الكاتبة : شروق عمرو ♥♥

ازيكم يا قمرات عاملين ايه بصوا بقي انا في الرفيو ده هتكلم عن كل حاجة تخصني فياريت القراءة تبقي للنهاية ♥♥♥

اسمي : شروق عمرو

الشهرة : بصراحة مفكرتش في اسم للشهرة بس لو انتوا عندكوا افكار قولولي في الكومنتات ❤❤

الدلع : بحب جدا اسم شيري 💜😂

سني :٢٠ سنة الا شوية (كبيرة مش كده 😂😂😂😂♥)

كلية : تجارة جامعة القاهرة سنة تانية ✋😂

السوشيال ميديا : فيه بنات كتير قالتلي عايزين نكلمك واتس يابنات والله انا مش عاملة واتس ولا فيس ولا انستا مبحبهومش خالص بحسهم حاجة تافهة كده وبتجيب مشاكل وبتعمل روتين يعني ايه افضل اكلم اصحابي ٢٤ ساعة في ال ٢٤ ساعة اما انا ممكن اقوي العلاقة بطرق تانية ♥

نفسي في ايه : نفسي ان كل بنت تعرف كويس ان نهايتها مش بيت جوزها زي ما بيقولوا لا احنا لينا اهداف واحلام زي الشباب بالظبط يعني اخلص دراسة واتخطب او اتجوز لا ده مش صح .... يا جماعة صدقوني المجتمع الي احنا عايشين فيه ده مريض بيقولوا عن البنت الي اتاخرت عن الجواز انها عانس مع انه نصيب وقدر مكتوب لها ...ليه احنا الي مطلوب مننا نكرس حياتنا كلها لزوج واطفال ؟!
اما ممكن الحاجة ديه تيجي في الوقت المناسب الخلاصة ان مفيش بنت يبقي هدفها راجل مفيش بنت تحس انها ضعيفة من غير راجل لا بالعكس احنا كبنات قوتنا تفوق الرجالة عشرات المرات فارجوكوا متخلوش حياتكوا تبوظ بسبب قرار خاطئ هتخدوه بعد كده

اكتر حاجة بقيت تضايقني في المجتمع : الارتباط في سن صغير بصوا يا بنات الحب مش حرام ولو كان حرام مكنش ربنا خلقوا في نفوسنا انما الي حرام بجد ان تبقي بنت عندها ١٤ او ١٥ سنة وتقولك مرتبطة ؟!!!!!
يابنتي انتي مرتبطة بطفل وبتقنعي نفسك انه راجل يابنات الحب مش كل حاجة ومن غيره هنقدر نعيش عادي جدا يعني عندكوا انا مثلا مرتبطش في حياتي ولا مرة بس بلاقي حاجة اخرج فيها مشاعري الي جوايا وهي الروايات مفيش بنت مش عايزة تحب او تتحب لكن بالعقل انتي بنت صغيرة ليه اول ما تفتحي عينك تفتحيها علي حاجة زي ديه وعلي فكرة انا هقولكوا حاجة حرفيا انا شوفتها بعنيا البنت الي بتبتدي ترتبط في سن صغير بتخلص من واحد تدخل علي الي وراه لحد ما غلطاتها بتزيد وبيبقي عندها تبلد في المشاعر عيشوا سنكوا واتبسطوا بيه في حاجات متغضبش ربنا لان في سنك ده انتي مش مدركة الصح من الغلط معرفتيش ناس او اتعاملتي مع نماذج مختلفة عشان تحكمي علي الي بتقولي انه بيحبك !!

هدفي في الحياة : انا ٣ث حرفيا غيرتلي حياتي ٣٦٠ درجة في كل حاجة بصوا يابنات انا كنت متفوقة جدا جدا كنت بطلع الاولي في كل سنة لدرجة ان اهلي كانوا واثقين اني هبقي دكتورة حتي انا كان حلمي من ابتدائي اني ابقي دكتورة لكن جيت في ٣ث حصلتلي نكسة رهيبة جيبت درجة كلية تجارة جامعة القاهرة بالعافية وبسبب غلطات مني استهتار زهق ولعب لدرجة اني بقيت داخلة كل مادة وانا مذاكرة نصها والنص التاني معرفش فيه كلمة متخيلين !!!!
دخلت الجامعة وكنت متأثرة جدا في الاول وقعدت اقول لنفسي انا مكاني مش هنا لحد ما وقفت مع نفسي وقفة غيرتلي كل حياتي قلت لنفسي انا كنت هستفيد ايه اما اطلع دكتورة ممكن تبقي فاشلة او حرامية او او او اكيد ربنا عشان مدانيش حاجة معينة يبقي فيها شر ليا اما انا ممكن في الكلية الي دخلتها اني اتفوق فيها وخصوصا ان تجارة مطلوبة في سوق العمل كتير اشتغلت علي نفسي ورجعت لشروق القديمة الي مكنتش متوقعة انها ترجع في يوم من الايام وربنا يثبتني الخلاصة ان مفيش حد فاشل وحد شاطر كلها ارادة وعزيمة وبس

ابتديت كتابة ازاي وامتي : ابتديت كتابة من ٦ ابتدائي كنت بكتب في البداية اشعار قصيرة وخواطر لحد ما طورت من نفسي وابتديت اكتب اشعار طويلة وبعد كده ابتديت في القصص القصيرة وبعد كده جيت وانا داخلة اولي ثانوي كتبت اول رواية ليا حب لايموت وبعديها احببت معلمي (احتمال انزلها لان قصتها جديدة وحقيقية 😂💜💜💜)
وبعديها لست عذراء وديه رواية قصيرة بس تحفة 😂♥♥♥
بس للاسف الروايات ديه منزلتهاش في اي مكان وفضلت في الاجندة بتاعتي وبعديها بطلت كتابة لمدة سنتين فقدت الشغف حسيت ان خلاص حلمي اني ابقي كاتبة مشهورة اختفي ..جات ازمة كورونا مكنتش عارفة اعمل ايه او اطلع طاقتي في ايه لحد ما حملت الواتباد عشان مجرد اقرأ روايات مش اكتر ومكنتش اعرف ان انا ممكن اكتب فيه رواية ليا فرحت جداااااا اما عرفت ان انا ممكن اكتب رواية ليا وكتبت اول رواية وهي " اتهام "💜💜💜

منين : شارع المهندسين في الجيزة 😂✋

لو فيه اي اسالة يا قمرات تانية اسألوها ليا ايا كانت اي هي حتي لو ملهاش علاقة بيا وانا هجاوب عليها في جزء تاني لو عايزين 💜💜💜