#قوة مفاجئـه
الحلقه 1 ، مقدمه (حقيقه ممزوجه بالخيال)
🔥الڪــــااتِبــــــهْ : لُوحِـــيِ بــِن حَـــامدْ🔥
بيان : من عادات وتقاليد قديمه انا قعدت جاهله زي بابا وعيلتي كلهاا بالضبط!
شن ذنب جيل جديد يتعذب ويسكت بسبب عادات سيئه!
ميقدرش حد يتكلمم واللي يقولوه كبار العيله يمشي ع الكل!
مجتمع متخلفففف وجااهل حياه حقيرررره هلبااا منبيش نكون نفس باقي بنات العيله مستحيللل!
بسس منقدرش نتكلم لان بنخسرر حيااتي!
بيان : ناضت من النوم فردت شعرها وقعدت تلم فيه قدام لمرايه
طق طق طق ؟!
بيان : خشي
رهف : صباح الخير
بيان : صباح النور خيرك قالبه وجهكك ع الصبح
رهف : مفيش بس مضايقه
بيان : السبب؟؟
رهف : قصدي را مليت لا حياتنا حياه لا شيء خلاص فديت نبي نطلع نسافر نهيج نقرأ نتعلم زي البنات💔
بيان : انتي عارفه انك من عيلة منووو
رهف : هزت براسهااا
بيان : عارفه بوك منوو؟؟؟ عارفه جدك منوو ؟؟ بطلي وهممم
رهف : بس هذا حقنا!
بيان : عارفه والكل يعرف
رهف : وعلاش قعدت ابسط امنياتنا وهم
بيان : لان عيلتنا جاهله ومتخلفهه ولو حد سمعك تقولي هكي بتخسري حياتك رهف
رهف : بس انا قعدلي سنتين ونكمل ثانوي يعني بنتزوج
بيان : زيك زي الباقي
رهف : زيك انتي متلا؟؟
بيان : شافت لي روحها في المرايه ... ثانوي وكملت وعارفه مصيري حيكون الزواج من واحد متخلف زيهم
رهف : ربي يعطيني ربع البرود اللي عندك بس
بيان : متفكريش كله يمشي
رهف : شافت لجهه الثانيه ومشت لعالم تاني
🔥الڪــــااتِبــــــهْ : لُوحِـــيِ بــِن حَـــامدْ🔥
__________________________________
جميله : يا بياااان يبااان
بيان : من غرفتهاا ... جااايه هي
جميله : تعالي هيا خشي نضفي المربوعه وابدي في لغذي وناديلي ع رهف مرت خوك البايره قعده منخمده
بيان : قلبت عيونها بملل ... حاضر
جميله : بسرعه سلم بنتي
بيان : اووف به
__________________________________
في حوش عم بيان :-
المهدي (اب بيان) : تفضل
ناجي (عم بيان) : زي ما انت عارف بيان كملت ثانوي ولازم تتزوج وتنستر وعارف العادات كيف يا خوي
المهدي : عارف وفاهم لكن من بيتزوجهاا؟؟
ناجي : مش من العيله ولا لبلاد!
المهدي : بس هكي حيكون كل شيء عكس عاداتنا ، لاول مره حيصير هالشيء في العيله
ناجي : بس فكر بيان بتتزوج واحد صاحب كلمه وليهم سمعه في بلادهم
المهدي : انت تعرفهم ؟؟
ناجي : اي عيله كويسه
المهدي : وشن اللي مخليك مصرر ؟؟
ناجي : نبي نأمن علي بنت خوي لا اكثر وفي الاخير الشوره ليك
المهدي : تم تم نفكر ونسأل ع العيله ويصير خير
ناجي : ان شاء الله
__________________________________
🔥الڪــــااتِبــــــهْ : لُوحِـــيِ بــِن حَـــامدْ🔥
في مكان ثاني :-
قيس : بصوت عالي ... شنوو هيااا يما امالا تشوفي فيا طرطور اني هني
نبيله : غير افهمني انت توا بتتزوج والشرع حلل اربعه انت اول ما تشوفها جمال وعيون شعر اصفر شخصيه مش زي التشتوشه اللي عندك
قيس : يما منبيش نظلم مرام ولا نظلم العروس الجديده انا مرام ومش قادر نعيشش معاهااا
نبيله : واللهي مرام اختارها بوك ع اساس بنت صاحبه وانا توا نبي نزوجك للي نبيهاا
قيس : حط يده ع وجهه بتوتر ... واناا ؟؟ انا معنديش كلمه ؟؟؟
نبيله : لا عندك وانا هذا اللي عندي كان هذا انسى ان عندك ام واعتبرني متت
قيس : تنهد بقلة صبر ... تمام تمام شوفي امتى يناسبكمم
نبيله :وروروورورييييييي
مرام : تشوفلهم من بعيد ومصدومه ان بتجي عليها ضره 💔
نبيله : تشوف لي قيس بخبث
مرام تباعدت عليهم رقت لي شقتها تبكي يشهقه معمرها قصرت مع حد!
ولا حتى ضايقت حد!
كانت كنه تتمناها كل عيله!
حتى بعد تمشي لي المستشفى لي قصة الحمل يطلع مفيش!
مفهمتش شن قاعد يصير معاي!
مشكله اني نحب قيس ومش قادره نطلب الطلاق!
🔥الڪــــااتِبــــــهْ : لُوحِـــيِ بــِن حَـــامدْ🔥
__________________________________
في مكان ثاني بعيد :-
زينب : ادخل في عروس ولدهاا الجديده وفي يدها بخور وتزغرط .... خشي خشي يا كنتنا
نجلاء : سلمك
صفاء : شوفيها كيف زي عارضة الازياء ومش قنينه ودايره فلرر كلها مكياج باختصار مزززيته
سجى : خير منك فمك زي بصل الاعراس وجسمك تقول ناحتينه وشعرك تقول ليفه مصديه😂
هديل : متتت وووك ياربي😂
صفاء : احترمي نفسك سجى
سجى : ههههه حاضر😂😂
فرح : قويه سجى الصراحه😂
صفاء : تغاضت وناضت!
زينب دخلت نجلاء وبدت الزغاريط والشوط لمقوم مره مره وزعو لغذي وانتم عارفين جوء الاعراس الليبيه عاد كانت نجلاء قنينه هلبا جمال واسلوب واخلاق❤️.
__________________________________
رهف : بيان
بيان : هااا نعمم
رهف : تخيلي حياتنا تتغير وتقعد عباره عند روايه
بيان : ههه احتمال
رهف : بجد حياتنا غريبه ومش مفهومه
بيان : خيرك نافختيها اليومم ؟؟؟
رهف : لا شيء انسي
__________________________________
الساعه 8 المغرب :-
جميله : هيا بيان وقت خفي روحك
بيان : هي كملت
جميله : واختك وين ؟؟
بيان : قالت تاعبه مش ماشيه معانا
جميله : به هياا الخطوبه بدت
بيان : شويا نشوف رهف
جميله : مطوليش
بيان : رهف لو جعتي تلقي ماكله في التلاجه حبيبتي
رهف : ابتسمت .. تمام شكرا
بيان : لو صار معاك شيء اتصلي بينا
رهف : اوك تمام
بيان : هي سلام
رهف : سلام .. ورقدت ع سريرها تغطت وسرحت
طلعت جميله مع اولادها والمهدي راجلها وبيان ماشيين لي خطوبة اقاربهم وقعدت رهف في البيت لانها تاعبه!
رهف : شافت حد خاش من الروشن شعره متناثر واضح انه شاب قدر يخش بسهوله
رهف : قرب مني وسخنت مع بعضي وبديت نرجف مع بعضي 💔......يتبع
تفاعلو هي هيا قصيره لانهاا مقدمه وهكي فهمتو كيف حيكون سرد الروايه مزال هلبا شخصيات في الحلقات الجايه🤷🏼♀️❤️.
أنت تقرأ
قوه مفاجئه(روايات ليبيه)
General Fictionالكاتبه لوحي بن حامد!! تدور احداث الروايه حول ابطال مختلفين كليا !! سيتعرضون الى الظلم واغلاط كثيره تقلب حياتهم رأسا على عقب🤷♀️🔥. #الكاتبه: لوحي بن حامد روايات ليبيه .
