#قوة مفاجئه
الحلقه 4 (حقيقه ممزوجه بالخيال)
متنسوش تصويت قبل لقرايه وتعليق بعد لقرايه❤️ + لا يوجد اي حساب لدي على الفيس بوك واتباد فقط!
🔥الڪــــااتِبــــــهْ : لُوحِـــيِ بــِن حَـــامدْ🔥
بعد مرور اسبوعين :-
طول الاسبوعين متغير شيء غير ان صفاء قعدت تتلاقى مع المجهول اللي كان اسمه ايمن لكن متتلاقاش معاه في مكان عادي لا ؟! تتلاقى معاه في مكان الدعاره وخشت صفاء عليهم وتجيهم وتتحجج بكده قصه عشان تطلع وتمشي وطبعا لمكان مليان بي البنات والرجاله وهيا كانت فرد منهم تلبي رغبتهم وتاخذ فلوسها وتروح!
لكن هيا قعده ادمر في بيتها وحياتها!🤷🏼♀️
وبين الاسبوعين جا اتصال للمهدي بان العريس مستعجل والا يشوف حد غيرهم لكن المهدي وافق وقرب العرس وبيان ورهف كل يوم يبكو وبيموتو قهرر 💔
ونجلاء عرفت كيف تكسب قلب خليل وتخليه يحبها وفعلا يقعد معاها طول اليوم وكله بفضل خطط سجى😂
اما مرام كان ضاربها البرود ومش مدوره حد تاكل تشرب وقاعد شعرها مضبوغ وكل يوم تحط مكياج وجوهاا تمام وطول هالفتره قيس بيهبللل عليها بسس مقربش منها نهائي🔥
__________________________________
بيان مقعمزه في الصالون وقلبهاا مكسور مشعارفه شن ادير ولا كيف تتصرف لكن معندهاش خيار غير انهاا تتزوج وبسس!
لين جاهاا اتصال وهني كانت صدمتهااا 😨ان امها تتصل عشان تقوللها ان خوها قدام الصالون باش يجيبها للصاله كان الوقت قاعد يمر عليها ومش قادره ادير شيء رفعت راسها فوق عشان متكبكش وتخرب الميك اب💔💔
ترن ترن ترن ترن ...
بيان : اء اء الو
جميله : هاا شن صار معاك كملتي؟؟
بيان : ايه قعدو حاجات بسيطه بس
جميله : تمام مطوليش خوك برا عشان يجيبك للصاله بسرعه
بيان : باهي به ... وسكرت الخط
__________________________________
اما في عرس قيس :-
كانو عازمين شوية اقارب وشوية جيران وناس بسيطه وبسس عشي ودخول وزي العاده مرام لافته الانظار بقفطانها المنفوخ هلباا كان لونه ذهبي وفيه كريستال كله والميكب اللي يجلطططط وفارده شعرهاا وحاطه عطر ومع شعرها الاحمر🔥🔥وزي العاده واحله في قفطانها ومش معبره حد لكن قلبها مكسور وتتمنى في الموت!
مشت مرام تشرب امياه وتكركر في قفطانها زي الصغار😂وصلت للمطبخ وقعدت تغني واداعي
قيس : تي هيا ساره وينك وقرب يبي يكشخ عليها
مرام : تلفتت ورافعه حاجبهاا🔥
قيس : قعد يشوفلهااا وفاتح عيونه بذهول😳ه هاذي مرام ؟؟؟
مرام :ضرباته ع خده صربه خفيفه
قيس : اه اي انا نبي ساره عشان نجيببو الا الا لل عع عروس
مرام : اوك توا اناديها وتحركت بتمشي
قيس : مرام❤️
مرام : وقفت وتنفست نفس عميق كأنه صوته رد فيها الروح 🔥لكن رجعت ملامحها القاسيه وتلفتت وشافتله بمعنى شنو؟؟؟
قيس : طالعه حلوه اليوم❤️
مرام : هزت براسها ومشت
قيس : رفع راسه ويحك فرقبته وطلع
أنت تقرأ
قوه مفاجئه(روايات ليبيه)
General Fictionالكاتبه لوحي بن حامد!! تدور احداث الروايه حول ابطال مختلفين كليا !! سيتعرضون الى الظلم واغلاط كثيره تقلب حياتهم رأسا على عقب🤷♀️🔥. #الكاتبه: لوحي بن حامد روايات ليبيه .
