حطيتها ع سرير وكلتلها تغير ملابسها اني راح اغير ملابسي واجيب دوة واجي
منار،،،صار
وليد،،،رحت لبست تراك اسود ونزلت ادور دوة لكيت وجبت مي ورحت للغرفه شفتها مغيرة لبسها وجها احمر شعرها منثور ع مخدة منضرها مثل ملاك نايم اطيت دوة لمنار ورحت للغرفه لات اذا ابقى ربك بس يستر مانمت ضليت اتكلب وبالي يمها صحت لولا كمت رجعت غرفتها حطيت ايدي ع راسها زين حرارة نازلة فتحت عيونها وردت سدتهن عفتها ورجعت نمت
ولاء،،بعد ماضرني بنات وشفت وليد فقدت بعد ماعرف شصار غير من وكع علية مي بارد اريد احرك جسمي مااكدر ايد ملفوفه ع خصري وبعدين شالتني يمكن حلم شفت احد يفوت للغرفه بليل حط ايدة ع راسي وبعدين راح هسة راسي يوجعني حيل شصار حتى هيج وجع لحضة اني ما جنت لابسه هيج بارحه يعني الي صار مو حلم بس منو الي سوة هيج
ميت فكرة بالي منار ماكو كلعادة رحت سبحت وريحت جسمي شفت اثار ضرب ع وجهي اني الهن نزلت شفتهم كاعدين سلمت عليهم
جدة،،،يمه بنيتي منو مسوي هيج بيج
ام وليد،،،يمه منو اذاج
ولاء،،بارحه طلعت بلحديقه جنت امشي واجه جلب وهجم علية
جدة،،،يمه غير ديرين بالج
ولاء،،هوة جلب ماكدرت علية
وليد،،،كعدت صبح بدلت ورحت للغرفه شفتها ونزلت شفت كل موجود سلمت كعدت اتريك شوية ونزلت امي وجديتي سالنها ع جرح صدك مشوهات وجها بس بعدها حلوة
هي جاوب جلب والله ضحكتني
منار،،،يمه هذا جلب مسعور لازم نلكاله حل
احمد،،اوديج للدكتور خاف متاذية
ولاء،،لا ماكو داعي مابية شي واذا صار شي اول واحد انت اكلة
احمد ،،،طبعن اول واحد اكلي لعد حتى يصير بيج حيل تكتلين جلاب موهن يكتلنج
منار،،ولاء،،،،،هههههههههههه
ام وليد،،،يمه الله يدوم ضحكه
وليد،،،حضرو نفسكم اليوم راح يجون ناس حتى نحل مشكلة الي صارت بارحه ماريد اي تقصير منكم
كل،،،حاضر شيخ
ابو وليد،،،،،ابني انت الي راح تحلها اني راح اطلع عندي مشكلى بغير محافضة دزو عليه انت يمكاني هنا
وليد،،،تدلل احسبها محلولة
.
.
..
.
.
رايكم
