هلووو حبايب قلبي
شلونكم شخباركم
مشتاقتلكم
#دخيلة...😘😘
#للكاتبة.MareAil
"أما زلت تظن بأن هناك شخص مختلف؟ ألا ترى بأن الأحداث جميعها متكررة؟، ألا تشعر بأنهم يخيّبونك في كل مرة؟، و أن المواقف جميعها بآلمها تُعاد لك بألف طريقة؟، ألا زال لديك أمل في أنه سيخرج إليك من هذا الحشد المزيف شخص حقيقي؟، أما أنا فقد فقدتُ الأمل في الناس جميعًا."
ولاء،،،كعدت من وكت لان اليوم اروح للشركه سبحت ولبست
الف بلشال وندك باب معقولة وليد 😍😍😍
عدلت نفسي ورحت ركض للباب اخذت نفس وفتحته شفتت فهد...
فهد،،،صباح خير
ولاء،،،استاذ فهد صباح خير
فهد،،،اسمي فهد
ولاء،،، هااا
فهد،،،بدون استاذ احنه مو بلشركه
ولاء،،،هاااا اي
فهد،،،شكلج اجاهزة اكدر اعزمج ع ريوك
ولاء،،بس اريد اروح للشركه
فهد،،،اي واني هم اروح اوصلج بطريقي
ولاء،،،بس اني انتضر وليد نطلع سوة وانت شعرفك احنه وين
فهد،،،مايخفه علينه شي وليد يكدر يجي وراج يعني مواله سوة لو بينكم شي
ولاء،،،طيب دقايق واجي تكدر تنتضرني جوة وهسة اجي وراك
فهد ،،انتضرج
ولاء،،،طبيت للغرفه هذا شجالة هسة وليد وين دكيت عليه ع تلفون ماكو مايجاوب ابد شصاير ويا هوة دائما يكد من وكت ليش هسة لا دزيتله رساله اني راح اطلع وية فهد ولازم يجي لان ماريد ابقى وحدي ويا كلت نص ساعه اذا ماجاوب اخابر عصام ماعندي غيرة طلعت لكيت بلباب واكف ....عبالي نزلت ليش واكف هنا
فهد،،،شلون تقبلين اخليج وحدج هنا لازم ننزل سوة
ولاء،،،بس اريد اشوف وليد ليش ماكو
فهد،،ماتخلي نايم ليش تزعجي
ولاء،،لا اريد اشوفه
رحت ع غرفته قريبه من غرفتي دكيت باب غرفه مجد يجاوب معقولة نزل وعافني وحدي هنا
نزلت سالت عنه كالو ماطلع بعد شنو يعني وين
فهد،،ايجوز مايريد يطلع اليوم عوفي براحته
ولاء،،،طلعت من فندق وبالي يمه ..ممكن نروح للشركه
فهد ،،وريوك
ولاء،،غير مرة مالي مزاج
فهد ،،،حاضر تدللين
ولاء،،وصلنه للشركه نزلت مباشرتا بدون ماانتضرة اريد اعرف وين فهد رحت ع عصام للمكتب
عصاممم
عصام،،،صباح خير
ولاء،،،صباح نور تعرف وليد وين
عصام،،،لا ماعندي علم موطلعتو سوة بارحه اذا مووليد الي جابج ويامن اجيتي
ولاء،،فهد اجي للفندق
عصام،،،شعرفه مكانكم دربالج منه
ولاء،،مايهمني ابد اريد اعرف وليد وين لا يجاوب ع مكالماتي ولا من رحت للغرفه وسالت عنه كالو ماطلع
عصام،،،انتي روحي للمكتب واني راح اهتم بلموضوع ولا تبينين شي ماشي
ولاء،،،وليد شلون راح نعرف مكانه
عصام،،كلت لاتدخلين اني احل موضوع ولاتوقعين اوراق اليوم لحد مايجي واحد او اكلج راح اخلي بابا يمج
ولاء،،ماتثق بيه
عصام،،،لا مااثق بلي حوالج هسة راح اروح ديري بالج
ولاء،،، اوكي...طلعت من مكتب ابتسامه جذاب ع وجهي كلها سلمت علية واني ارد سلام وصلت للمكتب
داليا،،انسة ولاء عندج اجتماع....
ولاء،،، ماريد احد يفوت للمكتب اي واحد كان مايفوت مفهوم والغي كل اجتماعات اليوم اجليهن ع باجر
داليا،،،حاضر
ولاء،،فتت للمكتب وبالي كلة يم وليد شصاير ويا
تلفون مكتب دك رفعت سمعت صوت
.....دربالج شحنه الي راح تنقلوها فاسدة دربالج توقعين ع اوراق لان راح توكعين بمشاكل
ولاء،،،انت منو
.....مومهم اهم شي تنتبهين.....طوطططططط
ولاء،،، الووووو الوووو
منو هذا واي شحنه ماعندي علم احنه راح ننقل شب
طلعت برة شفت داليا تحجي وية ولد
هنا شركه مو كافتريا يلة كل واحد ع شغله وانتي عصام وين اجه لولا
داليا،،،لا بعدة
ولاء،،،اوكي دزي ع محامي مال شركه خلي يجي
طيبت للمكتب خابرت عصام مايجاوب ولا وليد يجاوب اووووف يمكن بلاغ غلط ياجوز جذب ياربي سهل
ابو عصام،،،اهلا بنيتي طلبتيني
ولاء،،اي عمو اريدك بشغله ماكو احد لا وليد ولا عصام احجي ويا بس انت
ابو عصام،،،ماشي بنيتي كولي
ولاء،،،،لحضه طلعت ع داليا ...لاتفوتين احد واذا اجة استاذ عصام خلي يجي ع مكتبي
داليا،،،حاضر انسة ولاء
ولاء،،،عمو تشرب شي
ابو عصام ،،لا بنيتي كولي شكو
ولاء،،، اكو شخص كالي اكو شحنه فاسدة راح ننقلها عندك علم بهذا موضوع وليش اني ماعندي علم اكو شحنه راح تجي بهاي فترة انت عنك عم
ابو عصام ،،،لا ماعندي علم هيج مواضيع عند استاذ فهد هوة الي يمشي امور نقل
ولاء،، طيب اوراق هيج نقل اكيد يكون عندك نسخ بما ان انت محامي
ابو عصام ،،لا موشرط الة عقود يلة تكو يمي هي امور اكثرها عند استاذ فهد
ولاء،، شيصير هنا اني مديرة لو هوة كلشي هوة الي يديرة شنو فكر نفسة يعني يكدر ياخذ قرار بدون رجوع الي
ابو عصام ،،،لا مايكدر لازم يكون توقيعج ع اوراق
ولاء،،،شحنه بارج تطلع ليش ماعندي علم
ابو عصام ،،،ولا اني
ولاء،،،ماشي عمو شكرا بس هذا موضوع لا تحجي لحد مالكه حل اله
ابو عصام ،،،صار
ولاء،، طلعت من مكتب رحت للفندق اريد اشوف وليد شصار ويا وعصام هم اختفه ويا رحت مباشرتا لغرفته دكيتها طلعلي عصام
عصام ،،انتي شسوين هنا
ولاء،،، اجيت اعرف شصاير ليش محد يجاوب وبعدين مشاكل ومحتاجتكم
عصام،،،مشكله شكووو
ولاء،،راح تخليني ع باب واكفه شصاير
عصام،،،لا بس وليد نايم
ولاء،،نايم وخر فتت للغرفه شفته نايم صدك ...معقولة نايم ليهسة شصاير وليد لزمته من جتفه وهزيته وليدددد
عصام شصاير ليش مايتحرك
عصام ،،ماخذ منوم
ولاء،،،منوم وليش
عصام،،اضاهر واحد مايريدة يطلع من فندق
ولاء،،مافتهمت ليش وليد ماخذ منوم
عصام،،،لا موهوة اخذة واحد حاطه الة بلجاي شوفي جاي هذا يعني هوة كاعد من وكت بس شارب جاي الي بي منوم
ولاء،،،منو سوة هيج وليش
عصام ،،،الي اخذج صبح هوة اله مصلحة
لاء،،،فهد بس ليش
عصام،،اكيد اكو خطة بالة كتلج دربالج منه
ولاء،،،اوففف ايجوز هاي مرتبطه بشحنه الي راح تجي
عصام،،،اي شحنه قصدج ماكو شحنه متوقفين هاي فترة احنه
ولاء،،،اكو شحنه راح تجي بعد يومين هي فاسدة بس شلون تجي واحنه ماعدنه علم بيها
عصام،،،لحضه انتي مين عرفتي هذا شي
ولاء،، من جنت ب.....سولفتله ع اتصال
وهذا الي صار
عصام،،،ايجوز غلطان
ولاء،،ايجوز بس هذا مايضر احنه ناخذ احتياطات
عصام ،،،اني راح اشوف هذا كلام صح لولا وانتي ابقي يمه لحد مايصحه
ولاء،،، اوكي ......ضليت يمه لحد مانعست ونمت ع تخم الي يم سرير من تعب
.
.
.
وليد،،،كعدت من وكت ماريد اعوف ولاء وحدها بعد الي صار بارحه مارتاحيت اله ابد طلبت جاي حتى اصحه كلت بعدين نتريك سوة طبست سبحت من طلعت بعدني بلمنشفه اجه جاي كعدت اشرب بي شوية وحسيت بدوخه وكعت ع سرير بعد مادري شصار غير لمن كعدت راسي يوجعني حيل فتحت عيوني شفت ملاك الي نايم يمي بس عبالي بعدني احلم تقربت منها لزمت خدها مشيت ايدي ع خدها حقيقه موحلم شعدها هنا مشيت اريد اسبح لان راسي يوجعني وكوة مسيطر ع جسمي جاي امشي ضربت رجلي بلميز فزت ولاء،
ولاء،،، وليد انت بخير
وليد،،،بخير بس شسوين هنا
ولاء،،،ماتذكر شي
وليد،،،لا بس اذكر شربت جاي ونمت بس ليش شصاير
ولاء،،،مومهم بس اريد نطلع من فندق نروح لبتنه نعيش هناك امان النه
وليد،،،ليش شصاير وبعدين شلون تريدين نعيش بيت واحد ماتعرفين ناس شتحجي
مستحيل
ولاء،،، خلي ناس تفيدك من تموت لو اني اموت لمرة ثانية باي
وليد،،، خلينه نحجي وين رايحه
ولاء،،، للجهنم
.
.
..
رايكم بلبارت 🌷🌷🌷
احبكممم 😘😘😘
بايييي
