هلووو حبايب قلبي
شلونكم شخباركم
مشتاقتلكم
#دخيلة...😘😘
#للكاتبة.MareAil
نسيت أنساك شنسه وبالي كله وياك
صعب مثل الجمر ماينحمل فركاك
وكلت أنساك باجر من يمرني أليل
آثاري أليل جايب كل غرامي وياك
كل ايامنة الجانت ضحك وفراح
هسه تحولت دمعات بس تنعاك....!
ولاء،، طول طريق وبالي يم بابا شلون وضعه تلفونب صامت وبلجنطه وصلت للمستشفى ركضت ع غرفه بابا وصلت لكيته كاعد رحت حضننه ...بابا ليش خوفتنه عليك شلونك يوجعك شي بيك شي
ابو ولاء،،،بنيتي مابية شي هاي اني كدامج انتي شلونج امج حجتلي عن الي صار وعن روحتج للشركه ليش بنيتي رحتي والله خفت لا صار شي بيج
ولاء،،مابية شي ...ضلينه نسولف وفات عصام سلم ع بابا وتحمدله بسلامه مر يوم عادي كالو باجر يطلع
ابو ولاء،،،باجر نرجع للبيت مايصير نبقى هنا عيب ثكلنه ع ناس
ولاء،، صار بابا اني راح جهز كلشي للروحه مالتنه بس ارتاح بس انت سمعت بوليد
ابو ولاء،،،لا شبي وليد
ولاء،، نضرب طلقه بارحه
ابو ولاء،،،شلونه هسة ليش ماعندي علم وشلون صار
ولاء،،،كعد قبل لا اجي وحجيت لبابا كلشي صار .....
ابو ولاء،،،ماتوقعت يطلع كل هذا من فهد واني اعتبرة مثل ابني
ولاء،،، هسة شراح اسوي
ابو ولاء،،، ننتضر لحد ما يرجع وننتقل غير بيت
بس هسة عصام ابني شوفلي وضع وليد شلونه اريد احجي ويا
عصام ،،،صار عمي
ولاء،،، خابر عصام ع وليد و فتح سبيكر
الوووو
ابو ولاء،،،شلونك ابني احمد ع سلامه
وليد،،،الله يسلمك عمي انت شلون صرت
ابو ولاء،،،بخير تسلم ابني مااعرف شكلك بصراحه الي صار بيك بسببي واني خجلان منك حيل اعذني ابني
وليد،،لاتكول هيج عمي ماصار شي اني بخير والي راح راح انسة الي صار شوكت تطلع
ابو ولاء،،،باجر ان شالله اذا تحاليل زينه اطلع وانت
وليد،،،باجر اطلع هم
ولاء،،،اسمع كلامهم وشلون صوته تعبان من كال باجر اطلع كلت بسرعه .....بس بعدة جرحك جديد شلون تطلع
وليد،،،مابية شي واكو حلم لازم احققه لهذا سبب اني طالع
ابو ولاء،،،ان شالله يتحقق ابني انت طيب والله يوكف ويه طيبين
وليد،،،شكرا عمي
ابو ولاء،،،اخذ راحتك ابني باجر نشوفك ان شالله
وليد،،ان شالله
ولاء ضلينه كلنه يم بابا ماعفنا حتى بليل بقينه يمه حجز غرفه للصبح واجه علي سلم ع بابا وعلية وعينه ع غزل مانزلها ابد هذا شبي لازم اعرف شنو بينهم وصلنه للبيت سلمو علينه عادي ورحبو بينه يمكن مايعرفون سبب دخول وليد للمستشفى حطيينه بابا بلغرفه ورحت لغرفتي اتاح اجتي منار
منار،،،ها بذاته
ولاء،،،اني بذاته موجنت اخابرج
منار،،تحسبين دقايق الي تحجين وياي مخابرة
ولاء،،، والله شغل
منار،،صدك الي سمعته كعدتي وية وليد بشقته
ولاء،،هااا منو كالج
منار،،،وليد كال وانتي ماكلتي ليش
ولاء،،هوة كال ماريد احد يعرف شعرفني هوة ؤاح يكلج
منار،،اليوم وليد يجي وكال اريد اكول شي تعرفين شكو
ولاء،،لا
منار ،،كلت ايجوز تعرفين لان كعدتو سوة بلبيت كلت ايجوز عندج علم
ولاء،،،لا ماعندي علم بشي متوهمة
منار ،،،ايجوز ياخبر اليوم بفلوس باجر يصير بلاش حضري نفسج شوية ويجون كالو وصلو
ولاء،،يوصلون بسلامه
سبحت وغيرت لبسي لبست فستان اسود وبي طوبات بيض لبست شال ابيض وحطيت مكياج خفيف سمعت هوسة جوة نزلت جوة اكيد اجوي نزلت ع درج شفته يسلم ع اهلة ماكو احد غريب مابلغو احد برجوعه لان تعبان ومحتاج راحه شافني من جان يسلم عليهم غمزلي وابتسم الي ابتسمت بوجه كعد وكلها كعدت يمه حتى بابا وعصام يسولفون جمعتهم حلوة بضحكتهم وسوالفهم
لحد ماحجة وليد صدم كللللل
.
.
.
وليد،،،، من طلعت من من مستشفى وبالي يمها من طلعت عيوني وراها ومن وصلتني رسال صار بالي يمها اكثر وادك تلفونها ماشيلة اذا ماتريد اجاوب ليش دزت هذا كلام ومن خابرت ابوها هي يمه يعني وصلت كلت...اريد اطلع ارجع للبيت
ابو وليد،،،ابني بعدك هسة تعدت مرحلة خطر حياتك بعدها تعبانه
وليد،،،اريد اطلع تدرون بيه اكره مستشفى
احمد،،،انت شراح تستفاد من طلعه حنى حياتك صير بخطر انتضر هذا سبوع ونطلعك
وليد،،،لا باجر اطلع يعني باجر ..طلعت ع مسؤليتي وبالي يم رساله جان مضمونها
💞💞💞
- يوم جديد
- أنھَض فَالأحلام تَنتظر تَحقيقھا ؛💛
💞💞💞💞
وصلت للبيت بسيارة اسعاف يعني ماتعبت هواي وصلت شفت عائلة فرحانه برجعتي عيني بلوجوه اريد اشوفها مشتاقلها عائلة كلها كاعدة ضحك وسالفه كلت هذا وقتها ...ياجماعه خير عندي شغله وياكم
ابو وليد،،،كول ابني شكوو
وليد،،اني قررت ازوج
ام وليد،،،ساعه مباركه ابني من باجر ادورلك ع مرة بس اشر
وليد،،،ماكو داعي اني مختار مرتي بس اري اهلها يوافقون عليه
ام وليد،،ياهو هاي ترفض ابني شيخ وليد
وليد،،عمي ابو ولاء اني اريد اطلب ايد بنتك ولاء ع سنه الله ورسولة والي تطلبه اني حاضر
ابو ولاء،، اشرف بيك ابني لو بيدي اكلك كبع واخذ بس قرار اول وتالي بيد بنية شتكول ولاء اني وياها وهاي كدامكم كولي بنتي انتي موافق لولا
ولاء،،،صدمني حيل يريد يزوج وضجت منو هاي حاط عينه عليها معقولة مايحبني وجنت عيني علية وع كلامه وبالي مويمهم لحد ماكال بابا كولي بنتي شتكولين.....كلت هاااا اسفه ماسمعت شكول
ابو ولاء،،،بنتي وليد طلب ايدج مني وكلت ناخذ رايج شتكولين
ولاء،،اباوع عليهم كلها تنتضر جوابي واني اساسا مامستوعبه الي كالو يعني يحبني ابتسمت وسكت كلت بابا بكيفك شتكول اني موافقة ع قرارك
ابو ولاء،،،ع بركه الله الف مبروك ابني
ولاء،،سمعنه هلاهل
وكل فرحانه قرو فاتحه وحدد بعد اسبوع خطوبه لحد مايصير وين وليد صبو غدة تغدو وليد كلما اشيل عيني من ماعون اشوفه يباوع الي حتى ماكدر اكل من خجل عفت اكل ورحت للمطبخ لكيت بنات هناك وبعد كل ناس راحت ارتاحو واحنه خلصنه شغل بيت عصر كله خطار ناس رايحه جاية وكل عرف بخطوبت شيخ وليد
.
.بعد سبوع .....💕💕 يوم خطوبة😍🎉
ولاء،،خلال هذا سبوع وضع وليد زين كدر يستعيد صحته بس اني ماقربت منه اشوفه من بعيد بس نضرات بينه لان دائما اهلة حوالي واني استحي منهم جهزنه للخطوبة مابقيت شي بنفسي مااخذته لان عمتي خلتني براحتي حجزنه صالون وبدلة وكل يجهز و يركض عبالك عدهم عرس مو خطوبه كعدت صبح سبحت ورحنه للصالون حتى جهز نفسي.....
.
..
رايكم بلبارت 🌷🌷🌷
احبكممم 😘😘😘
بايييي
